Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 21-րդ շաբաթը

Հղիության 21-րդ շաբաթը

2019 Օգս 22, Հինգշաբթի

21 շաբաթում կնոջ քաշը կարող է շատ ավելացած լինել` համեմատած հղիության սկզբնական շրջանի հետ: Իրանը դառնում է լայն, լայնանում են ազդրերը, մեծանում են կրծքագեղձերը, լավ արտահայտված է որովայնը: Ժամանակն է մտածել զգեստապահարանի լրացման և հարմար կոշիկ ձեռք բերելու մասին: Այս շրջանում մեծ է այտուցների և երակների վարիկոզ լայնացման հավանականությունը, կարող է ցավել գոտկատեղը: Բայց, ընդհանուր առմամբ, ինքնազգացողությունը, սովորաբար, լինում է լավ:

Պտղի զարգացումը

Մանկան քաշը արդեն 300-370 գր է: Նրա էնդոկրին համակարգը սկսում է աշխատել ամբողջ ուժով: Հիպոֆիզը, էպիֆիզը, մակերիկամները, ենթաստամոքսային գեղձը, վահանաձև և հարվահանաձև գեղձերը ղեկավարում են երեխայի աճը և զարգացումը: Մոր օրգանիզմից նա սկսում է ստանալ իմունային մարմիններ, որոնք ստեղծում են պասիվ իմունիտետ: Երեխան պտտվում է արգանդի խոռոչում, այս շրջանում ձևավորվում է նրա վեստիբուլյար համակարգը:

Մոր վիճակը

Քաշի ավելացումն օրը-օրի ավելի նկատելի է դառնում: Հղիության սկզբի համեմատ ապագա մոր քաշը կարող է ավելանալ 4-7 կգ: Շատ հղիներ նշում են ճարպային գեղձերի ուժեղացած աշխատանք, որի հետևանքով դեմքին հայտնվում են մանր պզուկներ: Մաշկի լավ մաքրման համար կարելի է օրը 2 անգամ լվացվել փափուկ կոսմետիկ միջոցներով, իսկ օրվա ընթացքում խնդրահարույց հատվածները մշակել սալեցիլաթթու պարունակող քսուկներով:
Կայուն փորկապության դեպքում շատ հավանական է թութքի առաջացումը: Հետանցքի շուրջ գտնվող անոթները ներսից և դրսից ուռչում են` արգանդի քաշի ավելացման և ոչ կանոնավոր դեֆեկացիայի հետևանքով: Վիճակը կարելի է թեթևացնել տաք լոգանքով և հատուկ հակաթութքային մոմիկներով: Սակայն, մինչև ինքնաբուժմամբ զբաղվելը, հարկ է խորհրդակցել բժշկի հետ: Խորհուրդ չի տրվում երկար նստել, պարբերաբար պետք է նվազագույնը 5 րոպեանոց ընդմիջումներ անել` շարժվելու համար:

Հղիության երկրորդ կեսում երբեմն հանդիպում է այնպիսի բարդություն, ինչպիսին թրոմբոզն է: Այն արտահայտվում է, սովորաբար, սրունքների շրջանում այտուցով, ցավով և կարմրությամբ: Եթե թրոմբոզի վիճակներ եղել են հղիությունից առաջ, այդ մասին պետք է անպայման հայտնել բժշկին, ով ժամանակին բուժում կնշանակի:

Ի՞նչ անել

• Նշել հղիության երկրորդ կեսի սկիզբը:
Հրաշալի ժամանակ է երեկույթի կամ մտերմիկ ռոմանտիկ երեկոյի համար՝ տոքսիկոզն արդեն անցել է, իսկ որովայնը դեռ չի ճնշում: Եվ, իհարկե, առիթը հիանալի է:
• Ձեռք բերել կոմպրեսիոն սպիտակեղեն:
Եթե բժիշկը նշանակել է կոմպրեսիոն զուգագուլպա, պետք է անպայման գնել այն. ոտքերի երակները պետք է պահպանել:
• Սկսել կազմել նորածնի համար անհրաժեշտ գնումների ցուցակը:
Գնումների ցուցակը պետք չէ հետաձգել մինչև վերջին ամիսը:
• Համակարգչի վրա դնել հիշեցնող զանգ, որպեսզի 0,5-1 ժամը մեկ 100 քայլ անել:
Շարժումը կյանք է, իսկ հղի կնոջ շարժումը՝ ապագա երեխայի առողջության գրավականը:

+374 10 53 13 42

Վերջին թարմացումներ

Կարդալ ավելին»
2020 Մայ 13, Չորեքշաբթի | Լուրեր

Թույլատրվո՞ւմ է հղիին` էպիլյացիա

Ապագա մոր համար ամենահարմարը մազերը սափրելն է: Մազահեռացման համար հատուկ քսուկի օգտագործումը հեշտ է, սակայն մի՛ մոռացեք, որ անգամ ստուգված կոսմետիկ միջոցները հղիության ժամանակ...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն