Ժամանակակից պահպանակները պատրաստված են լատեքսից, լինում են տարբեր չափերի և գույների, քսայուղերով կամ առանց դրանց։ Քսայուղերը կարող են պարունակել սերմնասպան նյութեր։ Պահպանակները կանխում են սերմնահեղուկի մուտքը հեշտոց, այդպիսով կանխելով հղիությունը և սեռավարակների փոխանցումը։

Մի օգտագործեք պահպանակը, եթե տուփը պատռված է, պահպանակը չորացած է կամ կպչուն։ Մի օգտագործեք բուսական կամ սինթետիկ ճարպերից պատրաստված քսայուղեր (օրինակ` վազելին), քանզի դրանք քայքայում են լատեքսը։

Առավելություները

• Արդյունավետությունը 85-98% է։
• Պաշտպանում են սեռավարակներից, ներառյալ` ՄԻԱՎ-ը։
• Չեն ազդում պտղաբերության վրա։
• Օգտագործելը հեշտ է։
• Մատչելի են։

Թերություններ և կողմնակի ազդեցություններ

• Պահանջվում է զուգընկերոջ համաձայնությունը։
• Շատ հազվադեպ արտաքին սեռական օրգանների շրջանում առաջանում է գրգռվածություն կամ քոր։
• Մեկանգամյա օգտագործման համար են։
  Երբեմն դուրս են սահում կամ պատռվում են։