Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության ժամանակ կոշիկների ընտրությունը

Հղիության ժամանակ կոշիկների ընտրությունը

2019 Մայ 16, Հինգշաբթի

Հղիության ժամանակ կնոջ ոտքերը ենթարկվում են մեծ ծանրաբեռնվածության, այդ պատճառով կոշիկների ընտրությանը պետք է շատ լուրջ մոտենալ: Անհրաժեշտ է, առաջին հերթին, հրաժարվել բարձրակրունկներից հենց հղիության առաջին եռամսյակից սկսած: Բանն այն է, որ բարձր կրունկները փոխում են կնոջ հենման կետը և ողնաշարի ծանրաբեռնվածությունն ավելանում է, իսկ կոնքի և ոտքերի մկանների չափից ավելի լարվածությունն անգամ կարող է վաղ ժամկետներում վիժում առաջացնել:

Բարձրակրունկներ կրելը երրորդ եռամսյակում մեծացնում է ողնաշարի թեքումների հավանականությունը, որի արդյունքում փոխվում է արգանդի դիրքը և պտուղը նույնպես ընդունում է ոչ ճիշտ դիրք: Բացի այդ, նման կոշիկները քայլվածքը դարձնում են անվստահ, մեծացնում են ընկնելու և վնասվածքներ ստանալու վտանգը: Սակայն ամբողջովին տափակ կոշիկներ կրելը նույնպես անցանկալի է, այս դեպքում կարող է հարթաթաթություն զարգանալ:

Եվ այսպես, ինչպիսի՞ն պետք է լինի ճիշտ կոշիկն ապագա մոր համար: Նախընտրելի է ընտրել կաշվից «շնչող» կոշիկներ՝ 3-4 սմ-ից ոչ բարձր, կայուն կրունկներով: Հարմար են ոչ բարձր կրունկներով պլատֆորմները: Կոշիկը փորձելիս պետք է ուշադրություն դարձնել, որ բավականին լայն լինի. նեղ կոշիկն առաջացնում է բութ մատի թեքում, ցավեր ոտնաթաթում, կոշտուկներ և ոտնաթաթի մատների սնկային վարակի առիթ լինել:

Անվտանգության նպատակով պետք է ընտրել ոչ սահող կոշիկներ: Միշտ պետք է հիշել, որ հղիության ընթացքում ոտքերի այտուցը կարող է ավելանալ, իսկ հոդերը՝ լայնանալ, և, ուրեմն, պետք է գնել մեկ համարով ավելի մեծ կոշիկ: Պետք է նախապես մտածել նաև այն մասին, որ կոշիկ հագնելը պետք է դժվար չլինի, որովհետև հղիության ուշ շրջանում արդեն մեծ դժվարություն է ներկայացնում կռանալը, կոշկակապեր կապելը և արձակելը: Կոշիկը պետք է հնարավոր լինի առանց կողմնակի օգնության և հեշտությամբ հագնել և հանել:

+374 10 53 13 42

Վերջին թարմացումներ

Կարդալ ավելին»
2020 Հուն 03, Չորեքշաբթի | Լուրեր

Կանխարգելիչ միջոցառումները շարունակվում են

Մոր և մանկան առողջության պահպանման գիտահետազոտական կենտրոնը երկրում տիրող իրավիճակից ելնելով՝ շարունակում է իրականացնել անհրաժեշտ  հակահամաճարակաբանական պարտադիր միջոցառումները...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն