2020 Օգս 10, Երկուշաբթի
Բժիշկներն այլևս խորհուրդ չեն տա հղիներին նվազեցնել ֆիզիկական ակտիվության մակարդակը:
ԱՄՆ-ի Վիրջինյա նահանգի ռազմածովային բժշկական կենտրոնի հետազոտական կենտրոնի (Naval Medical Center) ղեկավար Մարլին Դեմեյոյի նոր աշխատանքների համաձայն, հղի կինը կարող է զբաղվել ֆիզիկական ծանրաբեռնվածությամբ, առանց պտղին վնաս տալու, նույնիսկ դա կարող է քչացնել տարբեր սիմպտոմների արտահայտություններ:
Աերոբիկան, ուժային մարզումները, լողը թեթևացնում են մեջքի և այլ շրջանի մկանային ցավերը, իջեցնում են արյան ճնշումը, այտուցները, կանխարգելում հետծննդյան ընկճախտը:
’’Կարևոր է հիշել, որ հղիությունը յուրահատուկ ժամանակավոր վիճակ է, այլ ոչ թե հիվանդություն և կնոջ ոսկրա-մկանային և ֆիզիոլոգիական փոփոխությունները նորմալ են’’. Ասել է Դեմեյոն:
Դոկտոր Դեմեյոյի արդյունքները հակասում են արդեն ձևավորված կարծիքին, համաձայն որի հղիի փոփոխված ոսկրա-մկանային համակարգը, նկանային կապանների թուլությունը, քաշի ավելացումը ֆիզիկական ակտիվության ժամանակ կարող են խնդիրներ հարուցել:
Այնուամենայնիվ Դեմեյոն ոչ միայն կարևորում է ֆիթնեսի ազդեցությունը, այլև պնդում է, որ հղիությունն ամենալավ ժամանակն է կանոնավոր մարզումներ սկսելու համար, որովհետև հղի կինը պատրաստ է ամեն բան անել իր երեխայի առողջության համար.
Հետազոտությունների արդյունքում ֆիզիոլոգները տարանջատել են կնոջ մի քանի վիճակներ, որոնց ժամանակ պարզապես անհրաժեշտ են ֆիթնեսը և սպորտը:
Մինչծննդյան շրջանում անհրաժեշտ է պահպանել լավ վիճակը և ֆիզիկական ակտիվությունը հարմարեցնել հղիությանը: Օրինակ, մինչև հղիությունը վազքով զբաղվող կիբը հղի վիճակում կարող է անցնել լողի:
Հետծննդյան շրջանում ֆիզիկական ծանրաբեռնվածությունը քչացնում է էմոցիոնալ լարվածությունը և խանգարում հետծննդյան դեպրեսիայի զարգացմանը:
Գիտնականները պարզել են նաև, որ սպորտով զբաղվելը չի ազդում մոր կաթի որակի վրա:
Մեծ տարիքում հղիության ժամանակ օրգանիզմի պահանջը ֆիզիկական ակտիվության նկատմամբ ավելի է մեծանում: Սպորտը նպաստում է արյան գերճնշման և շաքարի մակարդակի բարձրացման կանխարգելմանը:
Եթե անգամ կինը անպտղության բուժման կամ էքստրակորպորալ բեղմնավորման ընթացքում է, միևնույն է նա կարող է շարունակել իր մարզումները իր մանկաբարձի հսկողությամբ:
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»