Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 30-րդ շաբաթ

Հղիության 30-րդ շաբաթ

2020 Հուն 20, Երկուշաբթի

Երրորդ եռամսյակի ընթացքում անհրաժեշտ է շատ զգույշ լինել: Ապագա մայրը օր-օրի դառնում է ավելի ծանր, շեղվում է մարմնի ծանրության կենտրոնը, ուժեղանում է հոգնածությունը, կարող է ի հայտ գալ հևոց: Հղիության 30-րդ շաբաթը դեկրետային արձակուրդի սկիզբն է:

Վերջապես կարելի է լավ քնել, ժամանակ չծախսել աշխատանքի գնալու վրա: Ծննդաբերության ժամկենտն արդեն մոտ է, և ժամանակն է մտածել, թե ինչ պետք է վերցնել ծննդատուն գնալիս: «Արտակարգ դեպքի» պայուսակը` փաստաթղթերով, հիգիենայի պարագաներով, մոր և մանկան համար անհրաժեշտ իրերով, պետք է նախապես պատրաստվի:
    
Պտղի զարգացումը

Երեխայի երկարությունը մոտավորապես 40 սմ է, քաշը` 1300 գր: Փոքրիկի շարժումներն արդեն ավելի են նմանվում նորածնի շարժումների՝ նա կարող է ուսերը կծկել, սեղմում և բացում է բռունցքները և, անգամ, ձգվում է մարմնով: Նա արդեն կարող է որոշել` գտնվում է կիսամթությա՞ն, թե` լուսավորության մեջ: Որովայնի պատը և պլացենտան պատնեշ չեն լույսի համար, և երեխայի աչքերը կարող են տարբերել լուսային բծերը: Մանկան շարժումները քաոտիկից, լողայինից փոխվում և դառնում են ավելի «գիտակցված»: Այժմ նա գրավում է արգանդի մեծ մասը և չի կարող տեղաշարժվել ցանկացած ուղղությամբ, այլ կարող է ընդամենըն ուղղել ձեռքերն ու ոտքերը, փոխել մարմնի դիրքը:

30-32 շաբաթը փոքրիկն արգանդում ընդունում է դեպի ներքև` գլխային կամ հետույքային դիրք, և այդ դիրքը մեծ մասամբ կպահպանվում է մինչև ծննդաբերությունը: Դուք ունեք հնարավորություն նպաստել նրա ամենահարմարավետ՝ գլխային դիրքին: Եթե 30-րդ շաբաթում ՈՒՁՀ տվյալներով երեխան գլխով դեպի ներքև է տեղակայված, հարկ է կրել հատուկ սեղմակապ, որը կֆիքսի որովայնի պատը և կխանգարի երեխային փոխել իր դիրքը:

Մոր վիճակը

Այս ժամկետում հղիի քաշի ավելացումը կարող է կազմել 8-10,5 կգ: Արգանդn այնքան բարձր է տեղակայված, որ դիաֆրագման ճնշում է սրտին, ընդ որում, այնքան ուժեղ, որ սիրտը կարող է անգամ փոխել իր դիրքը: Դիաֆրագմայի վրա ճնշման պատճառով կինը կարող է զգալ ոչ արտահայտված հևոց: Կարող է լինել անքնություն: Քնելու համար հարմար դիրք գտնելն ավելի ու ավելի է դժվարանում: Բժիշկները խորհուրդ են տալիս ձեռք բերել մի քանի հատուկ բարձիկներ` նախատեսված հղիների համար, որպեսզի հարմար լինի քնել կողքի թեքված:

Ի՞նչ անել

•   Աշխատավայրում ձևակերպել դեկրետային արձակուրդ: Դրա տևողությունը 140 օր է՝ 70 օր նախքան ծննդաբերությունը և 70 օր` ծննդաբերությունից հետո
Ձեզ մի զրկեք արձակուրդ գնալու հնարավորությունից. մինչև երեխայի ծնունդը քիչ է մնացել և լավ հանգիստը միայն օգուտ կբերի: Բացի այդ, մնացած 10 շաբաթը կարող եք հասցնել պատրաստել այն ամենը, ինչն անհրաժեշտ է երեխայի հետ հանդիպման համար:
•  Կանանց կոնսուլտացիայում ստանալ վկայական և փոխանակման քարտ, որտեղ նշված կլինեն բոլոր տվյալները հղիության ընթացքի վերաբերյալ, հետազոտությունները, կնոջ վիճակը: Ամբողջ տեղեկատվությունը, որն անհրաժեշտության դեպքում պետք է բժշկին, հղի կինը ցանկալի է, որ պահի իր մոտ:
•   Զբաղվել ծննդատան ընտրությամբ
Ճիշտ ժամանակն է մտածել, թե որտեղ է հարմար ծննդաբերել, ամուսնո՞ւ ներկայությամբ, թե՝ ոչ, տանն ավելի՞ մոտ, թե` հեռու, բայց ավելի լավ պայմաններով: Պետք է ճշտել, անհրաժե՞շտ է, արդյոք, նախապես պայմանագիր կնքել, թե՞ շտապօգնությամբ հնարավոր է գնալ նախատեսած ծննդատուն:
•   Հատուկ մինչծննդյան սեղմակապ կրել, որը ողնաշարը կազատի ավելորդ ծանրաբեռնվածությունից, ինչպես նաև կնպաստի պտղի ծննդաբերության համար ամենահարմար՝ գլխային դիրքի պահպանմանը: Մի հակառակվեք, եթե բժիշկը սեղմակապ է նշանակում, մտածեք Ձեր ողնաշարի և ապագա երեխայի հարմարավետության մասին:

+374 10 53 13 42

Վերջին թարմացումներ

Կարդալ ավելին»
2020 Հուն 28, Երեքշաբթի | Լուրեր

Կրծքով կերակրելը մոր եւ մանկան առողջության գրավականն է

Երիտասարդ մայրերի համար, հատկապես, երբ առաջին ծնունդն է, ծննդաբերությունից անմիջապես հետո մյուս դժվար «գործը» երեխային կերակրելն է: Թվում է, թե դա բնազդային է եւ ինքնըստինքյան տեղի կունենա, սակայն, իրականում...

Կարդալ ավելին»
Կարդալ ավելին»
2020 Փետ 24, Երկուշաբթի | Պացիենտների համար

Անոթների դուպլեքս հետազոտություն

դուպլեքս սկանավորումը ուլտրաձայնային հետազոտություն է, որը հնարավորություն է տալիս գնահատել երակային և զարկերակային անոթների անցանելիությունը, արյան շրջանառության ցուցանիշները...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն