Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Եթե հղի կնոջ մոտ ի հայտ են եկել ստորին վերջույթների անոթային խնդիրներ

Եթե հղի կնոջ մոտ ի հայտ են եկել ստորին վերջույթների անոթային խնդիրներ

2019 Ապր 02, Երեքշաբթի

Անոթային վիրաբույժի հետաքրքրությունների շրջանակն է երակների, զարկերակների և ավշային ուղիների հիվանդությունների բուժումն ու կանխարգելումը:
 
Կանանց մոտ հատկապես տարածված է ստորին վերջույթների քրոնիկակական երակային անբավարարությունը, որն, ըստ վիճակագրական տվյալների, հղիություն տարած կանանց շրջանում հասնում է մինչև 70-80 տոկոս: Այն դրսևորվում է ենթամաշկային երակների վարիկոզ և խորանիստ երակների հետթրոմբային ախտահարմամբ: Նշված երկու ախտաբանությունը կարող է բարդանալ թրոմբների առաջացումով, որն իր հերթին վտանգավոր է արյան մակարդուկի միգրացիայով դեպի սիրտ և թոքային զարկերակ, ինչը հղի է ծանր հետևանքներով: Ներկայում երակային հիվանդությունների ախտորոշման ամենարագ, անցավ և մատչելի մեթոդը համարվում է դուպլեքս հետազոտությունը, որը նույնպես հասանելի է մեր բաժանմունքում:
 
Հաշվի առնելով հղիության ընթացքում երակային համակարգի ախտահարման չափազանց մեծ հավանականությունը՝ զարգացած երկրներում ՊԱՐՏԱԴԻՐ հետազոտությունների ցանկը ներառում է ԲՈԼՈՐ հղիների մոտ ստորին վերջույթների դուպլեքս սկանավորումը և, անհրաժեշտության դեպքում, անոթաբանի խորհրդատվությունը: Մեր բուժհիմնարկում, անոթային ծառայության ներդրման շնորհիվ, հղիության ընթացքում և ծննդաբերությունից հետո զարգացող թրոմբային բարդությունների թիվը կտրուկ նվազել է:Հհամապատասխան հետազոտւթյուններ և կանխարգելիչ բուժում ստացած հղիների/ծննդկանների մոտ այն կազմում է 0 տոկոս:
Անհրաժեշտության դեպքում, մեր բաժանմունքում կարող են հետազոտվել և ստանալ խորհրդատվություն նաև զարկերակային հիվանդությունների դեպքում (աթերոսկլերոզ և/կամ շաքարային դիաբետի հետևանքով անոթների նեղացման պատճառով առաջացած վերջույթների կամ գլխուղեղի սնուցման խանգարումներ):
 
Շատ կարևոր է հիշել, որ անոթները ցավային ընկալիչներ չունեն: Ուստի, սպասել, թե անոթների ախտահարման դեպքում երբ է առաջանալու ցավ, անհարմարավետություն կամ այլ ախտաբանական նշաններ, նշանակում է դիմել ուշացած փուլում, երբ բուժումն արդեն ավելի տևական կամ ավելի ծավալուն կլինի:
 
Հարցերի դեպքում կարող եք զանգահարել՝ աշխատանքային օրերին՝ 9:30-15:30, +374 99 20 92 92 հեռախոսահամարով:

Հոդվածի հեղինակ Խաչատրյան Արամ Միխայելի,
անոթաբան ՄՄԱՊԳԿ-ում:

+374 10 53 13 42

Վերջին թարմացումներ

2020 Մար 19, Հինգշաբթի | Լուրեր

Ուշադրությո՛ւն. պրոֆեսոր Հերվե Ֆերնանդեզի այցը Հայաստան հետաձգվում է

Հարգելի պացիենտներ, Հաշվի առնելով ամբողջ աշխարհում ստեղծված համաճարակաբանական իրավիճակը, ֆրանսիացի հայտնի պրոֆեսոր Հերվե Ֆերնանդեզի այցը Հայաստան հետաձգվում է մինչև 2020 թվականի աշուն։ Հետևեք մեր ֆեսբուքյան և ինստագրամյան էջերին, որտեղ մենք կհրապարակենք սպասվելիք այցի մասին լուրը։ Հայցում ենք Ձեր ներողամտությունը։

Կարդալ ավելին»
Կարդալ ավելին»
2020 Մար 13, Ուրբաթ | Պացիենտների համար

Արտարգանդային հղիություն. ախտանշանները, պատճառները, բուժումը

Արտարգանդային հղիության ժամանակ բեղմնավորված ձվաբջիջն ամրանում և իր զարգացումն սկսում է ոչ թե արգանդում, այլ արգանդից դուրս` արգանդային փողում, ձվարանում և...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն