Մոր և մանկան առողջության պահպանման գիտահետազոտական կենտրոն
Ստացիոնար Գինեկոլոգիական բաժին | Վիրաբուժական գինեկոլոգիա

Վիրաբուժական գինեկոլոգիա

                                Վիրաբուժական գինեկոլոգիա

Բաժանմունքում իրականացվում է գինեկոլոգիական հիվանդությունների վիրաբուժական բուժում ինչպես ավանդական (որովայնահատմամբ), այնպես էլ լապարոսկոպիկ (որովայնադիտական) և հեշտոցային եղանակով:

Գինեկոլոգիական լապարոսկոպիկ վիրահատությունն առաջին անգամ Հայաստանում կատարվել է մեր կենտրոնում 1974թ.-ին: Ներկայումս բաժանմունքում ակտիվորեն ներդրվում են վիրաբուժական գինեկոլոգիայում՝ մասնավորապես լապարոսկոպիկ և հիստերոսկոպիկ (արգանդադիտական) վիրաբուժությունում օգտագործվող նոր նվազագույն ներխուժողական (քիչ ինվազիվ) տեխնոլոգիաները:

Բաժանմունքը հագեցած է ժամանակակից «Karl Storz» (Գերմանիա) էնդովիդեովիրաբուժական համալիրով: Համակարգչային հատուկ սարքը՝ կցված լապարոսկոպիկ տեխնիկային, թույլ է տալիս տեսագրել վիրաբուժական միջամտությունը տեսաֆիլմի ձևով, ինչը շատ կարևոր է կատարված վիրահատության որակի հսկողության և հաստատման համար: Ներարգանդային ախտաբանության կասկածի դեպքում կիրառվում է հիստերոսկոպիա: Ախտորոշիչ հիստերոսկոպիան թույլ է տալիս վաղ հայտնաբերել ներարգանդային ախտաբանությունները (արգանդի սուբմուկոզ (ենթաշճային) միոմա, էնդոմետրիումի գերաճներ (հիպերպլազիաներ)) և պոլիպներ, ներարգանդային խտրոցներ և սերտաճումներ): Բաժանմունքը կուտակել է հիստերոսկոպիկ վիրահատությունների մեծ փորձ:

Մեր բաժանմունքում կատարվում են պլանային և անհետաձգելի վիրահատություններ: Վիրահատությունների ժամանակ լայնորեն օգտագործվում են ժամանակակից վիրահատական նյութեր և նորագույն սարքավորումներ:

Վիրաբուժական գինեկոլոգիայի բաժանմունքում իրականացվում են հետևյալ միջամտությունները.

1. Լապարոսկոպիկ մեթոդով

  • Ախտորոշիչ որովայնադիտում (դիագնոստիկ լապարոսկոպիա)
  • Ուռուցքանման գոյացությունների և կիստաների հեռացում
  • Պոլիկիստոզ (բազմաբշտային) ձվարանների համախտանիշի վիրահատական բուժում
  • Էնդոմետրիոզի տարածված ձևերի բուժում
  • Արտարգանդային հղիության ժամանակ փողի հեռացում կամ  արգանդափողապահպան վիրահատություններ
  • Կոնսերվատիվ միոմէկտոնիա (միոմատոզ  հեռացում արգանդի պահպանմամբ)
  • Սալպինգոօվարիոլիզիս (փոքր կոնքի խոռոչում հավելումների շրջանի կպումների անջատում՝ չբերության կապակցությամբ)
  • Սալպինգոստոմիա, հիմենոպլաստիկա (արգանդափողի անցանելիության վերականգնում)
  • Վիրաբուժական ամլացում
  • Հեշտոցային հիստերէկտոմիա (արգանդազերծում) լապարոսկոպիկ օժանդակությամբ (LAVH)
  • Որովայնադիտական ամբողջական արգանդազերծում (տոտալ լապարոսկոպիկ հիստերէկտոմիա)
  • Ոչ լրիվ արգանդազերծում որովայնադիտական օժանդակությամբ (լապարոսկոպիկ օժանդակությամբ  սուբտոտալ հիստերէկտոմիա):

 

   

2. Հիստերոսկոպիկ մեթոդ (արգանդադիտական մուտքով)

  • Արգանդի պարանոցի խողովակի և խոռոչի ախտորոշիչ հիստերոսկոպիկ անջատ բուժ-ախտորոշիչ թիրախային քերում՝ էնդոմետրիումի գերաճի (հիպերպլազիա) ժամանակ՝ ներառյալ հյուսվածաբանական և բջջաբանական հետազոտությունները
  • Հհիստերռեզեկտոսկոպիա՝ պոլիպների, ենթաշճային միոմատոզ հանգույցների, ներարգանդային խտրոցների և սինեխիաների հեռացում:
  • Բնածին արատների շտկում
  • Էնդոմետեկտոմիա (լորձաթաղանթի հեռացում ) և էնդոմետրիումի աբլացիա (լորձաթաղանթի այրում)

 

3. Հեշտոցային մեթոդ

  • Հեշտոցային հիստերէկտոմիա (արգանդազերծում) առանց հավելումների՝ սեռական օրգանների արտանկման (պրոլապսի) ժամանակ
  • Հեշտոցային հիստերէկտոմիա առանց հավելումների/հավելումներով՝ առանց սեռական օրգանների պրոլապսի
  • Արգանդի պարանոցի էլեկտրակոնիզացիա (կոնաձև հեռացում)՝ դրա հետագա հյուսվածաբանական հետզոտությամբ
  • Առաջնային և հետին կոլպոպերինեոռաֆիա (հեշտոցի և շեքի կարում) լևատորապլաստիկայով (հեշտոցի պատերի պլաստիկա)
  • Ազատ սինթետիկ օղակապի (հանգույց) (ТVТ, ТОТ) տեղադրում՝ կանանց մոտ անմիզապահության բուժման նպատակովՀայնեկեյրի Պրոլիֆտ Անտերիոր /Պոստերիոր/Տոտալ (առաջնային, հետին և ամբողջական) համակարգի տեղադրումՀեշտոցի և արտաքին սեռական օրգանների գոյացությունների վիրահատական բուժում
  • Հեշտոցի և արտաքին սեռական օրգանների գոյացությունների վիրահատական բուժումՀիմենոպլաստիկա (կուսաթաղանթի վերականգնում):
  • Հեշտոցի և արտաքին սեռական օրգանների բնածին արատների կապակցությամբ պլաստիկ-վերականգնողական վիրահատություններ,
  • Կոլպոպոեզ՝ հեշտոցային խողովակի ստեղծում  (բնածին արատի բացակայության դեպքում):

 

4. Լապարատոմիկ մեթոդ (որովայնահատում)

  • Ոչ լրիվ արգանդազերծում (սուբտոտալ հիստերէկտոմիա) հավելումներով/առանց հավելումների
  • Արգանդի բարձր ծայրատում (ամպուտացիա)՝ դաշտանային ֆունկցիայի պահպանմամբ
  • Որովայնային արգանդազերծում (աբդոմինալ հիստերէկտոմիա) հավելումներով/առանց հավելումների
  • Հավելումների վրա կատարվող վիրաբուժական միջամտություններ
  • Կոնսերվատիվ միոմէկտոմիա (միոմատոզ հանգույցի հեռացում արգանդի պահպանմամբ)

Հետվիրահատական շրջանում հիվանդները գտնվում են հարմարավետ հիվանդասենյակներում, խնամվում են գինեկոլոգիական բաժանմունքի բարձր պրոֆեսիոլանզմ ունեցող անձնակազմի կողմից: Վիրահատությունների  95 տոկոսը կատարվում են քիչ ինվազիվ եղանակներով, ինչը բերում է հիվանդների շուտափույթ ապաքինմանը։ Բոլոր այս վիրահատությունները ուղղված են հիվանդների կյանքի որակի բարձրացմանը։ Դուրս գրումից հետո կանայք հսկվում են ՄՄՊԳՀԿ-ի պոլիկլինիկական-խորհրդատվական բաժնում:


Բաժնի բժիշկներ

Արմեն Աշոտի Գասպարյան

մանկաբարձ-գինեկոլոգ

Արման Համլետի Կարապետյան

մանկաբարձ-գինեկոլոգ

Արմեն Ռաֆայելի Հարությունյան

մանկաբարձ-գինեկոլոգ

Գարիկ Արթուրի Մուրադյան

մանկաբարձ-գինեկոլոգ

Էմիլ Վարդանի Գևորգյան

մանկաբարձ-գինեկոլոգ

Կարեն Սմբատի Հակոբյան

մանկաբարձ-գինեկոլոգ

Վլադիմիր Հովհաննեսի Մաղալյան

մանկաբարձ-գինեկոլոգ

Քրիստինա Էդուարդի Աբրահամյան

մանկաբարձ-գինեկոլոգ

+374 10 53 13 42

Վերջին թարմացումներ

Կարդալ ավելին»
2020 Հուն 23, Երեքշաբթի | Լուրեր

Հղիության 38-րդ շաբաթ

Որքան արագ է թռչում ժամանակը: Թվում է, դեռ երեկ էր, երբ Դուք տեսաք թեստի 2 գծիկը, իսկ այժմ հղիությունն արդեն մոտենում է իր ավարտին:  38-րդ շաբաթում ապագա շատ մայրերի մոտ բացվում է երկրորդ շնչառությունը...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը