«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Ինչո՞վ է վտանգավոր հերպեսը հղիների և երեխաների համար

Ինչո՞վ է վտանգավոր հերպեսը հղիների և երեխաների համար

2021 Փետ 12, Ուրբաթ

Հերպեսը շրթունքների վրա (և՝ ոչ միայն) բշտիկների առաջացումն է:

Պատճառը հասարակ հերպեսի վիրուսն է, հաճախ` առաջին տիպի (ВПГ-1, Herpes simplex virus 1): Այդ վիրուսի նկատմամբ ընկալունակությունը մոտավորապես 100% է:

Մեկ անգամ ներդրվելով օրգանիզմ, վիրուսը մնում է օրգանիզմում մշտապես` շրջանցելով իմունային համակարգին:

Վիրուսը, մարդուց` մարդուն, անցնում է շփման ճանապարհով՝ լորձաթաղանթներով և մաշկով: Հնարավոր է վարակվել նաև օդա-կաթիլային ճանապարհով, իսկ արյան միջոցով մայրը կարող է վարակել երեխային:

Հերպեսի ամենավարակիչ շրջանը վարակի ակտիվ ժամանակաշրջանն է:

Առաջին տիպի հերպեսի վարակը հաճախ ընթանում է անախտանիշ, որի արդյունքում շատերն անտարբեր են մնում և չեն անհանգստանում շրթունքների վրա առաջացած բշտերից: Սակայն նման բշտերի առաջացումը փաստում է հերպեսի վիրուսով վարակվածությունը, որն անխուսափելիորեն վարակի աղբյուր է շրջապատի համար: Ելնելով այդ հանգամանքից, երեխայի վարակվելը պարզապես դառնում է անխուսափելի է. 10 երեխայից 9-ը վարակվում են մինչև 3 տարեկանը: Ուժեղ իմունիտետ ունենալու դեպքում, մարդու մոտ ճնշվում է վիրուսի ակտիվությունը և բազմացումը: Այն սկսում է արտահայտվել միայն իմունային համակարգի թուլացման ժամանակ, և որքան այն իջած է, այնքան ակտիվ է վիրուսը: Իմունադեֆիցիտային հիվանդությունների ժամանակ վիրուսն ախտահարում է ո՛չ միայն լորձաթաղանթներն ու մաշկը, այլ նաև կարևոր կենսական օրգանները:

Հերպեսի ակտիվացումը խիստ վտանգավոր է հղիության ժամանակ, այն կարող է առաջացնել ներարգանդային վարակում և պտղի զարգացման բնածին ախտաբանությունների պատճառ դառնալ: Վտանգն առկա է նաև ծննդաբերության ժամանակ, եթե այդ ժամանակ առկա է վիրուսակրության ակտիվ շրջան:

Նորածնի օրգանիզմն անպաշտպան և խոցելի է վիրուսի դեմ, այդ պատճառով հերպետիկ վարակի տարածված ձևի զարգացման վտանգը հետծննդյան շրջանում մեծ է:

Այնուամենայնիվ, երեխային կրծքի կաթով կերակրելն ավելի ճիշտ է, քան արհեստական կերակրումը, որովհետև մոր հակամարմինները կաթով անցնում և պաշտպանում են նաև երեխային:

Վիրուսակրության ակտիվ շրջանում գտնվող մայրը պետք է դիմակ կրի, զգուշանա երեխայի հետ ախտահարված մաշկով հատվածների շփումից:

Վիրուսի դեմ միակ պայքարը իմունիտետի բարձրացումն է: Երեխային պետք է հաճախ զբոսանքի տանել, ապահովել լիարժեք սնունդ, կոփել և այլն:

Իմունային խանգարումների կարգավորումը պետք է բժշկի հսկողությամբ իրականացնել: Իսկ փոքր տեղակայման վիրուսային ցանի՝ բշտիկների, բուժման համար նշանակվում են հակավիրուսային միջոցներ:

Ամենահայտնի և լավ ազդող դեղերից է ացիկլովիրը: Բշտերի վերքերը բուժելու համար, նախ, պետք է դրանք բացել և քսել վերքամոքիչ քսուկներ՝ պանտենոլ, սոլկոսերիլ և այլն:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը