Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 35-րդ շաբաթ

Հղիության 35-րդ շաբաթ

2020 Ապր 13, Երկուշաբթի

Դուք վերջնագծի վրա եք: Այս շաբաթից սկսած գինեկոլոգին պետք է այցելել ամեն շաբաթ: Բժիշկը կճշտի, թե ինչպիսի հետազոտություններ են անհրաժեշտ հղիության վերջում: Հղիի փոխանակման քարտը Ձեր ձեռքին է, և արդեն որոշել եք, ինչպես հասնել ծննդատուն, գիտեք նաև ծննդաբերությանը վերաբերող ամեն բան՝ ծննդաբերության ժամանակ անեսթեզիայի տեսակները, անհրաժեշտ փաստաթղթերը և այլն: Շարունակեք յուրացնել ճիշտ շնչառության տեխնիկան, կատարեք վարժություններ, որոնք կթեթևացնեն ցավը` գոտկատեղում, հանգստացեք և շատ քնեք:

ՊՏՂԻ ԶԱՐԳԱՑՈՒՄԸ

Փոքրիկի երկարությունը մոտավորապես 46 սմ է, քաշը՝ 2,5 կգ: Յուրաքանչյուր շաբաթ նա քաշն ավելացնում է գրեթե 220 գ-ով: Բավականին ավելացել է նաև երեխայի ենթամաշկային ճարպաշերտը, Փոքր-ինչ սկսել է անհետանալ մարմինը պատող աղվամազը:

ՄՈՐ ՎԻՃԱԿԸ

Քաշի ավելացումն այս ժամկետում 9-13 կգ է: Այս շաբաթից սկսած, գինոկոլոգին պետք է հաճախել ամեն շաբաթ: Հնարավոր է, ի հայտ է եկել նոր խնդիր՝ անքնություն, որովհետև քնի համար հարմար դիրք գտնելը դառնում է ավելի ու ավելի դժվար, նույնիսկ հատուկ բարձիկներ օգտագործելու դեպքում: Բժիշկները խորհուրդ են տալիս քնելուց առաջ շատ հեղուկ չօգտագործել, ինչպես նաև, պառկելուց առաջ, կատարել կոնքով պտույտներ:

Եթե կինն այս շրջանում զգում է հաճախակի կծկումներ, ապա կամ նրա մոտ հեռանում են պտղաջրերը, կամ դա ազդանշան է վաղաժամ ծննդաբերության: 35 շաբաթում փոքրիկը համարվում է համարյա հասուն, բայց, այնուամենայնիվ, ծննդաբերությունը դեռ որոշ վտանգների հետ է կապված: Կանչն ընդունող շտապօգնության թիմը հավանական է, որ հղիին կտանի մոտակա մասնագիտացած ծննդատուն, որը վաղաժամ ծնունդներ է ընդունում:

Ի՞ՆՉ ԱՆԵԼ

Սկսել գինեկոլոգին հաճախել ամեն շաբաթ

Կանանց կոնսուլտացիայի հսկողության պլանի համաձայն, 35 շաբաթից սկսած այցերը պարտադիր են:

Ձեռք բերել փոքրիկների համար նախատեսված ավտոաթոռակ
Երեխային ծննդատնից տուն պետք է տանել մեքենայի մանկական աթոռակով, այլ ոչ թե հարազատների գրկում: Եթե նույնիսկ կարծում եք, որ վարորդը շատ զգույշ է վարում մեքենան, երբեք վստահ չեք կարող լինել այլ վարորդների վերաբերյալ: Սովորեք երեխայի առողջության և անվտանգության պատասխանատվությունը վերցնել Ձեզ վրա և մի տրվեք այլոց խորհրդին, ովքեր կարծում են, որ մոր ձեռքերում երեխան ավելի անվտանգ է, քան` աթոռակին:

Հավաքել ծննդատուն տանելու համար «շտապ ճամպրուկ»

Ճամպրուկում պետք է լինեն հետծննդյան շրջանի համար անհրաժեշտ միջադիրներ, հիգիենիկ պարագաներ` մոր և երեխայի համար, քսուկ` պտուկների համար (ճաքերի առաջացման դեպքում), մոր համար հագուստ և հողաթափեր, ձեռքի հեռախոսի լիցքավորման սարք:

+374 10 53 13 42

Վերջին թարմացումներ

Կարդալ ավելին»
2020 Հուն 03, Չորեքշաբթի | Լուրեր

Կանխարգելիչ միջոցառումները շարունակվում են

Մոր և մանկան առողջության պահպանման գիտահետազոտական կենտրոնը երկրում տիրող իրավիճակից ելնելով՝ շարունակում է իրականացնել անհրաժեշտ  հակահամաճարակաբանական պարտադիր միջոցառումները...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն