Մոր և մանկան առողջության պահպանման գիտահետազոտական կենտրոն
Լուրեր | Կրելախախտ. հարցազրույց Մերի Թադևոսյանի հետ

Կրելախախտ. հարցազրույց Մերի Թադևոսյանի հետ

2020 Մար 11, Չորեքշաբթի

Կրելախախտերը լինում են սովորույթային, երբ այն կրկնվում է մի քանի անգամ և գրեթե հղիության նույն ժամկետներում: Հիմնականում հղիությունը նման դեպքերում կարող է ընդհատվել 12-20 շաբաթականում:

Որո՞նք են կրելախախտի պատճառները:

Կրելախախտի պատճառ կարող են լինել կնոջ մոտ առկա հորմոնալ խանգարումները, իմունոլոգիական հակամարտությունները, վարակները, կնոջ մոտ սեռական հասունացման խանգարումները, սեռական համակարգի գենետիկորեն պայմանավորված շեղումները և այլն: Կրելախախտին կարող են նպաստել սթրեսները:

Ո՞րն է կրելախախտի և վիժման տարբերությունը:

Վիժումները կարող են լինել անսպասելի, էպիզոդիկ, հանկարծակի, ինչ-որ պատճառներից և ընդամենը 1-2 անգամ, իսկ կրելախախտը սովորութային է՝ 3-4 անգամ և ավելի:
Կրելախախտի ժամանակ կնոջ մոտ, անկախ պատճառներից, հղիությունը մինչև վերջ պահպանելն անհնար է:
Վիժման վտանգները և վիժումները հիմնականում լինում են առաջին եռամսյակում՝ մինչև հղիության 12-րդ շաբաթը: Պատճառ կարող են լինել վարակները, անհամատեղելիությունը, տրոմբոֆիլիան և այլն:
Մինչև 20 շաբաթական հղիության ընդհատումը համարվում է վիժում, իսկ 22 շաբաթականն անց ընդհատումը, ըստ Միջազգային բժշկական ասոցիացիայի դասակարգման, համարվում է վաղաժամ ծննդաբերություն:

Ի՞նչ հետազոտություններ են իրականացվում:

Կատարվում է ուլտրաձայնային հետազոտություն, հսկվում է պտղի զարգացումը:
Հղիության ընդհատումների հաճախ հանդիպող պատճառ է, այսպես կոչված, պլացենտար ինֆարկտը, որում դերակատարում ունեն մակարդելության գործոններով պայմանավորված խնդիրները: Ուստի բոլոր հետազոտությունները, որոնք իրականացվում են հղիության ընդհատումների ժամանակ, նման են այն հետազոտություններին, որոնք կատարվում են միոկարդի ինֆարկտի ժամանակ:
Ախտանշան են ընդհանուր անհանգստությունը, պարբերական բնույթ կրող ցավերը, սեռական օրգաններից արտադրությունը, պտղի խաղի թուլացումը: Այս բոլորը կարող են արգանդի լարվածության նշան լինել, որի դեպքում հարկ է դիմել բժշկի, և 80 տոկոս դեպքերում հնարավոր կլինի կանխել կրելախախտը:

Ինպե՞ս է կազմակերպվում հսկողությունը:

Հղիի մոտ ուղեկցող հիվանդությունների առկայության դեպքում հսկողությունն իրականացվում է ոչ թե մեկ բժշկի կողմից, այլ դրսևորվում է թիմային մոտեցում: Կնոջ մոտ հղիությանն ուղեկցող առավել հաճախ հանդիպող հիվանդություններից են վահանաձև գեղձի ախտահարումները, շաքարային դիաբետը, սրտանոթային հիվանդությունները և այլն: Նման դեպքերում գինեկոլոգի հետ թիմային աշխատանքում ընդգրկվում են համապատասխան նեղ մասնագետները, վերոնշյալ դեպքերում` էնդոկրինոլոգը, սրտաբանը: Ի դեպ, մեր կլինիկան ունի շաքարային դիաբետով տառապող հղիների հսկողության կազմակերպման մեծ փորձ:

Ինչպե՞ս կանխարգելել կրելախախտը:

Կնոջ մոտ կրելախախտին նպաստող խնդիրների առկայության դեպքում անհրաժեշտ է կազմակերպել բուժում (հորմոնալ թերապիա և այլն), որպեսզի հղիությունը հնարավոր լինի հասցնել մինչև 10-15 շաբաթական և ներքին օղի վրա կար դրվի:
Կրելախախտին հակված կանանց հղիության ժամանակ հարկ է պահպանել ֆիզիկական պասիվ վիճակ` անգամ անկողնային ռեժիմ, պետք է հետևել աղիների ժամանակին գործելուն, վիտամիններ ընդունել և այլն: Կարևոր է նաև հղիի սոցիալական ապահովվածությունը, որ ընտանիքը ճիշտ վերաբերմունք ունենա նրա նկատմամբ, բարի մթնոլորտ տիրի ընտանիքում:
Հղին հաճախ պետք է այցելի բժշկին, որպեսզի վերահսկվի արգանդի վզիկի վիճակը, և երբ սկսի այն կարճանալ, ժամանակին դրվի ներքին օղի կարը:

28 շաբաթականն անց հղիների մոտ հարկ է միշտ պատրաստ լինել ծննդաբերության:

Ինչպե՞ս կազմակերպել կրելախախտի բուժումը:

Քանի որ կրելախախտի դեպքում կինը գրեթե չի զգում, որ իր մոտ վիժում է սկսում, կծկանքներն ու վզիկի բացվածքի առաջացումը կարող են անցավ լինել, հղին պետք է մշտապես հսկվի և 14-15 շաբաթականում կար դրվի ներքին օղի վրա: Այդ ժամկետին հասցնելը կարևոր է այն պատճառով, որ ներքին օղի ձևավորումն ավարտվում է հենց այդ ժամանակ: Լինում են դեպքեր, երբ ոչ մի կերպ չի հաջողվում կանխել կրելախախտը:

Մերի Սոսի  Թադևոսյան,
Մոր և մանկան առողջության պահպանման  գտահետազոտական կենտրոնի մանկաբարձ-գինեկոլոգ

+374 10 53 13 42

Վերջին թարմացումներ

Կարդալ ավելին»
2020 Հուլ 31, Ուրբաթ | Լուրեր

Հղիության թեստեր եղել են դեռևս Հին Եգիպտոսում, որոնք աշխատել են

Դեռևս 3500 տարի առաջ կանայք ցանկացել են իմանալ՝ հղի են, թե` ոչ։ Համաձայն պապիրուսի վրայի գրությունների, որոնք կազմվել են մ.թ.ա 1400 թվականին, հղիության թեստեր եղել են նաև Հին Եգիպտոսում։ Կանայք դրա համար օգտագործել են...

Կարդալ ավելին»
Կարդալ ավելին»
2020 Հուլ 20, Երկուշաբթի | Պացիենտների համար

Ի՞նչն է հղիների համային տարօրինակությունների պատճառը

Համարյա բոլոր կանայք հղիության ընթացքում գոնե մեկ անգամ ունենում են ինչ-որ անսովոր բան ուտելու ուժեղ ցանկություն: Դա լինում է առաջին և երրորդ եռամսյակներում, երբ արյան մեջ հորմոնների քանակը բավականին բարձր է...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը