COVID-19-ի առավել տարածված ախտանիշներն են՝

• տենդ
• չոր հազ
• հոգնածության զգացում:

Մի շարք հիվանդների մոտ հանդիպող ավելի քիչ տարածված ախտանիշներից են՝

• համի կամ հոտի զգացողության բացակայություն
• քթի փակվածության զգացում
• կոնյուկտիվիտ
• ցավ կոկորդում
• գլխացավ
• մկանային ցավեր կամ հոդացավեր
• մաշկի տարատեսակ ցանավորում
• սրտխառնոց կամ փսխում
• լուծ
• սարսուռ կամ գլխապտույտ:

Որպես կանոն ախտանիշները թույլ արտահայտված բնույթ են կրում: Որոշ մարդկանց մոտ վարակը դրսևորվում է քողարկված ախտանիշներով կամ վերջիններս ընդհանրապես բացակայում են:

COVID‑19-ի ծանր ընթացքը դրսևորվում է հետևյալ ախտանիշներով՝

• հևոց
• ախորժակի կորուստ
• գիտակցության մթագնում
• կրծքավանդակում համառ ցավեր կամ սեղմոցի զգացում
• մարմնի բարձր ջերմություն  (38°C-ից բարձր):

Ավելի քիչ տարածված ախտանիշների թվին են պատկանում՝

• դյուրագրգռությունը
• գիտակցության մթագնումը
• գիտակցական մակարդակի նվազումը (երբեմն ուղեկցվում է ցնցումներով)
• տագնապի զգացումը
• ընկճվածությունը
• քնի խանգարումը
• ավելի ծանր և հազվադեպ նյարդաբանական բարդությունները, ինչպիսիք են կաթվածը, ուղեղի բորբոքային ախտահարումը, դելիրիումը և նյարդերի ախտահարումը:

Ցանկացած տարիքի մարդիկ, ովքեր տենդի և/կամ հազի հետ նկատում են շնչառության դժվարացում կամ հևոց, կրծքավանդակում ցավ կամ սեղմոցի զգացում, խոսքի կամ շարժողական խանգարումներ, պետք է անմիջապես դիմեն բժշկական օգնության: Համապատասխան հաստատություն ուղեգրվելու համար առաջին հերթին պետք է կապնվել առողջապահական ծառայությունների մատակարարի հետ, դիմել  «թեժ գիծ» կամ զանգել բժշկական կազմակերպություն: