2021 Նոյ 17, Չորեքշաբթի
Մարդու խորիոնիկ գոնադոտրոպինը (ՄԽԳ` hCG) հղիության ժամանակ պլացենտայում արտադրվող հորմոն է: Նրա գործառույթն է է ապահովել պրոգեստերոնի սինթեզը դեղին մարմնում` հղիության առաջին շաբաթների ընթացքում (այնքան ժամանակ, մինչև պրոգեստերոնն սկսի արտադրվել պլացենտայում):
ՄԽԳ հետազոտությունն իրականացվում է հղիության վաղ հայտնաբերման նպատակով: Հղիների մոտ ՄԽԳ-ն արյան մեջ կազմում է > 30 միլիՄ/մլ: 5-25 միլիՄ/մլ-ի դեպքում պատասխանն անորոշ է: Այդ դեպքում անալիզը պետք է կրկնել մի քանի օր անց:
Տղամարդկանց և ոչ հղի կանանց մոտ ՄԽԳ-ն < 5 միլիՄ/մլ է:
Նորմալ հղիության ժամանակ ՄԽԳ-ն արյան մեջ հայտնվում է արդեն բեղմնավորումից 5-7 օր անց: Առաջին եռամսյակի ընթացքում նրա մակարդակը ակտիվ աճում է (կրկնապատկվում է 48-72 ժամը մեկ) և հասնում է առավելագույնի հղիության մոտավորապես 7-11 շաբաթում (մինչև 300000 միլիՄ/մլ): Վերջին եռամսյակում ՄԽԳ-ի մակարդակը նվազում է առավելագույն քանակի մոտավորապես մեկ քառորդը և այդպես պահպանվում մինչև ծննդաբերությունը:
Ծննդաբերությունից հետո՝ 2-3 շաբաթվա ընթացքում, ՄԽԳ-ն իջնում է մինչև այն մակարդակը, որն առկա էր նախքան հղիությունը (< 5 միլիՄ/մլ): Եթե 3 շաբաթից այն չի հասնում այդ մակարդակին, պատճառը կարող է լինել պլացենտայի առկայությունն` արգանդում:
ՄԽԳ հետազոտություն կատարվում է նաև արտարգանդային հղիությունն ախտորոշելու և պտղի մոտ բնածին արատների վտանգը պարզելու նպատակով:
ՄԽԳ-ի բարձր մակարդակ տղամարդկանց և ոչ հղի կանանց մոտ վկայում է ուռուցքի առկայության մասին:
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»