2020 Ապր 02, Հինգշաբթի
Համաձայն JAMA Pediatrics-ում հրապարակված նոր հետազոտության տվյալների՝ կորոնավիրուսով վարակված հղիների խմբում երեխաների 9%-ը ծնվել է COVID-19 վարակով:
Ինչպես հաղորդում է Contagion Live պորտալը, Չինաստանի Ուհան քաղաքի մասնագետները հետևել են կորոնավիրուսով վարակված մայրերից ծնված 33 երեխայի վիճակին: Ըստ հետազոտության հեղինակների աշխարհում կորոնավիրուսի վարակման դեպքերի թվի աճի հետ միասին, ավելանում է ինչպես COVID-19-ով հղիների, այնպես էլ երեխաների թիվը: Ավելի վաղ իրականացված հետազոտությունները վարակված մայրերի նորածինների մոտ կորոնավիրուսի դեպքեր չեն հայտնաբերել, սակայն, ինչպես պարզվեց, գիտնականներն աշխատել են շատ փոքր ընտրանքային խմբի հետ, և եզրակացությունները եղել են վաղաժամ:
Նոր հետազոտության համար գիտնականները աշխատել են 2020 թվականի հունվարից փետրվար ժամանակահատվածում վարակված մայրերից ծնված երեխաների հետ: Նրանք բժշկական քարտերից հավաքել են ժողովրդագրական, համաճարակաբանական և կլինիկական տվյալները, կորոնավիրուսը հայտնաբերել են ՊՇՌ-թեստի օգնությամբ: Պարզվեց, որ 33 երեխայից բաղկացած խմբում 3-ի մոտ հայտնաբերվել է կորոնավիրուս, ընդ որում մահացու ելքեր չեն արձանագրվել: Բոլոր վարակված երեխաները ծնվել են կեսարյան հատման օգնությամբ: Հետազոտողներն ընդգծում են, որ չափազանց կարևոր է հղիների մանրակրկիտ հսկողությունը և վարակի վերահսկման համար խիստ միջոցառումների իրականցումը:
Նա եկել էր Հայաստանի ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...
Կարդալ ավելին»Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...
Կարդալ ավելին»Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...
Կարդալ ավելին»