Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 26-րդ շաբաթ

Հղիության 26-րդ շաբաթ

2019 Հոկ 28, Երկուշաբթի

Վերջանում է երկրորդ եռամսյակը, որը համարվում է երեխային սպասելու ընթացքի ամենախաղաղ ժամանակը: 26-րդ շաբաթը երեխայի համար կարևոր է այնքանով, որ նա արդեն կենսունակ է դարձել: Վաղաժամ ծննդաբերության դեպքում, բժշկական ճիշտ խնամքի պայմաններում նա պատրաստ է ինքնուրույն կյանքի:

Հղիության 26-րդ շաբաթում արգանդի չափերի մեծացումն անհետք չի անցնում ապագա մոր ինքնազգացողության վրա: Նրան կարող են անհանգստացնել այրոցը, փորկապությունը, ձկնամկանի կծկումները, ձեռքերի և ոտքերի այտուցները, արյան մեջ երկաթի քանակի քչացումը: Այս ախտանիշներն առանձնապես վտանգավոր չեն, բայց եթե իսկապես Ձեզ վատ եք զգում, անհրաժեշտ է դիմել բժշկի:

ՊՏՂԻ ԶԱՐԳԱՑՈՒՄԸ

Փոքրիկը կշռում է մոտավորապե- 750 գրամ, նրա երկարությունը 30 սմ-ից փոքր ինչ ավելի է: Պտղի հիպոֆիզն այժմ իր վրա է վերցրել «աճման» գործընթացը՝ արտադրում է աճման հորմոն /մինչև 25 շաբաթը պտղի աճի պատասխանատուն մոր հորմոնալ համակարգն էր/: Այս շաբաթից սկսած մակերիկամների կեղևը և ուղեղը գործում են համակցված՝ արտադրելով կարևորագույն հորմոններ՝ կորտիկոիդներ: Այս հորմոնները երեխային պատրաստում են մոր օրգանիզմից դուրս կյանքին: Երեխայի լսողական օրգանն արդեն բավականին զարգացած է, որպեսզի լավ տարբերի ձայները:

ՄՈՐ ՎԻՃԱԿԸ

Երբեմն հղիության այս ժամկետում սկսում են գանգատվել ոտքերի մկանների կծկումներից, որը կարող է պայմանավորված լինել օրգանիզմում ֆոսֆորի ավելցուկով կամ կալցիումի, մագնիումի անբավարարությամբ: Բժիշկը խորհուրդ կտա դեղեր, որոնք կլուծեն այդ խնդիրը /լավ միջոց է սովորական կալցիումի գլյուկոնատը/: Պետք է հիշել, որ ֆոսֆատներ պարունակում է միսը, այդ պատճառով սննդում մսի օգտագործումը պետք է սահմանափակել:
Հաճախ երրորդ եռամսյակի սկզբում հղիների մոտ սկսում են այտուցվել ոտքերը` որպես հետևանք ստորին վերջույթներից հեղուկի հոսքի խանգարման, քանի որ աճող արգանդն այժմ գրեթե մշտապես ճնշում է որովայնի խոշոր անոթները:
Նորմալ է, եթե ոտքերն այտուցվում են երեկոյան, իսկ առավոտյան անցնում են: Անհանգստանալ է պետք, եթե այտուցն առավոտյան ավելի նկատելի է դառնում: Դա կարող է լուրջ խնդիրների ազդանշան լինել, օրինակ, ուշ տոքսիկոզի, կամ հեստոզի /երբեմն այն սկսվում է անգամ եռամսյակի կեսին/: Այտուցներից խուսափելու համար, պետք է պակասեցնել աղի օգտագործումը: Իսկ ահա հեղուկների օգտագործումը, ընդհակառակը, պետք է ավելացնել:
Հեստոզի մասին կարող է հուշել նաև քաշի կտրուկ ավելացումը /օրգանիզմում հեղուկի ավելացման հաշվին/, ճնշման հանկարծակի բարձրացումը /մինչև 130/90/, պրոտեինուրիան /մեզի մեջ սպիտակուցի առկայությունը/:

Ի՞ՆՉ ԱՆԵԼ

• Մտածել ծննդաբերությունից հետո աշխատանքի անցնելու ժամկետների մասին
Եթե սովոր եք ամեն բան նախապես պլանավորել, կարելի է փորձել նաև ծրագրել աշխատանքի անցնելու սկիզբը: Չնայած, շատ հավանական է, որ չցանկանաք վաղ վերադառնալ աշխատանքի:
• Հաշվարկել օրվա մեջ օգտագործվող աղի քանակը
Հեստոզից խուսափելու համար, հղիության երկրորդ կեսին, անհրաժեշտ է սահմանափակել աղի օգտագործումը:

+374 10 53 13 42

Վերջին թարմացումներ

2020 Մար 19, Հինգշաբթի | Լուրեր

Ուշադրությո՛ւն. պրոֆեսոր Հերվե Ֆերնանդեզի այցը Հայաստան հետաձգվում է

Հարգելի պացիենտներ, Հաշվի առնելով ամբողջ աշխարհում ստեղծված համաճարակաբանական իրավիճակը, ֆրանսիացի հայտնի պրոֆեսոր Հերվե Ֆերնանդեզի այցը Հայաստան հետաձգվում է մինչև 2020 թվականի աշուն։ Հետևեք մեր ֆեսբուքյան և ինստագրամյան էջերին, որտեղ մենք կհրապարակենք սպասվելիք այցի մասին լուրը։ Հայցում ենք Ձեր ներողամտությունը։

Կարդալ ավելին»
Կարդալ ավելին»
2020 Մար 13, Ուրբաթ | Պացիենտների համար

Արտարգանդային հղիություն. ախտանշանները, պատճառները, բուժումը

Արտարգանդային հղիության ժամանակ բեղմնավորված ձվաբջիջն ամրանում և իր զարգացումն սկսում է ոչ թե արգանդում, այլ արգանդից դուրս` արգանդային փողում, ձվարանում և...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն