2023 Հոկ 12, Հինգշաբթի
Հնարավո՞ր է հղիանալ ձվարանների պոլիկիստոզի դեպքում
Ձվարանների պոլիկիստոզը վերարտադրողական տարիքի կանանց մոտ ամենահաճախ հանդիպող հորմոնալ խանգարումն է: Այն կարող է ոչ ձվարանային անպտղության, ախտաբանական մազակալման և դաշտանային ցիկլի խանգարման պատճառ դառնալ:
Ձվարանների պոլիկիստոզը բազմապատճառային վիճակ է, որը զարգանում է ծանրաբեռնված ժառանգականության և շրջակա միջավայրի անբարենպաստ գործոնների ֆոնին: Հիվանդությունն ուղեկցվում է անդրոգենների (տղամարդկանց սեռական հորմոններ) բարձր մակարդակով:
Ախտորոշումը կատարվում է արտաքին զննման (տղամարդկային տիպի մազակալում), ուլտրաձայնային հետազոտության (ձվարաններում բնորոշ փոփոխություններ) և լաբորատոր հետազոտությունների (տեստոստերոնի բարձր մակարդակ) հիման վրա:
Ձվարանների պոլիկիստոզի բուժման երկու մոտեցում կա. վիրահատական և կոնսերվատիվ: Կոնսերվատիվ բուժումն իրականացվում է հորմոնալ դեղորայքով։ Անհրաժեշտ է նաև ազատվել մարմնի ավելորդ քաշից:
Պտղաբերության կարգավորման համար կարող է կիրառվել դեղորայքային խթանում, ձվարանների լապարասկոպիկ խթանում, իսկ ծանր դեպքերում՝ արտամարմնային բեղմնավորում (ԱՄԲ):
Ձվարանների պոլիկիստոզի տեսակները
Առաջնային. ախտաբանական փոփոխություններն առկա են դաշտանային ցիկլերի սկզբից
Երկրորդային. հորմոնալ փոփոխություններն ինչ-ինչ պատճառներով զարգանում են դաշտանային գործընթացի ընթացքում, իսկ երբեմն նաև ծննդաբերություններից հետո
Ախտանշանները
Վերոնշյալ ախտանիշներով բուժառուների մոտ զարգանում են գոնադոտրոպինների և ինսուլինի արտադրման, էներգետիկ փոխանակության և սեռական հորմոնների մետաբոլիզմի խանգարումներ: Երբեմն դիտվում են նաև աֆեկտիվ խանգարումներ, դեպրեսիա, շատակերություն, ավելորդ քաշ:
Պատճառները
Ձվարանների պոլիկիստոզի պատճառները դեռևս վերջնականապես չեն պարզվել: Ենթադրվում է, որ դեր ունեն գենետիկ առանձնահատկությունները՝ բացասական արտաքին գործոնների հետ միաժամանակ:
Բացասական գործոններից են.
Հնարավո՞ր է հղիանալ
Պոլիկիստոզով հիվանդ յեւրաքանչյուր կին հնարավորություն ունի հղիանալու: Շատ կանանց մոտ մոտ դա իրականանում է առանց որևէ միջամտության, սակայն հղիության նորմալ ընթացքի համար անհրաժեշտ է հսկողություն:
Վիժումների մեծամասնության պատճառը հենց պոլիկիստոզն է: Պատճառը կնոջ մոտ նաև այլ հիվանդագին վիճակների զարգացումն է՝ հեստացիոն դիաբետ, բարձր զարկերեկային ճնշում, ավելորդ քաշ, որոնք ժամանակին բուժում են պահանջում:
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ...
Կարդալ ավելին»Հղիության ընթացքում պետք է դիմել բժշկի խորհրդատվությանը, եթե առկա են...
Կարդալ ավելին»Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...
Կարդալ ավելին»