Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Ինչպիսի սեղմակապ (բանդաժ) կրել ծննդաբերությունից առաջ և հետո

Ինչպիսի սեղմակապ (բանդաժ) կրել ծննդաբերությունից առաջ և հետո

2019 Օգս 07, Չորեքշաբթի

Երկրորդ եռամսյակի կեսում ապագա մոր որովայնը սկսում է ակտիվորեն աճել: Անհրաժեշտություն է առաջանում զգեստապահարանը համապատասխանեցնելու նոր վիճակին՝ ձեռք բերել ազատ ձևվածքի զգեստներ, նոր վերնաշապիկներ և տաբատներ` հատուկ էլաստիկ գործվածքից: Զգեստների ձեռք բերմանը զուգահեռ, պետք է մտածել նաև ևս մեկ կարևոր ձեռքբերման մասին՝ հղիների սեղմակապի գնման:

Սեղմակապը հատկապես խորհուրդ է տրվում գոտկատեղում, ոտքերում ցավերի և բազմապտուղ հղիության ժամանակ, ինչպես նաև վիժման վտանգի առկայության դեպքում:

Սեղմակապի ֆունկցիաները.

• պահում է որովայնը և նվազեցնում ողնաշարի ծանրաբեռնվածությունը,
• ֆիքսում է պտուղն արգանդում ուղղահայաց դիրքում, նպաստում է նրա ճիշտ դիրքին (գլխով դեպի ներքև),
• թույլ է տալիս կնոջն իրեն ավելի հարմարավետ զգալ կանգնած դիրքում և քայլելիս,
• կանխում է որովայնի վաղաժամ իջեցումը և ձգվածություննեերի առաջացումը:

Օգնություն մինչև ծննդաբերությունը

Գոյություն ունեն մինչծննդաբերական սեղմակապերի մի քանի տեսակներ:

Սեղմակապ-վարտիք

Համարվում է ամենահայտնի տարբերակը: Դա բարձր վարտիք է, որում կարված է լայն առաձգական ժապավեն, և որը պահում է որովայնը: Ժապավենն անցնում է գոտկային հատվածով և որովայնի ստորին մասով: Որովայնի մեծանալուն համապատասխան` ժապավենը ձգվում է:

Որոշ արտադրողներ արտադրում են այդ վարտիքների ձևավոր մոդելները՝ ժանյակներով, կարճ տաբատների տեսքով և այլն: Սակայն շատ գինեկոլոգներ կասկածում են նման սեղմակապերի արդյունավետույունը` հատկապես հղիության ուշ շրջանում:

Սեղմակապ-գոտի

Այս ժապավեն-գոտին առաձգական գործվածքից է, որն անցնում է գոտկային մասով և որովայնի ստորին մասով: Հագնում են ներքնաշորի վրայից, ֆիքսվում է կպչուկների օգնությամբ, դրանցով կարելի է նաև կարգավորել սեղմակապի ձգվածությունն` առանց այն հանելու: Իհարկե, շատ մեծ որովայնի դեպքում դա կարող է այնքան էլ հարմար չլինել:

Եթե սեղմակապ-վարտիքում ամռանը կարող է շատ շոգ լինել, սեմակապ-գոտու դեպքում այդ տեսակետից հարմարավետ է:

Սեղմակապ- գլխանոց (կապյուշոն)

Այս սեղմակապի հիմքը նույն առաձգական ժապավենն է, որը պահում է որովայնը` ներքևից: Իսկ վերևից որովայնին հագցվում է գործվածքից գլխանոց: Այս տարբերակը գործնական է, քանի որ չի պահանջում ամենօրյա լվացում, աննկատ է հագուստի տակից և լավ է պահում որովայնը:

Ունիվերսալ սեղմակապ

Այս սեղմակապը ժապավեն է: Մի կողմից այն լայն է, մյուս կողմից՝ նեղ: Մինչև ծննդաբերությունն այդպիսի սեղմակապը հագնում են լայն մասով գոտկատեղին, իսկ նեղով՝ որովայնից ներքև: Ծննդաբերությունից հետո հակառակը՝ լայն մասը հագնում են որովայնի վրա, իսկ նեղը պահում է գոտկատեղը:

Պետք է ուշադրություն դարձնել.

• Սեղմակապը պետք է հագնել պառկած վիճակում. դա օգնում է արգանդն անհրաժեշտ բարձրությամբ ֆիքսելուն:
Սեղմակապի գնման ժամանակ մասնագիտացված խանութում պարտավոր են բացատրել, թե ինչպես այն հագնել և հանել:

• Սեղմակապը կարելի է անընդմեջ կրել ոչ ավելի, քան 3-4 ժամը, և ցանկալի է հատկապես այն ժամանակ, երբ ոչ թե պարզապես նստած եք կամ` պառկած, այլ ակտիվ քայլում եք կամ` ֆիզիկական վարժություններ անում: Սեղմակապով անթույլատրելի է քնել:

• Սեղմակապի տակ խորհուրդ է տրվում կրել ներքնազգեստ, հատկապես, եթե դա սեղմակապ-վարտիք է: Սեղմակապի գործվածքի անմիջական շփումը մաշկի հետ կարող է առաջացնել քրտնախաշ կամ մաշկի գրգռվածություն:

• Եթե 30 շաբաթականից ավելի հղիության ժամանակ երեխան գտնվում է կոնքային կամ լայնաձիգ դիրքով, ապա սեղմակապը խիստ հակացուցված է: Այն ֆիքսում է մանկան դիրքը և երեխայի համար գրեթե անհնար է դառնում շրջվելը: Իսկ դա նշանակում է, որ բարձրանում են բարդությունների և ծննդաբերության ժամանակ վիրահատական միջամտության վտանգները:

+374 10 53 13 42

Վերջին թարմացումներ

2020 Մար 19, Հինգշաբթի | Լուրեր

Ուշադրությո՛ւն. պրոֆեսոր Հերվե Ֆերնանդեզի այցը Հայաստան հետաձգվում է

Հարգելի պացիենտներ, Հաշվի առնելով ամբողջ աշխարհում ստեղծված համաճարակաբանական իրավիճակը, ֆրանսիացի հայտնի պրոֆեսոր Հերվե Ֆերնանդեզի այցը Հայաստան հետաձգվում է մինչև 2020 թվականի աշուն։ Հետևեք մեր ֆեսբուքյան և ինստագրամյան էջերին, որտեղ մենք կհրապարակենք սպասվելիք այցի մասին լուրը։ Հայցում ենք Ձեր ներողամտությունը։

Կարդալ ավելին»
Կարդալ ավելին»
2020 Մար 13, Ուրբաթ | Պացիենտների համար

Արտարգանդային հղիություն. ախտանշանները, պատճառները, բուժումը

Արտարգանդային հղիության ժամանակ բեղմնավորված ձվաբջիջն ամրանում և իր զարգացումն սկսում է ոչ թե արգանդում, այլ արգանդից դուրս` արգանդային փողում, ձվարանում և...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն