Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Բուժում հղիության ժամանակ

Բուժում հղիության ժամանակ

2020 Հուն 13, Երկուշաբթի

Հղիության ժամանակ կինը ենթակա է հիվանդանալու ավելի հաճախ, քանի որ թուլանում է իմունիտետը: Իսկ ամեն կողմից լսվում է. «որևէ դեղորայք չի կարելի օգտագործել»:

ՄՐՍԱԾՈՒԹՅՈՒՆ

Հղիության ժամանակ վիրուսային հիվանդություն տանելիս, կնոջը հետաքրքրում է ոչ այնքան իր բուժումը, որքան այն, թե ինչպես այդ վարակը կազդի պտղի զարգացման վրա: Այնպես որ, հնարավոր բարդություններին միանում են նաև կնոջ նյարդային վիճակը և վախերը: Ինչպես բժիշկներն են ասում, առաջին եռամսյակում այնքան վտանգավոր չէ հենց մրսածությունը, որքան դրա հետևանքները` էմբրիոնին դժվար է գոյատևել ինտոքսիկացիայի, թթվածնային քաղցի և անհրաժեշտ նյութերի անբավարարության պայմաններում:

Նախկինում շատ էին դիմում բուժման ժողովրդական մեթոդներին, ներկայում էլ օգտվում են այդ մեթոդներից և միայն ծայրահեղ դեպքում դիմում դեղորայքի: Սակայն արագ արդյունքի համար, այնուամենայնիվ, շատերն են հենց սկզբից օգտագործում տարբեր հակավիրուսային պատրաստուկներ, քթի կաթիլներ և այլն:

Հղիության ժամանակ պետք է ցանկացած դեղորայք, բուժման միջոց գնահատել հնարավոր բարդություններով: Այդ պատճառով բուժումը հաճախ ձգձգվում է: Կարևոր է պարզել հիվանդության բարդության աստիճանը և դրան վերաբերվել համապատասխանաբար: Եթե վիճակը բարդանում է, պետք է շտապ դիմել բժշկի:

Կոկորդի ցավի, հազի, քթի փակվածության բուժման համար հղիության ժամանակ դեղաբույսերի ընտրության դեպքում պետք է զգույշ լինել և հաշվի առնել որոշ հակացուցումներ: Ուրցը, մեղվամուշկը (пижма), օշինդրը, հալվեն, մաղադանոսը, սամիթը և որոշ այլ բույսեր արգելված են հղիներին: Դրանք կարող են վիժում առաջացնել: Հազարատերևիկը, եղինջը, ծորենին, խնկածաղիկը, կատվալեզուն (ներքին ընդունման), մեխակը  տարբեր պատճառներով ևս խորհուրդ չեն տրվում:

Պետք է չմոռանալ, որ յուրաքանչյուր մարդ անհատականություն է, կան ալերգիաներ և անհատական անընկալություն:

ԲԱՐՁՐ ՋԵՐՄՈՒԹՅԱՆ ԺԱՄԱՆԱԿ

Կարելի է.

  • առատ հեղուկներ, մեղրով և կիտրոնով թեյ, թեյ ազնվամորու պտուղներով,
  • սարսուռի ժամանակ` տաք փաթաթվել,
  • սպիրտոով շփումներ /1/3 օղի և 2/3 ջուր/ և քացախով /1/3 քացախ և 2/3 ջուր/,
  • պարացետամոլ:

    Չի կարելի /կամ կարելի է զգուշորեն/
  • ասպիրին,
  • իբուպրոֆեն /զգուշությամբ/,
  • մանանեխ,
  • ոտքերի տաք լոգանք:

ՀԱԶԻ ԺԱՄԱՆԱԿ

Կարելի է.

  • թեյ` կիտրոնով և տուղտով (алтей),
  • մուկալտին,
  • տաք կաթ` մեղրով և կարագով,
  • ինհալացիա` կեղևով եփված կարտոֆիլով և էվկալիպտի տերևներով:

Չի կարելի /զգուշությամբ/

  • ԱՑՑ, Կոդելակ.
  • Էրեսպալ, մատուտակի արմատ.
  • ինհալացիա` սոճու բողբոջներով,
  • պաղշաքար (леденцы)` զգուշորեն:

ԿՈԿՈՐԴԻ ՑԱՎԻ ԺԱՄԱՆԱԿ

Կարելի է.

  • ողողում եղսպակով /շալֆեյ/, երիցուկով, նարգիզով /կալենդուլա/, սոդայի և աղի լուծույթով,
  • Քլորոֆիլիպտի, ֆուրացիլինի լուծույթ,
  • Կամետոն, Լիզոբակտ, Տանտում Վերդե, Միրամիստին,
  • սպիրտային կոմպրես (պահել մինչև չորանալը),
  • երիցուկի կոմպրես, տաքացրած աղի տոպրակ:

Չի կարելի /զգուշությամբ/

  • Եփուկ կամ թեյ` տերեփուկով /василек/ և եղսպակով /шалфей/
  • Ստոպանգին /առաջին եռամսյակում/
  • Յոքս

ՔԹԻ ՓԱԿՎԱԾՈՒԹՅՈՒՆ ԵՎ ՀԱՐԲՈՒԽ

Կարելի է.

  • ձեռքերի տաք լոգանք,
  • ողողել քթի խոռոչները Աքվամարիսով, ֆիզլուծույթով, աղի լուծույթով /1/2 թ.գդ մեկ բաժակ ջրին/,
  • սոխի հյութով բամբակե տամպոններ կամ նոսրացված սոխի հյութի կաթիլներ,
  • քթի խոռոչների մոտ քսել բալզամ «Աստղիկ»,
  • Սոպելկա,
  • կաթեցնել Մալավիտի լուծույթ,
  • սխտորով և սոխով ինհալացիա / մանր կտրատել և շնչել/:

Չի կարելի /զգուշությամբ/

  • Նաֆթիզին, Նազիվին, Քսիլեն,
  • Պինոսոլ /զգուշությամբ կարելի է` հնարավոր է ալերգիա/,
  • ոտքերի տաք լոգանք` մանանեխով:

ՀԱԿԱՎԻՐՈՒՍԱՅԻՆ ՊԱՏՐԱՍՏՈՒԿՆԵՐԸ ՀՂԻՈՒԹՅԱՆ ԺԱՄԱՆԱԿ

Այս բոլոր ՊԱՏՐԱՍՏՈՒԿՆԵՐԸ հղիության ժամանակ արգելված են: Թույլատրվում են միայն Դերինատը և Վիֆերոնը: Եվ դրանց պետք է անվանել ոչ թե հակավիրուսային, այլ իմունԱմոդուլյատորներ: Իսկ մոդուլյատորների խնդիրը ոչ թե պայքարն է վիրուսների դեմ, այլ իմունիտետի բարձրացումը: Ընդ որում, մրսածական հիվանդության սկզբնական փուլերում: Ավելի ուշ հնարավոր է միայն վիճակի թեթևացում:

Քանի որ Վիֆերոնում առկա ինտերֆերոնը դանդաղ է ներծծվում աղիների լորձաթաղանթից, այդ պատճառով դրա մոմերը արդյունավետ չեն: Պետք է հաշվի առնել, որ իմունամոդուլյատորների հաճախակի օգտագործումը արգելակում է սեփական ինտերֆերոնի արտադրությունը, ուստի բժիշկների հետ պետք է քննարկել դրանց բուժական միջոցների արդյունավետությունը:

Մրսածական հիվանդությունների կանխարգելման համար անհրաժեշտ է.

• չհաճախել մարդաշատ վայրեր` առանց խիստ անհրաժեշտության, չայցելել  հիվանդանոցում պառկած ծանոթներին,
•  տանից դուրս գալուց առաջ քթանցքներին քսել Օքսոլինի քսուկ,
•  օգտվել անհատական դիմակներից,
•  շատ զբոսնել մաքուր օդում, օդափոխել սենյակը, բնակարանը մաքրել խոնավ լաթով:

ԻՆՉՊԵ՞Ս ԲԱՐՁՐԱՑՆԵԼ ԻՄՈՒՆԻՏԵՏԸ ՀՂԻՈՒԹՅԱՆ ԺԱՄԱՆԱԿ

Պետք է ձգտել այն բանին, որ իմունիտետի ամրացումը դառնա սովորություն, ապրելակերպ: Խմել հյութեր և թեյ` դեղաբույսերով. նանա, կոճապղպեղ, մասուր: Պահպանել օրվա ռեժիմը, քնել 8-10 ժամ, վերանայել սննդակարգը: Սնունդը պետք է լինի լիարժեք` թարմ մրգեր, բանջարեղեն, շիլաներ, շատ ցիտրուսային մրգեր, նուռ: Դրանք վիտամինների հարուստ պաշար են` C, P, B6, B12: 

Կաթնաշոռը, կեֆիրը, մածունը պարունակում են կալցիում, լակտո, բիֆիդոբակտերիա: Համեմունքների և կանաչեղենի հետ զգույշ լինել` մանանեխ, սխտոր, սամիթ, մաղադանոս օգտագործել փոքր քանակով: Չափավոր սպորտային ակտիվությունը դրդում է իմուն համակարգը: Նույն նպատակի համար խորհուրդ է տրվում կոփել օրգանիզմը. հղիության ժամանակ վիտամինների ընդունումը պարտադիր է: Անհրաժեշտ վիտամինային կոմպլեքսն ընտրում է բժիշկը` հաշվի առնելով հղիության ժամկետը, առողջության վիճակը, արգանդի տոնուսը, ինքնազգացողությունը և քրոնիկ հիվանդությունների առկայությունը: Հղիության շրջանում հղին պատասխանատու է իր և ապագա երեխխայի վիճակի համար: Այդ պատճառով կարևոր է հետևել որոշ կանոնների և բժշկի հրահանգներին:

Հղիության ժամանակ խորհուրդ չտրվող շատ պատրաստուկներ մշտապես նոր կլինիկական փորձարկումներ են անցնում: Հետազոտությունների արդյունքները հաճախ հայտնաբերում են և հաստատում դրանց անվնաս լինելը զարգացող էմբրիոնի, պտղի նկատմամբ: Այդ տեղեկատվությունները, թույլատրված դեղորայքի ցանկը  ևս պետք է պարզել բժշկի հետ` խորհրդակցության ժամանակ:

Սկզբնաղբյուր՝ priberemennosty.ru

 

+374 10 53 13 42

Վերջին թարմացումներ

Կարդալ ավելին»
2020 Հուն 17, Ուրբաթ | Լուրեր

Պարզաբանում www.armeniasputnik.am կայքում տեղադրված հոդվածի վերաբերյալ

Հարգելի  www.armeniasputnik.am կայքի ղեկավարություն,Սույնով ներկայացնում ենք «Մոր և մանկան առողջության պահպանման գիտահետազոտական կենտրոն» ՓԲԸ-ի պարզաբանումը՝ կապված 15.01.2020թ.-ին ժամը 22:10-ին ձեր կայքում տեղադրված «7 տարի երեխայի մահն էր սգում, կոնֆետ տանում գերեզմանին. ապօրինի որդեգրման հերթական դեպքը» խորագրով նյութի...

Կարդալ ավելին»
Կարդալ ավելին»
2020 Հուն 13, Երկուշաբթի | Պացիենտների համար

Բուժում հղիության ժամանակ

Հղիության ժամանակ կինը ենթակա է հիվանդանալու ավելի հաճախ, քանի որ թուլանում է իմունիտետը: Իսկ ամեն կողմից լսվում է. «որևէ դեղորայք չի կարելի օգտագործել»...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն