Հետծննդյան բաժանմունքի անձնակազմի աշխատանքի հիմնական սկզբունքներն են. ելնելով ծննդկանների անհատական կարիքներից՝ յուրաքանչյուր հիվանդին հատուկ մոտեցում և մասնագիտորեն բարյացակամ վերաբերմունք:
Ծննդկանները գտնվում են մոր և երեխայի համատեղ կեցության 1-, 2- և 3-տեղանոց հիվանդասենյակներում: Բոլոր հիվանդասենյակները ապահովված են փոքրիկ լողատաշտակով, փոքրիկի մահճակալով ու բարուրման սեղանով: Հիվանդասենյակներում առկա են սանհանգույց, տաք ջուր, բուժքույրերի կանչի կոճակ, սառնարան, էլեկտրական թեյնիկ, հեռուստացույց:
Ծննդկանների սնունդը իրականացվում է՝ հաշվի առնելով կերակրող մայրերի սննդակարգի առանձնահատկությունները: Վերջիններիս ցանկությամբ նրանց կարող են տրամադրվել առավելագույնս հարմարավետ հիվանդասենյակներ, այսպես կոչված «լյուքս-սենյակներ», որտեղ զուգակցված են հարմարավետության բարձր մակարդակը, տնային պայմանները, հարազատների ներկայությունը, չորսանգամյա սնունդը անհատական պատվերով: Թույլատրվում է հարազատների տեսակցությունը ժամը 1200-ից մինչև 2000-ը: Ամեն օր կատարվում է բժիշկների համայց, որի ժամանակ մանկաբարձ-գինեկոլոգը կատարում է հետծննդյան առկա վերքերի մշակում, վիրակապում, ծննդկանների զննում, վերջիններիս հետ անցկացնում զրույցներ հիգիենայի, կաթնարտադրության (լակտացիայի), սննդի և բեղմնականխման միջոցների մասին: Անհրաժեշտության դեպքում տրվում է նաև հոգեբանական օգնություն:
Բժիշկ նեոնատոլոգը ամեն օր զննում է նորածնին հիվանդասենյակում՝ մոր ներկայությամբ: Մանկական բուժքույրը մայրիկին սովորեցնում է երեխայի խնամքի հմտություններ և օգնում է նրան երեխային կերակրելիս: Հետծննդյան շրջանում շատ մեծ ուշադրություն է դարձվում կրծքով կերակրման աջակցմանն ու քաջալերմանը:
Լակտացիայի անբավարարության դեպքում կիրառվում է թերկաթնարտադրության (հիպոգալակտիայի) բուժման արդյունավետ մեթոդ՝ ասեղնաբուժություն:
Դավիթ Ռուբենի Ղուկասյան
Հետծննդյան բաժանմունքի վարիչ
բ․գ․թ․
մանկաբարձ-գինեկոլոգ
Նատալյա Օլեգի Տեր-Գևորգովա
մանկաբարձ-գինեկոլոգ
Ռուզաննա Գեղամի Երիցյան
մանկաբարձ-գինեկոլոգ
բ․գ․թ․
Սոֆա Մինասյան
մանկաբարձ-գինեկոլոգ
Լուսինե Հակոբջանյան
մանկաբարձ-գինեկոլոգ
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»