Շտապ բեղմնականխման հաբերը (ՇԲՀ) կիրառում են, եթե.

• հակաբեղմնավորիչ մեթոդի կիրառումը ձախողվել է։
• անպաշտպան սեռական հարաբերությունը տեղի է ունեցել ամենաշատը 5 օր առաջ։
• Ճիշտ օգտագործման դեպքում մեթոդի արդյունավետությունը 74-75% է։

ՇԲՀ հետաձգում են ձվազատումը, խոչընդոտում ձվաբջջի բեղմնավորմանը, իսկ բեղմնավորման դեպքում` ձվաբջջի ներդրումն ու սերտաճն արգանդի լորձաթաղանթում։

Եթե ՇԲՀ փաթեթը պարունակում է 2 հաբ, ապա առաջինը պետք է ընդունել անպաշտպան սեռական հարաբերությունից հետո հնարավորինս շուտ, առավելագույնը 120 ժամվա (5 օրվա) ընթացքում, իսկ երկրորդը` առաջին հաբը ընդունելուց 12 ժամ անց։

ՇԲՀ-երի օգտագործումից հետո կարող են դիտվել ցավ որովայնում, թուլություն, գլխացավ, սրտխառնոց, փսխում, գլխապտույտ, կրծքագեղձի լարվածություն և հեշտոցից անկանոն արտադրություն կամ արյունահոսություն։

ՇԲՀ-երը չեն պաշտպանում սեռավարակներից, ներառյալ` ՄԻԱՎ-ը։

Եթե դաշտանը չի սկսվում ակնկալվող ժամկետից մեկ շաբաթ անց, այցելեք բժշկի` Ձեր վիճակը գնահատելու և հավանական հղիության հետ կապված խնամքը կազմակերպելու համար։

ՇԲՀ-երի օգտագործումը խորհուրդ չի տրվում էպիլեպսիայով, սրտանոթային կան երիկամային հիվանդություններով, միգրենով, շաքարախտով և արյան բարձր ճնշմամբ տառապող կանանց։

Մի′ օգտագործեք ՇԲՀ, եթե վստահ եք, որ հղի եք, քանի որ դրանց կիրառումն ապարդյուն կլինի։