Մոր և մանկան առողջության պահպանման գիտահետազոտական կենտրոն
Ստացիոնար Գինեկոլոգիական բաժին | Ոչ վիրաբուժական գինեկոլոգիայի բաժանմունք

Ոչ վիրաբուժական գինեկոլոգիայի բաժանմունք

                             Ոչ վիրաբուժական գինեկոլոգիայի բաժանմունք

Բաժանմունքում անցկացվում են բուժական միջոցառումներ՝ ուղղված կանանց  վերարտադրողական առողջության պահպանմանը և մանկածնային  ֆունկցիայի վերականգնմանը:

Բաժանմունքի կլինիկական գործունեության հիմնական ուղղություններն են.

  1. Վերարտադրողական համակարգի էնդոկրին խանգարումներով՝ անօվուլյացիա (անձվազատություն), դիսօվուլյացիա (ձվազատման խանգարում), հիպերանդրոգենեմիայի տարբեր ձևեր (ՁՊԿՀ, ԱԳՀ),  էնդոմետրիոզով, նախադաշտանային և դաշտանային ցավային համախտանիշներով հիվանդների հետազոտություն և բուժում:
  2. Կնոջ կյանքի տարբեր տարիքային շրջանների արյունահոսությունների բուժում՝ սկսած դեռահասային տարիքից (յուվենիլ արյունահոսություններ), մինչև նախա- և հետդաշտանադադարային տարիքը:
  3. Կլիմակտերիկ (դաշտանադադարային) համախտանիշի բուժումը դաշտանադադարային հորմոնային բուժմամբ: Օգտագործվում են նաև կլիմակտերիկ համախտանիշի կանխարգելման և բուժման ոչ հորմոնային մեթոդներ:
  4. Սեռական ճանապարհով փոխանցվող վարակների (ՍՃՓՎ), մանրէական և վիրուսային ծագման բորբոքային պրոցեսների ախտորոշում և բուժում:
  5. Ներարգանդային պարույրի (ՆԱՊ) տեղադրում և հեռացում:
  6. Արգանդի պարանոցի բիոպսիա (կենսազննում), արգանդի խոռոչի և ցերվիկալ կանալի (պարանոցի խողովակի) անջատ քերում:
  7. Արգանդի պարանոցի ֆոնային (նախաքաղցկեղային) հիվանդությունների ախտորոշում և բուժում:
  8. Հղիության արհեստական ընդհատում (աբորտ):

Կենտրոնում, կախված հղիության ժամկետից, ինչպես նաև կնոջ առողջական վիճակից և ցանկությունից, իրականացվում են  հղիության ընդհատման հետևյալ ձևերը՝

  • Դեղորայքային աբորտ՝ դաշտանի մինչև 62 օր ուշացման դեպքում: Դեղորայքային աբորտն ընթանում է գործնականորեն ինչպես դաշտանը, չի պահանջում ցավազրկում և վիրաբուժական միջամտություն, այսինքն հանդիսանում է քիչ տրավմատիկ (վնասվածքային): Դեղորայքային աբորտի արդյունավետությունը կազմում է 96%:
  • Վակուում-ասպիրացիայի (վակուում-արտաքաշման) մեթոդով հղիության վիրաբուժական ընդհատում մինչև 12 շաբաթական ժամկետը: Արգանդի լորձաթաղանթը վակում-ասպիրացիայի դեպքում ևս նվազագույնս է վնասվում:Միջամտությունն՝ ըստ կնոջ ցանկության իրականացվում է ներերակային անզգայացման տակ:
  • Հղիության արհեստական ընդհատումը  բժշկական ցուցումներով հղիության 13-22 շաբաթական ժամետներում  (իրականացվում է վիրաբուժական և դեղորայքային եղանակներով):

 

Հարգելի՛ կանայք,

Պետք է հիշել, որ աբորտը բացասաբար է ազդում կնոջ օրգանիզմի վրա և կարող է դառնալ բորբոքային հիվանդությունների, չբերության, էնդոմետրիոզի պատճառ: Չնայած բարձր որակավորում ունեցող մասնագետների և հղիության ընդհատման խնայողական մեթոդների առկայությանը՝ ՄՄԱՊԳՀԿ-ի աշխատակիցները խորհուրդ են տալիս անցանկանալի հղիությունը կանխելու նպատակով օգտագործել բեղմնականխիչներ:

                           

 

Հեռ.՝ +374 10 53 18 30


Բաժնի բժիշկներ

Կարինե Կարենի Առուստամյան

Փոխտնօրեն գիտական գծով
մանկաբարձ-գինեկոլոգ, ռեպրոդուկտոլոգ
բ․գ․դ․, պրոֆեսոր

Շուշան Վաչագանի Մաթևոսյան

մանկաբարձ-գինեկոլոգ, ռեպրոդուկտոլոգ

+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը