«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Լուրեր | Ցավազրկումը ծննդաբերության ժամանակ. հարցազրույց Կարեն Չիլինգարյանի հետ

Ցավազրկումը ծննդաբերության ժամանակ. հարցազրույց Կարեն Չիլինգարյանի հետ

2020 Հուլ 28, Երեքշաբթի

  • Դեղորայքային, ոչ դեղորայքային և ինհալացիոն անզգայացում

    Դեղորայքային, ինհալացիոն ցավազրկման մեթոդներն իրենց դարն արդեն ապրել են: Ամբողջ աշխարհում և մեզ մոտ հինականում էպիդուրալ անզգայացումն է ընդունված:
  • Անզգայացման ո՞ր տեսակներն են թույլատրելի ծննդաբերության ժամանակ

    Հղիության ժամանակ անզգայացումը  և՛ կեսարյան հատման ժամանակ,  և՛ բնական ծննդաբերության ժամանակ իրականացվում է էպիդուրալ ցավազրկման ձևով:
    Իհարկե, ընտրությունը ծննդկանինն է, սակայն բացատրություններից հետո նրանք միշտ էլ համաձայնվում են:

  • Անզգայացումը ծննդաբերության և հղիության ժամանակ որքանո՞վ է տարբերվում սովորական վիրահատական անզգայացումներից

    Տարբերությունն այն է, որ ծննդաբերության ժամանակ մոտ 95 տոկոս  դեպքերում անզգայացումն իրականացվում է լոգոմեդիոնալ /ողնուղեղային/  ցավազրկումով,  որի ժամանակ կիրառվում է միջամտության կամ սպինալ, կամ էպիդուրալ միջամտությունը:
    Դա իհարկե արվում է նաև մյուս վիրահատությունների ժամանակ, սակայն, քանի որ ծննդաբերության ժամանակ գործ ունենք և կնոջ, և ապագա  երեխայի հետ, դա ունի իր առանձնահատկությունները:  Այս դեպքերում դեղորայքն օգտագործվում է այն չափաբաժիններով, որոնք  նվազագույն ազդեցություն կունենան պտղի վրա:

  • Լինո՞ւմ են դեպքեր, երբ դեղաչափի նախնական դոզան և ազդեցության տևողությունը բավարար չի լինում

    Բացառություններ լինում են այն ժամանակ, երբ կեսարյան հատումը կատսրվում է հրատապ ցուցումներով, երբ կա էկլամպսիա կոչվող ծանր պաթոլոգիա, այսպես ասած,  հղիների բարձր զարկերակային ճնշումը: Նման վիճակներից են նաև մանկաբարձական արյունահոսությունները: Այս վիճակների ժամանակ արվում է ընդհանուր ցավազրկում՝ ելնելով ապագա մոր շահերից՝ կյանքի ցուցումով:

  • Էպիդուրալ անզգայացում՝ դրական և բացասական կողմերը:

    Էպիդուրալի դրական կողմն այն է, որ, ինչպես արդեն նշվեց,  օգտագործվող դեղորայքն աննշան ազդեցություն ունի պտղի վրա: Այդ անզգայացումը թույլ է տալիս անցավ ցավազրկել, առավելագույն հարմարավետություն է ապահովվում մոր և փոքրիկի համար: Որևէ բացասական ազդեցություն չի ունենում նորածնի օրգանիզմի վրա:
    Կինն էլ է այն շատ լավ տանում և՛ ազդեցության առումով, և՛ ընդհանրապես ընթացքի: Նա ակտիվ է, բայց ցավ չի զգում: Փոխարենը զգում է ճիգերը, մասնակցում է իր ծննդաբերական պրոցեսին, լսում է իր երեխայի առաջին ճիչը, երեխային դնում ենք կրծքին, վայելում է այդ երանելի, անմոռաց պահը:
     
  • Բացարձակ և հարաբերական հակացուցումները

    Էպիդուրալ անզգայացման ժամանակ բացարձակ հակացուցում է  հանդիսանում օգտագործվող դեղորայքի նկատմամբ ալերգիան: Եվ այդ պատճառով, մինչև գործողությունը, ծննդկանից մանրամասն անամնեզ է հավաքվում: Լինում են նաև դեպքեր, երբ կնոջ անատոմիական կառուցվածքը տեխնիկապես թույլ չի տալիս միջամտությունն իրականացնել: Եվ մինչ միջամտությունը հետազոտությամբ պարզում ենք՝ հնարավո՞ր է այն իրականացնել, թե՝ ոչ:  Նման դեպքերում արդեն դիմում ենք անզգայացման այլ տեսակների:Հարաբերական հակացուցումներից են կնոջ երկմտանքը, կամ եթե հղիության ընթացքում ճնշման տատանումներ է ունեցել:

  • Անզգայացման վտանգները, բարդությունները մոր և պտղի համար

    Էպիդուրալ անզգայացումը բացարձակապես անվնաս է պտղի համար, որովհետև մոր ցավերը հանելով, հանում ենք նաև ծննդաբերական ցավերի հետ կապված էմոցիոնալ ֆոնը: Այդ պատճառով ծննդաբերությունն ընթանում է հարմարավետ և փոքրիկի վրա բարենպաստ է ազդում:
    Թեթև բարդություններ երբեմն լինում են կանանց մոտ: Հիմնականում 10-15 տոկոս դեպքերում կանայք գանգատվում են մեջքի ցավից, մոտ 5 տոկոսն էլ՝  գլխացավից, բայց դա շտկվում է  առավելագույնը 1 շաբաթվա ընթացքում:

  • Ինչպե՞ս խուսափել ոչ էպիդուրալ անզգայացման հետագա ազդեցություններից

    Եթե այլ անզգայացում է արվում, վտանգները շտկվում են ծննդաբերությունից հետո: Մեզ մոտ թիմային աշխատանք է, զգուշացնում ենք մանկաբույժներին, որ պատրաստ լինեն, քանի որ երեխայի մոտ կարող են լինել այս կամ այն խնդիրները: Դրանք հիմնականում արագ  շտկվող խնդիրներ են:
     
  • Ի՞նչ հետազոտություններ են անհրաժեշտ մինչև անզգայացումը

    Արվում է հետազոտությունների լրիվ  ցանկը ողջ հղիության ընթացքում, իսկ անզգայացումից առաջ կրկնվում են անալիզները, անհրաժեշտ նեղ մասնագետների խորհրդատվությունները և այլն:
     
  • Եթե հաճախակի ծննդաբերություններ է ունենում կինը, ինչպիսի մոտեցում կա անզգայացման հարցում

    Հաճախակի ծննդաբերությունների ժամանակ էլ միշտ կարելի է էպիդուրալ անզգայացումը կատարել:
  • Անզգայացումը ծննդաբերությանը զուգահեռ առողջական  խնդիրների, շաքարախտի, սրտի հիվանդությունների ժամանակ

    Եթե հղիի մոտ առկա են շաքարախտ, սիրտ-անոթային հիվանդություն կամ այլ խնդիրներ, դա արդեն ցուցում է էպիդուրալ անզգայացման: Ինքնուրույն ծննդաբերությունը այդ դեպքերում ցանկալի չէ, որովհետև ցավային ֆոնը բարդացնում է սիրտ-անոթային ախտանիշները և բացասաբար է ազդում նաև առկա մյուս հիվանդությունների դեպքում: Ցավային ֆոնը հանելիս՝ հղիի մոտ հեմոդինամիկ տատանումներ չեն դիտվում:
    Եվ նման խնդիրների ժամանակ կատարվող հրատապ վիրահատական միջամտության դեպքում միշտ առաջնահերթությունը տրվում է  կնոջ առողջությանը:  Անզգայացումն արվում է կնոջ համար առավելագույն  արդյունավետությամբ, դեղորայքային անհրաժեշտ աջակցությամբ, որովհետև կնոջ առողջությունն ու կյանքը առաջնային են: Դա շատ նուրբ հարց է և, փառք Աստծո, շատ քիչ հանդիպող:
     
  • Անէսթեզիան և վաղաժամ ծննդաբերությունը

    Վաղաժամ ծննդաբերության դեպքում ավելի ցանկալի է սպինալ անզգայացմամբ կեսարյան հատում անել, որովհետև պտուղը դեռևս լրիվ հասուն չէ և կարող է ավելի հեշտ տուժել:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը