«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Լուրեր | Հիստերոսկոպիա. հարցազրույց Արմեն Գասպարյանի հետ

Հիստերոսկոպիա. հարցազրույց Արմեն Գասպարյանի հետ

2021 Հուն 11, Երկուշաբթի

Ի՞նչ է հիստերոսկոպիան:
Հիստերոսկոպիան վիրահատական միջամտություն է, որը թույլ է տալիս զննել արգանդի խոռոչը, իսկ որոշ դեպքերում կատարել նաև բուժական միջամտություն հատուկ սարքի՝ հիստերոսկոպի օգնությամբ: Գինեկոլոգիայում հիստերոսկոպիան կարևոր հետազոտություն է:
Մոր և մանկան առողջության պահպանման գիտահետազոտկան կենտրոնում էնդոսկոպիան առաջին անգամ կիրառվել է 1980-ականների սկզբին:

Ի՞նչ է հիստերոսկոպը:
Հիստերոսկոպն տեսա-խոշորացույց է, որի օգնությամբ հնարավոր է մուտք գործել արգանդի խոռոչ և տեսնել նրա վիճակը: Հիստերոսկոպի տեսա-խոշորացույցը տարբեր չափերի է՝ սկսած 2-3 մմ-ից:

Ախտորոշիչ հիստերոսկոպները շատ բարակ են և կոչվում են օֆիսային, որովհետև վերջիներիս կիրառմամբ միջամտությունը կարելի է կատարել ամբուլատոր պայմաններում: Նրանց տրամագիծը կարող է կազմել մինչև 2-4 մմ:

Բուժական միջամտության համար նախատեսված հիստերոսկոպներն ավելի լայն տրամաչափի են, քանի որ վիրահատական միջամտության համար օգտագործվում են նաև այլ գործիքներ:

Ինչպե՞ս նախապատրաստվել հետազոտությանը:

Հատուկ նախապատրաստման կարիք չկա: Պարզապես և՛ ախտորոշիչ, և՛ բուժական հիստերոսկոպիայի դեպքում, կախված միջամտության ծավալից, կատարվում են համապատասխան հետազոտություններ: Դրանք այն բոլոր հետազոտություններն են, որոնք իրականացվում են ցանկացած վիրահատության ժամանակ:

Ինչպե՞ս է իրականացվում հիստերոսկոպիան:
Ախտորոշիչ միջամտությունը կարելի է կատարել առանց ցավազրկման, իսկ վիրահատական միջամտության ժամանակ՝ կախված վիրահատության ծավալից, տևողությունից, կատարվում է տեղային կամ ընդհանուր անզգայացում: Շատ կարևոր է այն իրականացնել՝ ելնելով դաշտանային ցիկլի շրջանից և առկա ախտաբանությունից: Միջամտությունը, մեծավ մասամբ, կատարվում է դաշտանի առաջին կեսին:

Ո՞ր դեպքերում է ցուցված հիստերոսկոպիան:
Հիստերոսկոպիան ցուցված է անպտղության, դիսֆունկցիոնալ արգանդային արյունահոսությունների ժամանակ, դաշտանային ցիկլի խանգարումների դեպքում, արգանդի խոռոչի ախտաբանությունների, ներարգանդային կպումների ժամանակ: Սուբմիկոզ միոմաների, պոլիպների դեպքում հիստերոսկոպիկ վիրահատության միջոցով կատարվում է կպումների անջատում` արգանդի խոռոչի ձևավորում, միոմաների, պոլիպների հեռացում, զարգացման արատների շտկում,  լորձաթաղանթի հիպերպլազիաների դեպքում`աբլացիա կամ էնդրոմետրէկտոմիա` լորձաթաղանթի հետագա արյունահոսությունից խուսափելու համար:

Հիստերոսկոպիան կիրառվում է նաև արտամարմնային բեղմնավորման ժամանակ. Նախքան սաղմերի տեղադրումը, հիստերոսկոպով անպայման իրականացվում է արգանդի խոռոչի զննում և, միայն խնդիրների բացակայության դեպքում, կատարվում է սաղմի տեղադրում:

Ի՞նչ բարդություններով է հղի հիստերոսկոպիան:
Հիստերոսկոպիան նվազ ինվազիվ և անվտանգ միջամտություն է, սակայն, ինչպես բոլոր միջամտությունների, այնպես էլ տվյալ միջամտության ժամանակ, կարող են բարդություններ առաջանալ:

Որքանո՞վ է Ճշգրիտ հիստերոսկոպիան:
Հետազոտման ճշգրտությունը բավականին բարձր է:


Ի՞նչ հակացուցումներ ունի միջամտությունը:
Հակացուցում է հղիությունը:

 

+374 10 53 06 41

Վերջին թարմացումներ

Կարդալ ավելին»
2025 Ապր 22, Երեքշաբթի | Լուրեր

Վերապատրաստում բուժքույրերի և մանկաբարձուհիների համար․ օրակարգում` բուժառուի և հարազատների հետ շփման էթիկան

Մարգարյան ծննդատանը կայացավ բուժքույրերի և մանկաբարձուհիների համար նախատեսված վերապատրաստման սեմինարի երրորդ հանդիպումը, որը նվիրված էր բուժառուի, նրա հարազատների և միջին բուժանձնակազմի միջև արդյունավետ փոխհարաբերությունների կառուցման սկզբունքներին...

Կարդալ ավելին»
Կարդալ ավելին»
2024 Նոյ 22, Ուրբաթ | Պացիենտների համար

ՈՒՁՀ հղիության ընթացքում. առավել հաճախ տրվող հարցեր

Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը