Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 32-րդ շաբաթ

Հղիության 32-րդ շաբաթ

2020 Փետ 19, Չորեքշաբթի

Ծննդաբերությունն ավելի մոտ է և երեխան ընդունում է այն դիրքը, որով նա պետք է շարժվի այս աշխարհին ընդառաջ: Երեխայի գլխի ճիշտ դիրքը ներքևում է, ընդ որում, այդ ժամանակ նրա հետույքը մոր կրծքի տակ է տեղակայվում, ոտքերը և ձեռքերը կծկված են և սեղմած մարմնին: Բժիշկները տարբերում են երեխայի ներարգանդային դիրքի մի քանի տարբերակ: Դրանցից մի քանիսը ցուցում են կեսարյան հատման համար:  Այս ժամկետում նաև անցկացվում է երրորդ սքրինինգը: Այն կօգնի որոշել պտղի զարգացման համապատասխանությունը ֆիզիոլոգիական նորմային:     


ՊՏՂԻ ԶԱՐԳԱՑՈՒՄԸ


Երեխայի հասակը 43 սմ է, քաշը՝ մոտավորապես 1800 գր: Նրա մարմնի մաշկային ծալքերը գրեթե հարթվել են, դեմքից անհետացել են կնճիռները: Ձեռքերին և ոտքերին լիարժեք եղունգներ են աճել, գլխին՝ մազեր կամ խիտ աղվամազ: Փոքրիկն ավելի հաճախ է զկրտում, երբեմն 10-20 րոպե` անընդմեջ: Դա միանգամայն նորմալ է և պետք է անհանգստություն չառաջացնի:


ՄՈՐ ՎԻՃԱԿԸ


Արգանդը ցայլքից բարձրացած է 32 սմ: Կարող են սկսվել գոտկային ցավեր, որոնք տարածվում են դեպի նստատեղ և ոտքեր: Դրա պատճառն այն է, որ արգանդը ճնշում է նստանյարդը: Բժիշկը կարող է խորհուրդ տալ հատուկ վարժություններ, որոնք կհանեն այդ ցավերը


Եթե բժիշկներն ավելի վաղ ժամկետներում ախտորոշել են պլացենտայի առաջադիր դիրք, ապա 32-րդ շաբաթում պետք է վերջնականապես վճռել՝ պլացենտան փակո՞ւմ է արգանդային բացվածքը, թե`ոչ:


Բանն այն է, որ հղիության ընթացքում պլացենտան փոքր-ինչ տեղափոխվում է արգանդի ստորին մասից դեպի վեր, և առաջադրությունը ինքնուրույն կարող է վերանալ: Եթե դա տեղի չի ունեցել, հնարավոր է կեսարյան հատման անհրաժեշտություն լինի:


Ի՞ՆՉ ԱՆԵԼ


Հավաքել ծննդատան համար անհրաժեշտ բոլոր փաստաթղթերը և դրանք միշտ պահել ձեռքի տակ կամ` պայուսակում:


Հղիությունը հաճախ անկախատեսելի է: Եվ ավելի լավ է, որ շտապ ծննդաբերության դեպքում բոլոր բժշկական փաստաթղթերը լինեն ձեռքի տակ, ինչը հնարավորություն կտա օգնություն ստանալ ցանկացած տեղում:


Որոշել՝ ծննդաբերել մենա՞կ, թե՞` ամուսնու ներկայությամբ


Երեխայի հորը ժամանակ է պետք` որոշելու համար, թե նա կկարողանա՞ ներկա լինել ծննդաբերական սրահում, թե` ոչ: Բոլոր դեպքերում, սա ամենահարմար ժամանակն է այդ մասին քննարկման համար:


Ավելի ուշադիր, քան երբևէ, հետևել երեխայի շարժումներին. դրանց պակասելը կամ ավելանալը կարող է պտղի վատ վիճակի մասին խոսել:
Նորմայում փոքրիկը պետք է կատարի ժամում 4-6 շարժումից ոչ պակաս:  Սովորեցրեք Ձեզ` զգալ այն ամենն, ինչ կատարվում է Ձեր ներսում:


- Պատրաստել երեխայի կերակրման համար անհրաժեշտ պարագաները


Տրամադրվեք կրծքով կերակրելուն և աշխատեք չգնել շշեր և ծծակներ /մանկական խանութների աշխատանքն ամենօրյա է, իսկ դեղատներն աշխատում են երբեմն շուրջօրյա, և գնել շիշ կամ ծծակ կարող եք ցանկացած պահին/: Ավելի լավ է մտահոգվել կերակրելու համար հարմար հագուստ պատրաստելով՝ զգեստներ, սպորտային հագուստներ, որոնցով առավելապես հարմարավետ կլինի կերակրել երեխային: Նաև` Ձեզ հնարավոր է անհրաժեշտ կլինեն կաթ կթելու և պահելու հարմարանքներ:

+374 10 53 13 42

Վերջին թարմացումներ

Կարդալ ավելին»
2020 Հուն 23, Երեքշաբթի | Լուրեր

Հղիության 38-րդ շաբաթ

Որքան արագ է թռչում ժամանակը: Թվում է, դեռ երեկ էր, երբ Դուք տեսաք թեստի 2 գծիկը, իսկ այժմ հղիությունն արդեն մոտենում է իր ավարտին:  38-րդ շաբաթում ապագա շատ մայրերի մոտ բացվում է երկրորդ շնչառությունը...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը