«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հետաձգված մայրություն․ ձվաբջջի սառեցում 35-ն անց կանանց մոտ

Հետաձգված մայրություն․ ձվաբջջի սառեցում 35-ն անց կանանց մոտ

2024 Մար 07, Հինգշաբթի

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի:  Հասունացման շրջանում ձվաբջիջներն ավելի քիչ են՝ 350-400 հազար, իսկ 37 տարեկանում՝ 25,000-ից ավելի պակաս: Ձվաբջիջների քանակի նվազմանը զուգահեռ՝ իջնում է նաև նրանց որակը, շատանում են անեուպլոիդ բջիջները, որոնց քրոմոսոմային կազմը փոփոխված է, և ընդունակ չէ ձևավորելու կենսունակ էմբրիոններ:


ԱՄԲ հաջողությունը որոշվում է ոչ թե ծրագրին մասնակցող բուժառուի տարիքով, այլ ձվաբջիջների դոնորի տարիքով:


Ձվաբջիջների քանակի և որակի նվազումից զատ, տարիքի հետ, նաև առաջանում են այլ խնդիրներ՝ զարգացող և պրոգրեսիվող գինեկոլոգիական հիվանդություններ (էնդոմետրիոզ, արգանդի միոմա և այլն), ինչպես նաև ակտիվանում են քրոնիկ հիվանդությունները: Դրանք խանգարում են ոչ միայն բեղմնավորմանը, այլ նաև հղիության պահպանմանը, բարձրացնում են մոր և պտղի բարդությունների զարգացման հավանականությունը:


Ներկայում վերարտադրողական օժանդակ տեխնոլոգիաները թույլ են տալիս լուծել ուշ մայրության խնդիրը, և օգնում կնոջն ունենալ առողջ երեխա` իր կողմից պլանավորած տարիքում:


Այս մեթոդի ժամանակ երիտասարդ տարիքում կնոջից վերցվում է առողջ կենսանյութ, այն կրիոկոնսերվացվում է և պահպանվում կրիոբանկում: Ձվաբջիջներն այդպես կարող են պահպանվել երկար ժամանակ՝ չկորցնելով իրենց սկզբնական հատկությունները (սառեցումից հետո օգտագործելիս ձվաբջիջների կենսունակությունը 95 տոկոս է կազմում): Կենսաբանական տարիքը համապատասխանում է ձվաբջիջները վերցնելու ժամանակ տարիքին:

Քանի որ ձվարանային պաշարը ավեի ինտենսիվ սկսում է նվազել 35-37 տարեկանում, ուստի հետագա վերարտադրողական պլանները հաջողությամբ իրականացնելու համար առավել նպատակահարմար է դիմել ձվաբջիջների սառցապահպանմանը մինչև 35 տարեկանը։


Իսկ թե ինչպես է դա կատարվում և ինչից սկսել, մանրամասն կներկայացվի տեսահոլովակի միջոցով։


+374 10 53 06 41

Վերջին թարմացումներ

Կարդալ ավելին»
2025 Ապր 22, Երեքշաբթի | Լուրեր

Վերապատրաստում բուժքույրերի և մանկաբարձուհիների համար․ օրակարգում` բուժառուի և հարազատների հետ շփման էթիկան

Մարգարյան ծննդատանը կայացավ բուժքույրերի և մանկաբարձուհիների համար նախատեսված վերապատրաստման սեմինարի երրորդ հանդիպումը, որը նվիրված էր բուժառուի, նրա հարազատների և միջին բուժանձնակազմի միջև արդյունավետ փոխհարաբերությունների կառուցման սկզբունքներին...

Կարդալ ավելին»
Կարդալ ավելին»
2024 Նոյ 22, Ուրբաթ | Պացիենտների համար

ՈՒՁՀ հղիության ընթացքում. առավել հաճախ տրվող հարցեր

Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը