Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը

Ինչպես մեծացնել հղիանալու հնարավորությունը. Հարվարդի գիտնականների 6 խորհուրդը

2019 Հոկ 21, Երկուշաբթի

Անգլիական հետազոտողներն` ուսումնասիրելով 15 հազարից ավելի կանանց, պարզել են, որ Բրիտանիայի յուրաքանչյուր 10-րդ գեղեցիկ սեռի ներկայացուցիչը բախվում է անպտղության խնդրի հետ:

Անպտղության պատճառները պարզելը բավականին բարդ է: Երբեմն տարիներ են պահանջվում դրա համար: Ինչպես կանանց, այնպես էլ տղամարդկանց օրգանիզմը փոքրիկ Տիեզերք է, որտեղ բավական է մի չնչին շեղում և դրան հետևում են շատ մեծ, անլուծելի խնդիրներ:

Հարվարդի գիտնականները՝ բժշկական գիտությունների դոկտորներ Ուոլտեր Կ. Ուիլլետը և Խորխե Է. Չավարրոն առաջարկել են խորհուրդներ այդ խնդրի լուծման համար: Նրանք պնդում են, որ անպտղության այլ պատճառների հետ համեմատած (գենետիկա, տարիք), որոնց վրա հնարավոր չէ ազդել, սննդակարգը հասանելի է բոլորին և հրաշալի արդյունք է տալիս:

Դրա շնորհիվ կինը կարող է ամրացնել օրգանիզմը, կարգավորել ձվազատման գործընթացները, հղիության համար ստեղծել «իդիալական» պայմաններ, կանխել սիրտ-անոթային հիվանդությունները և օստեոպորոզը:
Ստորև ներկայացված են խորհուրդները:

1. Սննդակարգը հավելել բարդ ածխաջրատներով:

Ըստ հետազոտողների, կինը պետք է օգտագործի դանդաղ յուրացվող ածխաջրատներ և պակասեցնի պարզ ածխաջրատների քանակը, առաջին հերթին` եփած սննդի:
Օրգանիզմը շատ արագ յուրացնում է ածխաջրատները՝ ստացված սպիտակ հացից, խմորեղենից, սպիտակ բրնձից, որը, միանգամից բարձրացնելով գլյուկոզայի քանակը, դրդում է ենթաստամոքսային գեղձի կողմից ինսուլինի արտադրությունը: Իսկ ինսուլինի մեծ քանակը կարող է արգելակել ձվազատումը: Դանդաղ ածխաջրատները, որոնք պարունակում են բջջանք և այլ օգտակար նյութեր, կան մրջերում, բանջարեղենում, ընդեղենում, ամբողջական հատիկեղենում և այլն: Դրանք օրգանիզմում յուրացվում են դանդաղ և քիչ են նպաստում գլյուկոզայի բարձրացմանը:

2. Սննդում ներառել չհագեցած ճարպեր

Խուսափել տրանսճարպերից` ընտրելով միայն առողջության համար օգտակար, չհագեցած ճարպեր: Տրանսճարպերը, որոնք առողջությանը մեծ վնաս են պատճառում, պարունակում են կիսաաբրիկատները, «արագ սնունդը», մարգարինները, սպրեդները, թխվածքները: Դրանք նպաստում են ինսուլինառեզիստենտության առաջացմանը, որի հետևանքով խանգարվում է նյութափոխանակությունը և տուժում ձվազատման գործընթացը:

3. Օգտագործել պրոտեիններ

Հարվարդյան գիտնականները վստահ են, որ բավարար քանակի սպիտակուցներ (բուսական սնունդ, կարմիր մսի սահմանափակում) կանոնավոր կերպով ընդունելու դեպքում կարելի է նպաստել կանանց օրգանիզմի առողջացմանը:
Բուսական սպիտակուցների բոլոր տեսակները՝ ընկուզեղեն, ընդեղեն, արևածաղիկ, օրգանիզմը հարստացնում են սպիտակուցներով, միևնույն ժամանակ, ունեն շատ քիչ կալորիականություն:

4. Օգտագործել միայն որակյալ կաթնամթերք

Հարվարդյան համալսարանի գիտնական Ուոլտեր Ուիլլետը պնդում է, որ որքան շատ է հղիի սննդում ցածր յուղայնության կաթնամթերքը, այնքան ավելի են հղիության հետ կապված խնդիրները: Եվ հակառակը, որքան շատ է որակյալ կաթնամթերքը՝ բնական յուղայնությամբ (մածուն, պանիր, կաթ և այլն), այնքան դա օգնում է անպտղության խնդիրների լուծմանը:

5. Օգտագործել վիտամիններով հարուստ սննդամթերք:

Հղիությանը պատրաստվելու ժամանակ նպատակահարմար է ընդունել բժշկի նշանակած պոլիվիտամինները:
Հետազոտությունները ցույց են տվել, որ առնվազն 400 մգ ֆոլաթթու և 40-80 գ երկաթ պարունակող վիտամիններ կինը պետք է ընդունի ամեն օր` օրգանիզմի նորմալ գործունեության և հղիությանը նպաստելու համար:
Վիտամիններ ընդունելու դեպքում անպտղության տոկոսը շատ ավելի ցածր է:

6. Բացառել գազավորված ըմպելիքների օգտագործումը:

Հղիություն պլանավորելու դեպքում պետք է պակասեցնել թեյը, սուրճը, ալկոհոլը: Իսկ գազավորված ըմպելիքները և շաքարավազի հիմքով մրգային հյութերը պետք է բացառել:

Ալկոհոլի, սուրճի, թեյի հաճախ օգտագործումը անբարենպաստ են ձվազատման համար:

Լավագույնը մաքուր ջրի, բնական մրգա- և բանջարեղենային հյութերի օգտագործումն է:

Ուշադրությո՛ւն. հարվարդյան սննդակարգը չի փոխարինում բժշկական հետազոտություններին և մասնագիտական բուժմանը: Այն օգնող թերապիա է, որը մեծացնում է հղիության հավանականությունը:

+374 10 53 13 42

Վերջին թարմացումներ

Կարդալ ավելին»
2020 Հուն 28, Երեքշաբթի | Լուրեր

Կրծքով կերակրելը մոր եւ մանկան առողջության գրավականն է

Երիտասարդ մայրերի համար, հատկապես, երբ առաջին ծնունդն է, ծննդաբերությունից անմիջապես հետո մյուս դժվար «գործը» երեխային կերակրելն է: Թվում է, թե դա բնազդային է եւ ինքնըստինքյան տեղի կունենա, սակայն, իրականում...

Կարդալ ավելին»
Կարդալ ավելին»
2020 Փետ 24, Երկուշաբթի | Պացիենտների համար

Անոթների դուպլեքս հետազոտություն

դուպլեքս սկանավորումը ուլտրաձայնային հետազոտություն է, որը հնարավորություն է տալիս գնահատել երակային և զարկերակային անոթների անցանելիությունը, արյան շրջանառության ցուցանիշները...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն