2016 Դեկ 10, Շաբաթ
Առաջին երեխայի լույս աշխարհ գալուց հետո Վիոլետան ու նրա ամուսինը շուտով սկսել էին մտածել նաեւ երկրորդ երեխան ունենալու մասին։ Սակայն մի քանի տարի շարունակ սպասված հղիությունը չէր ստացվում, իսկ երբ Վիոլետան վերջապես հղիացել է, հղիությունն ավարտվել է վիժումով։
Երեք անհաջող հղիություններից հետո Վիոլետան լույս աշխարհ է բերել եռյակի։
«Ուրախությունից ես չգիտեի ինչ անել։ Առայսօր ես ու ամուսինս մի քիչ ցնցված ենք, ասում ենք, որ սա Աստծու պարգեւն է՝ տարիներ շարունակ մենք չէինք կարողանում երեխա ունենալ ու Աստված մեզ միանգամից երեքը պարգեւեց»,- պատմել է Վիոլետա Ղազարյանը NEWS.am Medicine–ի թղթակցի հետ զրույցի ժամանակ։
Վիոլետայի հղիությունը նորմալ է ընթացել, առանց բարդությունների։ Ճիշտ է, դեկտեմբերից նա պառկած էր Մոր եւ մանկան առողջության պահպանման գիտահետազոտական կենտրոնում, ու Նոր տարին հենց այնտեղ է դիմավորել։ Նրա խոսքով ինքը մի քիչ վշտացած էր, որ Նոր տարին դիմավորելու է հարազատներից հեռու՝ հիվանդանոցի սենյակում, սակայն նա հասկանում էր, որ սրտի տակ երեք երեխա է կրում, ու պետք է մտածի նրանց առողջության ու բարեկեցության մասին եւ մնա բժիշկների հսկողության տակ։
Երեխաները ծնվել են կեսարյան հատումով հունվարի 17-ին, հղիության 34-րդ շաբաթում։ Երեքն էլ դեռ բուժկենտրոնի ինտենսիվ թերապիայի բաժանմունքում են, մինչեւ դուրս գրվելը թերհաս նորածինները դեռ պետք է քաշ հավաքեն։ Տղաները ծնվելու պահին կշռում էին 1800 ու 1700 գրամ, իսկ աղջիկը կրկնակի քիչ՝ ընդամենը 880 գրամ։ NEWS.am Medicine -ի թղթակցի հետ զրույցում Նեոնատոլոգիայի բաժանմունքի ղեկավար Պավել Մազմանյանը նշեց, որ եռյակին արդեն ոչինչ չի սպառնում, նրանք իրենց լավ են զգում, ստանում են անհրաժեշտ խնամք, հատուկ սնունդ, նրանց ներքին օրգանները նորմալ գործում են, ու ոչ մի լուրջ խնդիր չունեն։
Երեխաների համար անուններ ծնողներն արդեն մտածել են՝ Ռաֆայել, Ռոլանդ ու Կատրինա։ Հիմա նրանք անհամբերությամբ սպասում են, թե երբ են եռյակին տուն տանելու ու ծանոթացնելու իրենց ավագ որդու՝ 9 -ամյա Մարտիկի հետ, որը ծնողների խոսքով վաղուց էր երազում քույր ունենալու մասին։
ԻՆչ վերաբերում է եռյակի դաստիարակության հետ կապված բարդություններին՝ դրանք Վիոլետայի խոսքով նրան չեն վախեցնում։
«Իհարկե շատերի համար մեկ երեխա մեծացնելն էլ է դժվար։ Մենք էլ հաստատ դժվարություններ կունենանք, բայց ես ամեն ինչի պատրաստ եմ։ Եթե աստված մեզ պարգեւել է այս երեխաներին, ուրեմն նաեւ տվել է նաեւ ուժ ու համբերություն, որ դաստիարակեմ նրանց»։
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский