Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 29-րդ շաբաթ

Հղիության 29-րդ շաբաթ

2019 Դեկ 25, Չորեքշաբթի

Երկար սպասված փոքրիկն աճում է ոչ թե օրերով, այլ ժամերով: Ապագա մայրը վայելում է իր հղիությունը: Բայց այս շրջանում նա կարող է խիստ հոգնել: Հաճախ այդ հոգնածության պատճառը քնի հետ կապված խնդիրներն են: Քնի համար հարմար դիրքի փնտրտուքում կարող են գիշերներ անցնել: Պետք է շատ հանգստանալ, քանի որ օրգանիզմն առանց այն էլ աշխատում է լարված ռեժիմով: Հոգսերը պետք է հաճելի լինեն. ժամանակն է պատրաստել երեխայի հագուստը, ընտրել մանկասայլակ, մտածել, թե ինչպիսի մահճակալ է պետք փոքրիկին:

Պտղի զարգացումը

Սկսում են գործել ջերմակարգավորման մեխանիզմները. Երեխան կարողանում է պահպանել մարմնի սեփական ջերմությունը:
Փոքրիկի քաշը մոտավորապես 1150 գրամ է, հասակը՝ 37 սմ: Աճման համար նրան անհրաժեշտ են սպիտակուցներ, վիտամին С, ֆոլաթթու, կալցիում և երկաթ: Անհրաժեշտ է կարգավորել մոր սնունդը այդ պահանջներին համապատասխան: Ի դեպ, կալցիումն այն ամենակարևոր էլեմենտներից է, որոնք մասնակցում են ոսկրային համակարգի ձևավորմանը: Ամեն օր երեխան յուրացնում է մոտավորապես 250 մգ կալցիում:

Մոր վիճակը

Հոգնածության զգացողությունը կարող է բավականին ուժեղանալ: Հաճախ դրա պատճառը վատ քունն է, ընդհանուր թուլությունը և հոգեհուզական լարվածությունը: Չարժե արհամարհել հոգնածությունը, անհրաժեշտ է շատ հանգստանալ: Եթե հոգնածությունը չափազանց արտահայտված է, այնքան, որ հղին իրեն սպառված է զգում անգամ հանգստից հետո, պետք է բժշկի դիմել. մշտական հոգնածությունը կարող է վկայել սակավարյունության մասին: Նաև անհրաժեշտ է հետևել, որ այտուցները /որոնք այս շրջանում գրեթե անխուսափելի են/ քնից հետո կամ պառկած դիրքով հանգստից հետո անհետանան, հակառակ դեպքում բշկին դիմելը պարտադիր է:

Ի՞նչ անել

•  Իրականացնել արյան հետազոտություն ՄԻԱՎ-ի, Վասերմանի ռեակցիայի /սիֆիլիս/ համար:
Ցանկացած վարակ հղիության ժամանակ վտանգավոր է, հատկապես սրացման վիճակում: Այդ պատճառով օրգանիզմը ստուգել և հավաստիանալ, որ ամեն բան կարգին է, շատ կարևոր է հղի կնոջ համար:
•  Կանանց կոնսուլտացիայում ստանալ ծննդյան վկայագիր, եթե հղիությունը բազմապտուղ է:
Փաստաթուղթ, որով հնարավոր է ստանալ պետության կողմից հղիին և ապագա երեխային հատկացվող գումարը*:
•  Որքան հնարավոր է քիչ պառկել մեջքի վրա, որպեսզի չառաջանա սիներակի ճնշման համախտանիշ:

Եթե մեջքին պառկելուց կամ նստելուց հետո հղին զգում է օդի անբավարարություն, գլխապտույտ, քրտնոտություն կամ աչքերի առաջ մթնածություն, ապա, ամենայն հավանականությամբ, դրանք սիներակի ճնշման համախտանիշի ախտանիշներ են:

Անհրաժեշտ է անմիջապես շրջվել կողքի, և ոչ մի դեպքում կտրուկ չկանգնել, այլապես կարող է ուշաթափություն առաջանալ:


+374 10 53 13 42

Վերջին թարմացումներ

2020 Մար 19, Հինգշաբթի | Լուրեր

Ուշադրությո՛ւն. պրոֆեսոր Հերվե Ֆերնանդեզի այցը Հայաստան հետաձգվում է

Հարգելի պացիենտներ, Հաշվի առնելով ամբողջ աշխարհում ստեղծված համաճարակաբանական իրավիճակը, ֆրանսիացի հայտնի պրոֆեսոր Հերվե Ֆերնանդեզի այցը Հայաստան հետաձգվում է մինչև 2020 թվականի աշուն։ Հետևեք մեր ֆեսբուքյան և ինստագրամյան էջերին, որտեղ մենք կհրապարակենք սպասվելիք այցի մասին լուրը։ Հայցում ենք Ձեր ներողամտությունը։

Կարդալ ավելին»
Կարդալ ավելին»
2020 Մար 13, Ուրբաթ | Պացիենտների համար

Արտարգանդային հղիություն. ախտանշանները, պատճառները, բուժումը

Արտարգանդային հղիության ժամանակ բեղմնավորված ձվաբջիջն ամրանում և իր զարգացումն սկսում է ոչ թե արգանդում, այլ արգանդից դուրս` արգանդային փողում, ձվարանում և...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն