Մոր և մանկան առողջության պահպանման գիտահետազոտական կենտրոն
Ախտորոշում | Ֆունկցիոնալ ախտորոշման լաբորատորիա

Ֆունկցիոնալ ախտորոշման լաբորատորիա

Ֆունկցիոնալ ախտորոշման լաբորատորիայի գործունեության հիմնական ուղղություններն են.

  • Հղիության զարգացման տարբեր շեղումների հայտնաբերումը,
  • պտղի զարգացման անկանոնությունների ախտորոշումը,
  • հղիության ժամկետի, պտղի քաշի և հասակի ճշգրիտ որոշումը,
  • պտղի հիպոտրոֆիայի (թերսնուցման) ձևի և արտահայտվածության, նաև պտղի ֆունկցիոնալ վիճակի որոշումը,
  • ինչպես նաև հետծծնդյան շրջանի ընթացքում շեղումների հայտնաբերումը:

Գինեկոլոգիայի ասպարեզում տվյալ բաժանմունքը բարձր ճշգրտությամբ իրականացնում է առավել բարդ գինեկոլոգիական ախտաբանությունների, ներառյալ կանանց մոտ ներքին սեռական օրգանների զարգացման արատների, խրոնիկ էնդոմետրիտի, ներարգանդային սերտաճումների, ներքին և էքստագենիտալ (արտասեռական) էնդոմետրիոզի, արգանդի և ձվարանների բարորակ ուռուցքների, հավելումների բորբոքային գոյացությունների, կաթնագեղձերի հիվանդությունների, ինչպես նաև, ընդհանուր առմամբ, անպտղության պատճառի ախտորոշում:

Այս ամենի հետ մեկտեղ բաժանմունքում իրականացվում է հղիների, գինեկոլոգիական հիվանդների, նորածինների և երեխաների էքստրագենիտալ ախտաբանության (սիրտ-անոթային համակարգի, լյարդի, լեղապարկի, ենթաստամոքսային գեղձի, փայծաղի, վահանաձև գեղձի, մակերիկամների, երիկամների, միզապարկի հիվանդություններ) ախտորոշում:

                 
Լաբորատորիան հագեցված է 4D գերձայնային հետազոտության (ԳՁՀ) ALOKA SSD-3500 սարքով: 4D ԳՁ հետազոտությունը թույլ է տալիս հղիության վաղ ժամկետներում տեսնել պտղի ծավալուն պատկերը, գնահատել նրա սրտային և շարժողական ակտիվությունը, բոլոր հնարավոր ախտաբանությունները, դեմքը, գլուխը, ձևավորվող ձեռքերը և ոտքերը, իսկ հղիության 24 շաբաթական ժամկետում հնարավոր է տեսնել նաև բոլոր օրգաններն առանձին-առանձին:

Voluson S10 Expert սարքի ծրագրերի փաթեթի և սկաների գործիքային հնարավորությունները թույլ են տալիս նրան լինել առաջատարը կանանց մոտ տարբեր հիվանդությունների ախտորոշման բնագավառում: Համակարգի կիրառման բնագավառններն են.

  1. Ռեպրոդուկտիվ բժշկությունը` ֆոլիկուլների, արգանդափողերի և սաղմի տեղափոխման վիզուալացման համար:
  2. Օնկոլոգիայան` էնդոմետրիունի և ձվարանների հետազոտման համար:
  3. Մանկաբարձությունը` ծննդաբերության մարտավարության համար, պտղի կենսաչափության, սրտի արատների ախտորոշման համար:
  4. Գինեկոլոգիան` արգանդի անոմալիաների և կոնքի հատակի մկանների հետազոտման համար:     

Խիստ կարևոր հետազոտություն, որն իրականացվում է ԳՁՀ սարքի օգնությամբ, դա դոպլերոմետրիան է, որի օգնությամբ ուսումնասիրվում է արգանդ-ընկերքային արյան շրջանառությունը: Գունավոր դոպլերն օժտված է սկանավորման բարձր արագությամբ և տալիս է վերջնական ախտորոշումը հաստատելու հնարավորություն:

4D սարքավորումը գործում է հատուկ գործիքավորված լաբորատորիայում. Ունի մեծ էկրան, որը թույլ է տալիս ապագա ծնողներին բուն հետազոտության պահին հսկել նրա ընթացք, տեսնել իրենց երեխայի առաջին շարժումները և պահել փոքրիկի ծավալուն, գունավոր պատկերը DVD-սկավառակի վրա:

                  Ֆունկցիոնալ ախտորոշման լաբորատորիա Ֆունկցիոնալ ախտորոշման լաբորատորիա

Ֆունկցիոնալ ախտորոշման լաբորատորիայում իրականացվում է.

  1. Հղիության ընթացքի գերձայնային մոնիթորինգ (մշտադիտարկում)
  2. Պտղի սրտի ռիթմի և շարժողական ակտիվության, ֆունկցիոնալ վիճակը գնահատելու համար կարդիոտոկոգրաֆիկ հետազոտություն
  3. Հղիության II և III եռամսյակներում արգանդ-ընկերքային արյունահոսքի իմպուլսային ռեժիմով գունավոր դոպլերային հետազոտություն
  4. Գերձայնային հետազոտություն 4D ռեժիմով
  5. ԳՁ հսկողության ներքո կատարվում են վիրահատություններ' պտղային հյուսվածքներ ստանալու նպատակով, որպեսզի վաղօրոք որոշվեն ժառանգական շեղումները
  6. Գինեկոլոգիական հիվանդների ԳՁ-հետազոտություն
  7. Անպտղության դեպքում ֆոլիկուլոգենեզի (ձվարաններում ֆոլիկուլների զարգացման) ԳՁ-ային մշտադիտարկում
  8. ԳՁ հսկողության տակ օժանդակ վերարտադրողական տեխնոլոգիաների կիրառման արդյունքում կայացած բազմապտուղ հղիության (3 և ավելի սաղմերի դեպքում) սաղմերի քանակի պակասեցում(ռեդուկցիա) արհեստական ճանապարհով,
  9. Էխոկարդիոտոկոգրաֆիա
  10. Կրծքագեղձերի , վահանաձև գեղձի և ներքին օրգանների ԳՁՀ:

Հեռ.՝ +374 10 53 14 71


Բաժնի բժիշկներ

+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղի վիճակում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը