Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 33-րդ շաբաթ

Հղիության 33-րդ շաբաթ

2020 Մար 09, Երկուշաբթի

Եվ այսպես, մինչև փոքրիկի հետ երկար սպասվող հանդիպումը մնացել է մոտավորապես մեկ ամիս: Ի՞նչ է կատարվում հղիության 33-րդ շաբաթում:
Երեխան արագ աճում և քաշ է ավելացնում, բայց նրա ակտիվությունը նվազում է, քանի որ տարածությունը չի հերիքում:

Ապագա մորն այս ժամկետում, սովորաբար, անհանգստացնում է սպասվելիք ծննդաբերությունը և նա չի կարողանում կտրվել կպչուն մտքերից:

Հավատացնում ենք Ձեզ, ծննդաբերությունից առաջ վախը բնորոշ է բոլոր հղի կանանց: Սակայն միշտ կարելի է գտնել միջոց, որը կօգնի վերականգնել խաղաղությունը և դրական տրամադրվածությունը: Դա, օրինակ, ծննդաբերությանը նախապատրաստվելուն վերաբերող պարապմունքներն են, հաջողությամբ ծննդաբերած կանանց հետ շփումները կամ հղիության համար նախատեսված շնչական վարժությունները:

ՊՏՂԻ ԶԱՐԳԱՑՈՒՄԸ

Երեխան կշտում է մոտավորապես 2 կգ, հասակը՝ գրեթե 44 սմ է: Շարունակում են զարգանալ թոքերը, լյարդում ձևավորվում են բշտերը: Ակտիվորեն աշխատում է ենթաստամոքսային գեղձը. այժմ այն կարող է փոքրիկի օրգանիզմը ապահովել ինսուլինով, որն անհրաժեշտ է նորմալ նյութափոխանակության համար: Պրակտիկորեն ավարտված են փոքրիկի սրտի, էնդոկրին, իմուն, կենտրոնական նյարդային համակարգերի ձևավորումը:

ՄՈՐ ՎԻՃԱԿԸ

Քաշի ավելացումը կազմում է 8-12,5 կգ: Երեխայի խաղն ավելի նկատելի է դառնում, ուշադիր մայրերն արդեն 33 շաբաթում կարող են տարբերել, թե երեխան արմունկներո՞վ, թե՞ ծնկներով է հարվածում:

Հղիության ընթացքում, հատկապես երրորդ եռամսյակում, հրատապ է պլացենտայի շերտազատման վտանգը: Շերտազատման պատճառներ կարող են լինել վնասվածքները, արգանդի միոման, հեստոզը, հղիի բարձր ճնշումը, հարաբերական կարճ պորտալարը (նորմալ երկարության պորտալարը, որը երեխայի դիրքի պատճառով արգանդի ներսում վտանգավոր կերպով ձգվում է) կամ բացարձակ կարճ պորտալարը (այն ֆիզիոլոգիապես բավարար երկարություն չունի, որպեսզի փոքրիկը կարողանա արգանդում նորմալ տեղակաշարժվել): Պլացենտայի շերտազատումը ոչ միշտ է արտահայտվում արյունահոսությամբ, երբեմն նրա ախտանիշն է ուժեղ մշտական ցավը՝ տեղակայված մեկ տեղում: Որովայնում երկարատև լոկալ ցավի ժամանակ, որն ուղեկցվում է գլխապտույտով և թուլությամբ, անհրաժեշտ է անմիջապես շտապօգնություն կանչել:

Ի՞ՆՉ ԱՆԵԼ

Ամուսնու կամ ընտանիքի այլ անդամի հետ անցկացնել տան տնտեսվարության հարցերի քննարկում
Ոչինչ չի փոխարինում սեփական փորձին: Դժվար թե Դուք կցանկանաք շտապ բացատրել ամուսնուն, թե որտեղ են տան մաքրման պարագաները, կամ ինչպես թեթև նախաճաշ կարելի է պատրաստել: Ավելի լավ է արդեն այժմ, հանգիստ բացատրել, թե տանն ինչը որտեղ է գտնվում:

Խանութներում փնտրել երեխայի առաջին մանկասայլակը

Կարելի է անգամ ոչ թե գնել, այլ նայել, փորձել այն խանութում, իսկ հետո պատվիրել համացանցով:

 

+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը