Մեկ օրականից մինչև 16 շաբաթականը

Բնական ծննդաբերությունից հետո երեխային անմիջապես մոտեցնում են մոր կրծքին: Երեխան ստանում է կրծքի կաթի առաջին քանակը, որը կոչվում է մոլոզիվա: Չորս օր անց կնոջ մոտ արդեն սկսում է արտադրվել հասուն կաթ: Եթե մայրական կաթը չի բավարարում, երեխան կերակրվում է մայրական կաթին փոխարինող կաթնային խառնուրդներով:

Սնունդը՝ 17 շաբաթականում

Աստիճանաբար ավելացվում է հավելյալ սնունդ՝ փոխարինելով կաթով սնուցումերից մեկը: Նորածնին տրվող հավելյալ սննդի ժամկետների վերաբերյալ կարծիքները տարբեր են: Կիսակոշտ սնունդ կարելի է տալ 17 շաբաթականից, եթե երեխան ցանկություն ունի այն փորձելու կամ քաղցածության նշաններ է ցույց տալիս: Սակայն միշտ պետք է հիշել, որ երեխայի մարսողական համակարգը լիովին ձևավորվում է միայն երկու տարեկանում:

Սնուցումը 17-ից մինչև 24 շաբաթականը

Սննդի փոփոխությունը 17 շաբաթականից սկսած իրականացվում է կիսակոշտ կամ կոշտ սննդի աստիճանական ավելացումով.

• Բանջարեղենային /գազար/ խյուս - խորհուրդ է տրվում ավելացնել ավելորդ քաշ և փորկապություն ունեցող երեխաներին
• Մրգային խյուս
• Մրգային և բանջարեղենային հյութեր

Երեխայի կերակրումը 25 շաբաթականից

Եթե երեխան լավ է ընդունել հավելյալ սնունդը 17 շաբաթականից, ապա կես տարեկանում արդեն մեկ կերակրումը պետք է լինի հավելյալ սնունդ՝ մեկ չափաքանակը մինչև 100-150 գրամ:

Սնունդը՝ 29 շաբաթականում

7 ամսականում հավելյալ սննդի քանակն արդեն կազմում է 150 գր /շիլաներ, խյուսեր/: Սկսվում է մսային մթերքի ավելացումը: Աստիճանաբար միացվում է պատառաքաղով փափկացրած սնունդ:

Սնունդը՝ 33 շաբաթականում

8 ամսականից տրվում են խոշոր քերիչով մանրացրած խյուսեր: Արդեն կարելի է օգտագործել ձկնային մթերք: Պետք է զգույշ լինել սննդից, որը կարող է անցնել երեխայի շնչափող /սննդի մեծ կտորներ/:

Սնունդը 37 շաբաթականում
9 ամսականում շիլայի, մրգային խյուսի քանակը կազմում է 150-180 գր: Սննդում օգտագործվում են մանր կտրատած հում մրգեր և խաշած մթերք։ Դրանք պետք է լինեն ոչ պակաս 1 սմ և ոչ ավելի 2 սմ-ը: Ավելացվում են կաթնաթթվային մթերքներ՝ մածուն, կաթնաշոռ և այլն:

Սնունդը 41 շաբաթականում
10 ամսականում երեխան պետք է կարողանա կենտրոնանալ կերակրի վրա, և նրա ուշադրությունը պետք չէ շեղել ուտելու ընթացքում: Այս տարիքում անհրաժեշտ է ավելի բազմազան սննդակարգ օգտագործել՝ շիլաներ, մանրացրած միս, ձուկ, կաթնաշոռ, մածուն, մրգային խյուս:

Սնունդը 45-ից մինչև 52 շաբաթականը
Մեկ տարեկանում արդեն երեխան կարող է սնվել ընտանիքի հետ և նրա սննդակարգով՝ որոշ բացառություններով.

• Աղի սահմանափակում կերակուրների մեջ
• Համեմունքների, ճարպոտ սննդի բացառում
• Խաշած մթերքները պետք է կտրատել կամ ճզմել
• Եփված միսը աղալ մսաղացով
• Ավելացնել մրգերի, խաշած կարտոֆիլի և բանջարեղենի կտորներ

Ֆիզիոլոգիական սահմանափակումներ.

• Առաջին և վերջին կերակրումը չպետք է ծանրաբեռնեն ստամոքս-աղիքային համակարգը /կրծքի կաթ, կաթնախառնուրդներ, մածուն/
• Չմոռանալ, որ երեխայի ստամոքսի չափը 200 մլ է
• Կերակրումների միջև երեխային տալ հեղուկներ /նոսր կոմպոտներ, եռացրած ջուր, թույլ թեյ/

Պետք է հիշել, որ թեյի պոլիֆենոլները խանգարում են երկաթի յուրացմանը: