Մոր և մանկան առողջության պահպանման գիտահետազոտական կենտրոն
Լուրեր | Մոր և մանկան առողջության պահպանման գիտահետազոտական կենտրոնում ծնվել են եռյակներ

Մոր և մանկան առողջության պահպանման գիտահետազոտական կենտրոնում ծնվել են եռյակներ

2019 Հոկ 27, Կիրակի

Սեպտեմբերի 6-ին և 11-ին Մոր և մանկան առողջության պահպանման գիտահետազոտական կենտրոնում ծնվել են երկու եռյակ: Երևույթն իր տեսակով բացառիկ է, քանի որ առաջին ծնված եռյակի մայրը հղիացել է առանց որևէ բժշկական միջամտության: Բնության այս հրաշքը եռակի ծնունդ է պարգևել 40-ամյա Աննա Ֆրանգուլյանի ընտանիքին: Ծնվել են Գրիգորը, Դանիելը, Հարությունը։ Աննայի կյանքում սա երրորդ ծննդաբերությունն է:
Երեխաների ծնունդը բժշկական անձնակազմը դիմավորել է միասնական՝ դրսևորելով սրտացավ ու հոգատար վերաբերմունք ինչպես մոր, այնպես էլ եռյակի հանդեպ:
Շնորհիվ Մոր և մանկան առողջության պահպանման գիտահետազոտական կենտրոնի հոգատար և արհեստավարժ բժշկական անձնակազմի՝ կնոջ ծննդալուծումն ընթացել է անվտանգ, երեխաներն առողջ են ու պատրաստ՝ բազմազավակ մայրիկի հետ տուն վերադառնալ:

Մանկաբարձ-գինեկոլոգ Արմեն Բադալյանը` ով իրականացրել է առաջին եռյակի կեսարյան հատումը, մեզ հետ զրույցում ասաց. «Հղիության ամբողջ ընթացքում 40-ամյա Աննա Ֆրանգուլյանը գտնվել է մեր կենտրոնի հսկողության տակ: Կատարվել է կեսարյան հատում հղիության 34-րդ շաբաթում: Այն բարեհաջող ընթացք է ունեցել:  Փորձել ենք հնարավորին երկարաձգել հղիության ընթացքը, որպեսզի խուսափեինք շնչառական խանգարումներից:
Երեքն էլ տղա են. առաջինը` 1 600 գր քաշով, երկրորդը` 1 650 գր քաշով, երրորդը 1 450 գր քաշով:
Այս պահին նրանք գտնվում են մեր կենտրոնի մանկաբույժների հսկողության տակ: Կարծում եմ, մոտ օրերս դուրս կգրվեն ծննդատնից»:
Բժիշկը նշել է, որ հղիության ընթացքում եղել է վաղաժամ ծննդաբերության սպառնալիք, ցավեր, քսվող բնույթի արյունային արտադրություն, որի պատճառով մեկ շաբաթ Ա. Ֆրանգուլյանը հսկվել է հղիների բարձր ռիսկի բաժանմունքում»:

Աննա Ֆրանգուլյանը շնորհակալ է կենտրոնի ամբողջ անձնակազմից:
Բնության այս հրաշքը եռակի ծնունդ է պարգևել նաև 26-ամյա Լուսինե Շառոյանի ընտանիքին: Ծնվել են Սամվելը, Սոֆին, Սաթիկը։ Լուսինեի կյանքում սա երրորդ ծննդաբերությունն է:
Մանկաբարձ-գինեկոլոգ Արմեն Գասպարյանը` ով իրականացրել է երկրորդ եռյակի կեսարյան հատումը, ասաց. «26-ամյա Լուսինե Շառոյանը հղիության ամբողջ ընթացքում գտնվել է կենտրոնի բարձր ռիսկի հղիների բաժանմունքի հսկողության տակ: Ստացել է համապատասխան բուժում, աշխատել ենք հնարավորին երկարացնել հղիության ժամկետը։ Կատարվել է կեսարյան հատում հղիության 32-րդ շաբաթում: Այն բարեհաջող ընթացք է ունեցել:

Երկուսը աղջիկ են ծնվել, մեկը` տղա: Առաջին աղջիկը` 1 450 գր քաշով, երկրորդ աղջիկը` 1 650 գր քաշով, երրորդը` տղան, 1 

750 գր քաշով: Ներկայում մոր և երեխաների վիճակը բավարար է»:
Բժիշկը նշել է, որ հղիության ընթացքում եղել է վաղաժամ ծննդաբերության սպառնալիք:


Լուսինե Շառոյանը նունյպես գոհ է և շնորհակալ կենտրոնի ամբողջ անձնակազմից

Երկու եռյակների բուժմամբ ու խնամքով զբաղվել է բժիշկ-նեոնատոլոգ Անաիդա Ասատրյանը: Մեզ հետ զրույցում բժշկուհին ասաց. «Նորածիններն ունեցել են տարբեր աստիճանի արտահայտված շնչառական խնդիրներ: Նրանց շնչառությունները օժանդակվել են շնչառական տարբեր սարքերով։ Բոլոր նորածինների ընդհանուր վիճակը գնահատվել է բավարար` ակնհայտ դրական դինամիկայով: Այս պահի դրությամբ նրանք բուժում չեն ստանում։ Մոտակա օրերին սպասում ենք երեխաների դուրս գրմանը»:

Բժշկուհին նշել է, որ նորաթուխ մայրերը երեխաներին կրծքով կերակրելու դժվարություններ չեն ունեցել:



 


+374 10 53 13 42

Վերջին թարմացումներ

2020 Մար 19, Հինգշաբթի | Լուրեր

Ուշադրությո՛ւն. պրոֆեսոր Հերվե Ֆերնանդեզի այցը Հայաստան հետաձգվում է

Հարգելի պացիենտներ, Հաշվի առնելով ամբողջ աշխարհում ստեղծված համաճարակաբանական իրավիճակը, ֆրանսիացի հայտնի պրոֆեսոր Հերվե Ֆերնանդեզի այցը Հայաստան հետաձգվում է մինչև 2020 թվականի աշուն։ Հետևեք մեր ֆեսբուքյան և ինստագրամյան էջերին, որտեղ մենք կհրապարակենք սպասվելիք այցի մասին լուրը։ Հայցում ենք Ձեր ներողամտությունը։

Կարդալ ավելին»
Կարդալ ավելին»
2020 Մար 13, Ուրբաթ | Պացիենտների համար

Արտարգանդային հղիություն. ախտանշանները, պատճառները, բուժումը

Արտարգանդային հղիության ժամանակ բեղմնավորված ձվաբջիջն ամրանում և իր զարգացումն սկսում է ոչ թե արգանդում, այլ արգանդից դուրս` արգանդային փողում, ձվարանում և...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն