Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Մոր սնունդը` ծննդաբերությունից հետո

Մոր սնունդը` ծննդաբերությունից հետո

2019 Սեպ 11, Չորեքշաբթի

Շատ կանայք ծննդաբերությունից հետո արագ քաշ են գցում՝ երեխայի, պլացենտայի և պտղաջրերի քաշից զատ. 1-2 շաբաթում օրգանիզմից հեռանում է մոտավորապես 2 լիտր կուտակված հեղուկ: Ծննդաբերությունից հետո մի քանի շաբաթ տևող արյունահոսությունը համարվում է նորմալ. արգանդը մաքրվում է բջիջներից, որոնք այն կապել են պլացենտայի հետ: Ծննդաբերությունից մի քանի օր կամ շաբաթ անց կարող է մի վիճակ զարգանալ, որը կոչվում է հետծննդաբերական թախիծ կամ «բեբե-բլյուզ»:

Պետք է հիշել, որ ճնշված վիճակը ժամանակավոր է և անպայման կանցնի: Բացի այդ, այն պայմանավորված է ո՛չ միայն հոգեբանական վիճակով, այլ նաև` հորմոններով. այնպես որ, տխրության և թախծի համար պետք չէ ինքնաքննադատությամբ տարվել:

Պե՞ՏՔ Է ԿԵՐԱԿՐՈՂ ՄՈՐԸ` ԿԱԹՈՎ ԹԵՅ

Ամենատարածված ժողովրդական խորհուրդներից է կերակրող մորը կաթով և շաքարավազով թեյ խմելը: Պնդում են, որ այս ըմպելիքը կնպաստի առատ կաթնարտադրությանը: Դա ո՛ միայն ճիշտ չէ, այլև պոտենցիալ վնասակար է: Նախ, երեխան կարող է լակտոզայի նկատմամբ անընկալություն ունենա և կրծքով կերակրումը վտանգի տակ դրվի: Հաջորդը. այդ ըմպելիքով մայրը մեծ քանակի շաքարավազ և ավելորդ կալորիաներ կստանա, որը կխանգարի նրա քաշի նվազմանը:

Մյուս կողմից, կերակրող մոր օրգանիզմի հեղուկների պահանջն, իսկապես, բարձրացած է: Օրգանիզմն ինքն է այդ մասին ազդանշան տալիս հենց կերակրման ժամանակ: Լավագույն ըմպելիքներն են՝ սովորական ջուրը, ջրով բացված հյութը, բուսական թեյերը, կոմպոտները: Իսկ սուրճը պետք է սահմանափակել մինչև օրական 2 գավաթ. մոր կաթի մեջ անցած կոֆեինը կարող է երեխայի մոտ առաջացնել գրգռվածություն:

Եվ, իհարկե, կերակրող մայրը պետք է խուսափի ալկոհոլային խմիչքներից. կրծքի կաթի մեջ անցած ցանկացած քանակով ալկոհոլը վտանգավոր է երեխայի համար:

Եթե, այնուամենայնիվ, կերակրող մայրն օգտագործել է ալկոհոլային խմիչք, պետք է հաշվարկի, թե երբ կարող է երեխային մոտեցնել կրծքին, որպեսզի նրան վնաս չպատճառի: Կարելի է նախապես կթած կաթ պահել, որպեսզի բաց թողնված կերակրումը լրացվի դրանով:

+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը