Անգամ նորմալ ընթացող հղիությունն, իսկական, սթրես է կնոջ օրգանիզմի համար: Այդ ֆոնի վրա բոլոր քրոնիկական հիվանդությունները հիշեցնում են իրենց մասին:  Հղիության ժամանակ երիկամային քարերը դրա ցայտուն ապացույցն են:

Այդ ախտաբանությունը լուրջ վտանգ է մոր և պտղի համար: Սակայն դեռևս հղիության պլանավորման փուլում կատարված միզարտադրության օրգանների հետազոտությունն օգնում է խուսափել խնդիրներից:

Երիկամներում քարերի առաջացման գործոնները հղիության ժամանակ

Միզարտադրողական օրգաններում քարերի առաջացմանը նպաստող գործոնները լինում են ներքին և արտաքին:  Կարևոր խթանիչ է ջրա-աղային փոխանակության խանգարումը: Սակայն կան հղիի օրգանիզմում քարերի առաջացման այլ պատճառներ ևս.

•  գենետիկ նախատրամադրվածություն,
• սխալ սնունդ (մեծ քանակի մսի օգտագործումը),
• հորմոնալ խանգարումներ,
• առանց նկատելի ախտանշանների ընթացող բակտերուրիա,
• վիտամիային անբավարարություն,
• ստամոքս-աղիքային համակարգի օրգանների հիվանդություններ,
• պոդագրա,
• նյարդային համակարգի զարգացման խանգարումներ,
• միզարտադրողական համակարգի օրգանների քրոնիկ հիվանդություններ,
• միզարտադրողական համակարգի գործունեության խանգարումներ,
• օրգանիզմի ջրազրկում:

Քարերի առաջացման վտանգը մեծ է հատկապես հղիության վերջին եռամսյակում, երբ ապագա մոր մեծ որովայնը խանգարում է ակտիվ լինել: Այդ շրջանում, հորմոնալ ֆոնի անկայուն վիճակի պատճառով, երբեմն լինում են նյութափոխանակության խանգարումներ:

Այս ախտաբանության իրական վտանգը մոր և պտղի համար համառ ընթացող սրացումն է, մինչդեռ թույլ ընթացող ձևերն առողջության համար վտանգ չեն ներկայացնում:

Ինչո՞ւ է սրանում միզաքարային հիվանդությունը հղիության ժամանակ
Հղիության ժամանակ կնոջ մոտ հորմոնալ գործունեությունը նկատելիորեն ակտիվանում է, ինչը բերում է միզաքարային հիվանդության սրացման: Ահա թե ինչու երեխային սպասելը և երիկամային նոպաները հաճախ զուգահեռ գործընթացներ են:

Ապագա մոր օրգանիզմը սինթեզում է մեծ քանակի պրոգեսթերոն հորմոն, քանի որ այդ նյութի մեծ մակարդակը նորմալ հղիության պայման է:

Միզարտադրողական համակարգի օրգանների հյուսվածքներում առկա են պրոգեսթերոնի բազմաթիվ ռեցեպտորներ, այդ պատճառով, երբ նրա քանակն ավելանում է, միզուղիները լայնանում են և կորցնում առաձգականությունը՝ հեշտացնելով քարային գոյացությունների շարժումը: Այդ ընթացքում արգանդը շարունակում է չափերով աճել, ճնշում է միզուղիները և խանգարում մեզի ազատ հեռացումը: