Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Սեղմակապ` ծննդաբերությունից հետո

Սեղմակապ` ծննդաբերությունից հետո

2019 Օգս 20, Երեքշաբթի

Հետծննդաբերական սեղմակապերն օգնում են ծննդաբերությունից հետո արգանդի կրճատման արագացմանը: Դա հատկապես ակտուալ է կեսարյան հատումից հետո: Այդպիսի սեղմակապը ֆիքսում է հետվիրահատական կարերը, պահում է որովայնի առաջային պատի մկանները և հանում է ծանրաբեռնվածությունը ողնաշարից: Բնական ծննդաբերության ժամանակ նույնպես սեղմակապն օգնում է ամրացնել մկանները, վերադարձնել նրանց տոնուսը և թույլ չտալ աղիների իջեցում:

Ունիվերսալ սեղմակապերից բացի կան հետծննդաբերական այլ սեղմակապեր ևս:

Սեղմակապ-գոտի

Լայն ժապավեն-գոտին սեղմում է որովայնը և, որոշ չափով, իրանը, այն առջևում ամրացվում է կպչուկներով: Երբեմն կողմնային հատվածներում լինում են հատուկ ամրակներ` սեղմման աստիճանի կարգավորումների համար: Այսպիսի սեղմակապը կարելի է հագնել արդեն ծննդաբերությունից մի քանի ժամ անց: Ճիշտ է, այն այնքան էլ հարմար չէ տաբատի տակ կրելու համար, որովհետև կարող է շարժումների ժամանակ տեղաշարժվել դեպի վեր:

Հետծննդաբերական սեղմակապ-վարտիքն ունի որովայնի շրջանում հատուկ ներդիր, որը ոչ միայն թաքցնում է որովայնը, այլ նաև ընդգծում է իրանը և շատ հարմարավետ է: Որոշ մոդելներում նախատեսված են կողքերից կամ ներքևից ամրակներ, որոնք հեշտացնում են զուգարան գնալու գործընթացը, ինչպես նաև օգնում են կարգավորել որովայնի սեղմման աստիճանը:

Սեղմակապ-վարտիքները սեղմիրանի (կորսետ) տեսք ունեն՝ ներքին տարբեր երկարության ներդիրներով: Այս սեղմակապը մարմնին ավելի բարեկազմ տեսք է տալիս: Հանդիպում են նաև մինչև ծնկները հասնող սեղմակապ-տաբատներ. դա նույնպես արտաքուստ նրբագեղ է ցույց տալիս:

Ուշադրություն դարձրե՛ք.

• Ինչպես հղիության սեղմակապերը, սրանք նույնպես ցանկալի է հագնել պառկած, այդ կերպ որովայնի մկանները առավելագույնս թուլանում են և արդյունավետորեն ֆիքսվում:
• Հետծննդաբերական սեղմակապներ կրելն ունի իր հակացուցումները՝ կեսարյան հատումից հետո ոչստանդարտ կարեր, երիկամների և ստամոքս-աղիքային համակարգի պաթոլոգիաների առկայություն, մաշկային և ալերգիկ հիվանդություններ:

Ինչպե՞ս ընտրել

• Սեղմակապը ցանկալի է գնել դեղատնից կամ ապագա մայրերի համար մասնագիտացված խանութից, որտեղ կօգնեն խորհրդատվությամբ:
Կչափեն ազդրերի, որովայնի տրամագծերը, կընտրեն ամենահամապատասխան տարբերակը և ցույց կտան, թե ինչպես պետք է այն հագնել և հանել: Գնելուց առաջ անպայման փորձեք սեղմակապը:
• Ցանկալի է ընտրել բնական հյուսվածքից՝ բամբակյա սեղմակապ: Սակայն հնարավոր չի լինի առանց արհեստական թելիկների (միկրոֆիբրա կամ էլաստին), քանի որ դրանց շնորհիվ է գործվածքն առաձգականություն ստանում:
• Ավելի լավ է հրաժարվել նախկին հղիության ժամանակ օգտագործած սեղմակապից: Նրա գործվածքն արդեն ձգվել է և կարող է արդյունավետ կերպով չպահել որովայնը:
• Հետծննդյան սեղմակապը պետք է համապատասխանի հագուստի չափին, որը մայրը հագել է նախքան հղիությունը: Եթե նա հղիության ժամանակ քաշն ավելացրել է 12 կգ-ից ավելի, ապա սեղմակապը պետք է ընտրել 2-3 չափով ավելի:
• Սեղմակապի համապատասխանության նշանն այն է, որ դրանով հարմարավետ եք զգում:
Լավ սեղմակապը հեշտ է հագնել, նկատելի չէ հագուստի տակից, ամրակները և կարերը անհարմարություն չեն պատճառում:

+374 10 53 13 42

Վերջին թարմացումներ

Կարդալ ավելին»
2020 Մայ 13, Չորեքշաբթի | Լուրեր

Թույլատրվո՞ւմ է հղիին` էպիլյացիա

Ապագա մոր համար ամենահարմարը մազերը սափրելն է: Մազահեռացման համար հատուկ քսուկի օգտագործումը հեշտ է, սակայն մի՛ մոռացեք, որ անգամ ստուգված կոսմետիկ միջոցները հղիության ժամանակ...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն