«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Լուրեր | Եռամսյա պայքար նորածնի կյանքի համար. փոքրիկ Արմենը Շուշիի ազատագրման օրը կլինի տանը՝ Ստեփանակերտում

Եռամսյա պայքար նորածնի կյանքի համար. փոքրիկ Արմենը Շուշիի ազատագրման օրը կլինի տանը՝ Ստեփանակերտում

2017 Մայ 08, Երկուշաբթի

Ստեփանակերտցի Սոֆյա Ասրիյանը իր նորածին որդու՝ Արմենի հետ միասին Շուշիի ազատագրման օրն արդեն տանն է դիմավորելու։ Անցյալում են մնացել երեխայի կյանքի համար պայքարի երեք ամիսները Երեւանի Մոր եւ մանկան առողջության պահպանման գիտահետազոտական կենտրոնում։ Ծննդկանին Երեւան են տեղափոխել Ստեփանակերտից 2017-ի փետրվարի 8-ին այն բանից հետո, երբ նրա պտղաջրերը հոսել են հղիության 26 –րդ շաբաթում։

NEWS.am Medicine-ի թղթակցին ԳՀԿ տնօրեն Գեորգի Օկոեւը հայտնել է, որ իրեն զանգահարել են Ստեփանակերտից իր գործընկերները ու խնդրել ընդունել կնոջը, քանի որ Ստեփանակերտում հնարավորություն չի եղել խնամել խոր անհաս երեխային։ «Արվել է այն, ինչը մենք բժշկության մեջ լավագույն տարբերակն ենք անվանում՝ երեխայի փոխադրում մոր արգանդում։ Մեզ հաջողվել է պահպանել հղիությունը եւս 10 օր, փետրվարի 18-ին նրա մոտ ինքնուրույն ծննդաբերություն է սկսվել»,- ասել է նա։

Մոր եւ մանկան առողջության պահպանման ԳՀԿ-ի նեոնատալ բաժանմունքի ղեկավար, ՀՀ ԱՆ գլխավոր նեոնատալոգ Պավել Մազմանյանի խոսքով երեխան ծնվել է հղիության 27-րդ շաբաթում 1 կգ քաշով։ «Երեխան ուներ արտահայտված շնչառական խնդիրներ, նա բուժում է ստացել ոչ ինվազիվ թերապիայի մեթոդներով։ Այսօր նրա վիճակը բավարար է, նա դուրս է գրվում 2400 գրամ քաշով»,- պատմել է նա։

Երեխայի մայրը, Սոֆյա Ասրիյանը, պատմել է, որ բժիշկները իրեն նախազգուշացրել էին, որ Ստեփանակերտից Երեւան հեռավոր ճանապարհն անցնելը նրա վիճակում վտանգավոր է, բայց նա որոշել էր ռիսկի դիմել հանուն իր երեխայի կյանքի փրկության, ու այդ ռիսկը, ինչպես պարզվեց, արդարացված էր։

«Աստծու ու աստվածաշնորհ բժիշկների շնորհիվ այսօր իմ երեխան մեծացել է, ամրացել ու մենք տուն ենք գնում»,- ասել է նա։

 

 

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը