Մոր և մանկան առողջության պահպանման գիտահետազոտական կենտրոն
Լուրեր | Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ

Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ

2020 Հուն 23, Հինգշաբթի

Ի՞նչ է դոպլեր հետազոտությունը:

Դոպլերոգրաֆիկ հետազոտությունը հղիության ընթացքում հետազոտության տեսակ է, որը թույլ է տալիս ուսումնասիրել և գնահատել արյան շրջանառության հոսքը մայր-ընկերք-պտուղ մակարդակներում: Ուսումնասիրում ենք, թե ի՞նչ վիճակում է պտղի  սնուցումը, հետազոտում ենք կնոջ արգանդը սնուցող զարկերակները, պտղի պորտալարի անոթները, գլխուղեղի միջին զարկերակը, աորտան։ Հղիության ժամանակ դոպլերոգրաֆիկ ռեժիմը մասնագետներին օգնում է նաև ժամանակին հայտնաբերել արատները:

Եր՞բ են իրականացնում հետազոտությունը:

Հղիության ժամանակ օպտիմալ է համարվում այն ժամկետը, երբ վերջնականապես ավարտվում է ընկերքի ձևավորումը, այսինքն, սկսած 20-22 շաբաթականից։ Բոլոր հղիների համար ԴՀ-ն պարտադիր հետազոտություն չէ, սակայն ցանկանալի է։ Իհարկե, կան ցուցումներ որոնց առկայության դեպքում բժիշկը պետք է հղիին նշանակի դոպլերոգրաֆիկ հետազոտություն, որպեսզի կանխարգելվի հղիության հետագա բարդությունները։ Ցուցումները բազմազան են, դրանցից են մոր հիվանդությունները, շաքարային դիաբետը, զարկերակային գերճնշումը, գեստոզները, գերջրությունը, սակավաջրությունը, մոր և պտղի ռեզուս անհամատեղելիությունը, սակավարյունությունները, պտղի դանդաղ աճը և այլն։

Ինչպե՞ս է իրականացվում դոպլեր հետազոտությունը:

Դոպլերոգրաֆիային օգնությամբ արյան շրջանառության հետազոտությունը կատարվում է երեք մակարդակով. որոշվում են արգանդային զարկերակների, պորտալարի արյան հոսքը և պտղի գլխուղեղի միջին անոթները։

Որքա՞ն է տևում հետազոտությունը:

Դոպլերոգրաֆիան կարող է տևել մոտավորապես 20-25 րոպե:

Երբեմն գլխուղեղի զարկերակի հետազոտության ժամանակ կարող են որոշ դժվարություններ լինել, ինչը վերահսկվում է կրկնակի դիտման արդյունքում:

Ինչպե՞ս նախապատրաստվել հետազոտութանը:

Նախապատրաստվելու կարիք չկա: Ցանկալի է հղին քաղցած չլինի և միզապարկը դատարկ լինի, որպեսզի չխանգարի պտղին զննելը:

Որքա՞ն է հետազոտության ճշգրտությունը:

Հետազոտության ճշգրտությունը 90 և ավելի տոկոս է:

Ո՞ր դեպքերում է նշանակվում կրկնակի դոպլերոգրաֆիա:

Կրկնակի դոպլերոգրաֆիա նշանակվում է, երբ որոշակի մակարդակներում արյան շրջանառության հոսքի շեղումներ են հայտնաբերվում: Հետազոտությունը հարկ է կրկնել բուժման կուրսն ավարտելուց հետո, ըստ բժշկի նշանակման, 2- 3 շաբաթը մեկ անգամ:

Վարդուհի Վաչագանի Հովհաննիսյան,
սոնոգրաֆիստ,
Մոր և մանկան առողջության պահպանման գիտահետազոտական կենտրոն

 

 

+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը