Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Սեռական հարաբերությունները հղիության ժամանակ

Սեռական հարաբերությունները հղիության ժամանակ

2019 Մայ 07, Երեքշաբթի

Առողջ հղի կինը կարող է շարունակել իր սեռական կյանքը` չմտահոգվելով ապագա երեխայի վիճակով: Այնուամենայնիվ, բոլոր ապագա մայրերին անհանգստացնում է սեռական հարաբերությունը հղիության ժամանակ:

Ազդեցությունը պտղի վրա

Անհանգստանալ պտղի համար չարժե, նա ապահով պաշտպանված է ցնցումներից: Երեխան կնոջ օրգանիզմում այնպես է տեղակայված, որ սեռական ակտի ժամանակ նրան հնարավոր չէ վնասել:

Նրան լրացուցիչ պաշտպանում են արգանդի և որովայնի մկանները, ինչպես նաև` ճարպաշերտը, պտղաջրերը և արգանդի վզիկի լորձային խցանը:
Քանի որ փոքրիկը ներարգանդային կյանքի մեծ մասն անցկացնում է քնած, ապա հնարավոր է, որ սեռական ակտի ժամանակ էլ նա քնած կլինի: Ծնողների շարժումները դժվար թե նրան խանգարեն, ընդամենը նա կարող է օրորվել արգանդի ներսում, ինչպես ճոճվում է մոր զբոսանքի ժամանակ:

Սեռական կյանքը հղիության ուշ շրջանում

Ամեն դեպքում, չի բացառվում, որ ուշ շրջանում ծնողները նկատեն, որ սեռական ակտի ժամանակ երեխան հարվածում է: Դա չի նշանակում, որ նա տհաճություն է զգում. քանի դեռ մայրն ու հայրն ապրում են իրենց կյանքով, երեխան այդ կյանքի ակտիվ մասնակիցն է: Երեխայի նման պահվածքը ծնողներին կարող է որոշ անհանգստություն պատճառել, ասես նրանց անկողնում երրորդ մեկը կա: Այդ մտքից օգնում է ազատվել այն, որ հղի կինը և պտուղը մինչև ծննդաբերությունն, այնուամենայնիվ, մեկ ամբողջություն են, և հետո, փոքրիկը ոչ մի նպատակ չունի իր ծնողների ինտիմ կյանքին խանգարելու:
Երբ ծնողները հաճույք են զգում, դա զգում է նաև փոքրիկը: Սեռական ակտի կծկումները փոխանցվում են արգանդին և երեխան դա ընկալում է որպես հաճելի մերսում: Դրանից զատ, լավանում է նրա սրտի աշխատանքը, իսկ արյան մեջ հայտնվում է մոր մոտ արտադրված երջանկության հորմոնը:

Հակացուցումները

Հղիության ընթացքում սեռական հարաբերության ժամանակ, ամեն դեպքում, պետք է հիշել, որ դա թույլատրված է միայն այն ժամանակ, եթե հղիի մոտ չկա որևէ հակացուցում: Հղիության ընդհատման ցանկացած վտանգի, պլացենտայի ցածր դիրքով տեղակայման և այլ բացասական վիճակների ժամանակ սեռական հարաբերություններն արգելվում են: Սեռական ակտի ժամանակ տեղի ունեցող բոլոր փոփոխությունները հղին պետք է քննարկի բժշկի հետ:

+374 10 53 13 42

Վերջին թարմացումներ

Կարդալ ավելին»
2020 Փետ 28, Ուրբաթ | Լուրեր

Ապրիլի 8-ին, 9-ին և 10-ին Հայաստանում է պրոֆեսոր Հերվե Ֆերնանդեզը

Հանրահայտ ֆրանսիացի բժիշկ, Փարիզի «Կրեմլին-Բիսետրե» համալսարանականկլինիկայի պրոֆեսոր Հերվե Ֆերնանդեզը կրկին անգամ կժամանի Մոր և մանկան առողջության պահպանման գիտահետազոտական կենտրոն: Ապրիլի8-ին, 9-ին և 10-ին պրոֆեսոր Ֆերնանդեզը...

Կարդալ ավելին»
Կարդալ ավելին»
2020 Փետ 24, Երկուշաբթի | Պացիենտների համար

Անոթների դուպլեքս հետազոտություն

դուպլեքս սկանավորումը ուլտրաձայնային հետազոտություն է, որը հնարավորություն է տալիս գնահատել երակային և զարկերակային անոթների անցանելիությունը, արյան շրջանառության ցուցանիշները...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն