«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիության 36-րդ շաբաթ

Հղիության 36-րդ շաբաթ

2020 Մայ 04, Երկուշաբթի

Դուք արդեն հղիության 9-րդ ամսում եք, ամեն բան գիտեք էպիդուրալ անեսթեզիայի մասին, հավաքել եք «տագնապի» պայուսակը, սովորել եք ճիշտ շնչել, որոշել եք, թե ինչպես հասնել ծննդատուն, և արդեն ժամանակն է կազմել գործերի ցանկը, որոնք պետք է հասցնեք մինչև ծննդատուն գնալը: Օրինակ, գնել փոքրիկի օժիտը և սրճարանում հավաքվել ընկերուհիների հետ, կազմակերպել հղիության ֆոտոսեսիա և պեդիկյուր անել սալոնում: Հղիության ուշ շրջանում անքնությունը կնոջ օրգանիզմի յուրահատուկ պատրաստություն է երեխայի ծննդից հետո սպասվելիք գիշերային ռեժիմին, քանի որ նորածինը զբաղեցնելու է ամբողջ ազատ ժամանակը:

ԵՐԵԽԱՅԻ ԶԱՐԳԱՑՈՒՄԸ

Փոքրիկը կշռում է մոտավորապես 2,7 կգ, իսկ հասակը` 47 սմ է: Պետք է հիշել, որ բերված թվերը խիստ մոտավոր են, և փոքրիկը կարող է լինել ավելի խոշոր կամ ավելի փոքր՝ զարգացման նույն էտապում գտնվող մյուս երեխաներից:

ՄՈՐ ՎԻՃԱԿԸ

Որովայնն արդեն կարող է իջնել. դա նշանակում է, որ արգանդը տեղ է զբաղեցնում փոքր կոնքում և սկսում է պատրաստվել ծննդաբերության: Այդ դեպքում երեխայի ծննդին կարելի է սպասել արդեն 2-3 շաբաթից: Որովայնի իջեցումը կարող է բերել շատ ավելի հաճախակի միզարձակման:

Կարելի է սկսել (ինքնուրույն կամ ամուսնու օգնությամբ) շեքի մերսում: Նման մերսումը կարող է օգնել շեքի հյուսվածքներն ավելի առաձգական դարձնելուն, որը կկանխի պատռվածքները: Պետք է ցնցուղ ընդունել, պառկել մեջքին, միջնամատը և ցուցամատը մեկ ֆալանգով ներս տանելով զգուշորեն սկսել մերսել և ձգել շեքը: Մերսման ժամանակ կարելի է օգտագործել ցանկացած ստերիլ յուղ: Մերսման հակացուցումներ են հեշտոցի լորձաթաղանթի գրգռվածությունը կամ վագինալ կանդիդոզը: Իսկ ահա, պտուկների մերսումը` կերակրմանը նախապատրաստելու համար, պետք չէ, որովհետև մերսման ժամանակ արտադրվում է օքսիտոցին հորմոն, իսկ այն կարող է վաղաժամ ծննդաբերության պատճառ դառնալ:

Պետք է հիշել, որ վերջին եռամսյակն այն ժամանակն է, երբ ծննդաբերությունը կարող է սկսել ցանկացած պահի: Քաղաքից դուրս, կամ հյուր գնալիս պետք է հասկանալ, որ ամեն պահի կարող է ծննդատուն գնալու համար տրանսպորտի կարիք լինել: Վաղաժամ ծննդաբերության դեպքում անհրաժեշտ է ծննդատուն հասնել շատ կարճ ժամանակահատվածում: Բացի այդ, կարևոր է հիշել, որ անհրաժեշտ փաստաթղթերը միշտ պետք է Ձեզ մոտ լինեն:

Ի՞ՆՉ ԱՆԵԼ

Չպլանավորել տնից հեռու ճամփորդություն, և ամենուր գնալիս վերցնել ծննդաբերական վկայականը և փոխանակման քարտը
36 շաբաթից սկսած, երեխան կարող է ծնողներին ուրախացնել իր լույս աշխարհ գալով` ցանկացած պահի:

Սկսել շեքի մերսում` ծննդաբերությանը պատրաստվելու համար

Կեգելի վարժությունը և յուղով մերսումը հրաշալի միջոց են ծննդաբերության ժամանակ` շեքի պատռվածքների դեմ:

Եթե պլանավորված է պայմանագրային ծննդաբերություն, ապա պետք է արդեն կնքել այդ պայմանագիրը, ծանոթանալ բժշկի և մանկաբարձի հետ:

Այս դեպքում պետք չի լինի ամեն շաբաթ այցելել կանանց կոնսուլտացիա: Հղիությանը հետևելը պայմանագրային բժշկի պարտականությունն է, և նա կնշանակի մնացած շաբաթներին անհրաժեշտ բոլոր հետազոտությունները և ԿՏԳ:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը