Մոր և մանկան առողջության պահպանման գիտահետազոտական կենտրոն
Լուրեր | Դոպլերոգրաֆիան հղիության ընթացքում. Վարդուհի Հովհաննիսյան

Դոպլերոգրաֆիան հղիության ընթացքում. Վարդուհի Հովհաննիսյան

2021 Հուն 14, Երկուշաբթի

Դոպլերոգրաֆիկ հետազոտության նպատակը և կարևորությունը

Հղիության ժամանակ դոպլերոգրաֆիան հետազոտում է արյան հոսքը 3 մակարդակներով.

1. պտուղ-մայր մակարդակ՝ երկու արգանդային զարկերակներ (աջ և ձախ),
2. պորտալարի անոթային հոսքի մակարդակ
3. պտղի գլխուղեղի միջին ուղեղային զարկերակի մակարդակ:

Դոպլերոգրաֆիկ հետազոտությամբ հնարավոր է պարզել պտղին հասնող արյան հոսքի վիճակը և, ուրեմն, թթվածնի բավարար լինելը:

Դոպլերոգրաֆիան իրականացվում է սոնոգրաֆիայի սարքով` այլ ռեժիմով և միանգամայն անվնաս է:

Դոպլերոգրաֆիայի իրականացման ցուցումները հղիության ժամանակ

Նորմալ ընթացող հղիության դեպքում դոպլերոգրաֆիան ցուցված չէ:

Դոպյերոգրաֆիկ հետազոտությունը կատարվում է հետևյալ դեպքերում.

  • եթե կնոջ տարիքը բարձր է,
  • բազմապտուղ հղիություն,
  • ըստ հեստացիայի՝ ժամկետի, սետոմետրիկ տվյալների անհամապատասխանություն,
  • պտղի ավելի փոքր չափեր,
  • գերջրություն,
  • հղիի մոտ հիպերտենզիա,
  • պրեէկլամպսիա,
  • արատներ:

Հատկապես ո՞ր ժամկետներում է կատարվում դոպլերոգրաֆիան

Դոպլերոգրաֆիան իրականացվում է 22 շաբաթականից սկսած, երբ ընկերքը վերջնականապես զարգացած է: Սակայն, եթե որևէ ցուցումով այն պետք է կատարել ավելի վաղ՝ 18-20 շաբաթականում, ապա հաջորդն իրականացվում է 25-26 շաբաթականում:
Վերոնշյալ որևէ մակարդակում խնդիր հայտնաբերելու դեպքում հղին պետք է հսկվի բժշկի կողմից, իսկ դոպլերոգրաֆիան հարկ է կրկել երկու-երեք շաբաթը մեկ անգամ:

Տարածված կարծիք կա, որ դոպլեր հետազոտությամբ երեխայի սեռն ավելի ճիշտ կարելի է հասկանալ

Այո, հասարակության մեջ տարածված կարծիք կա, որ դոպլերոգրաֆիայի օգնությամբ երեխայի սեռը, օրգանները, դեմքն ավելի հստակ են երևում: Դա սխալ կարծիք է: Դոպլերոգրաֆիայի օգնությամբ հետազոտվում են միայն անոթները, արյան հոսքը, և ո՛չ սեռը, ո՛չ օրգանները հստակ չեն երևում: Այդ ամենը հնարավոր է լավ տեսնել ուլտրաձայնային հետազոտությամբ:

Հնարավո՞ր է միաժամանակ երկու հետազոտություն կատարել՝ դոպլեր և ուլտրաձայնային:
Եթե անհրաժեշտ է, միաժամանակ կարող են իրականացվել և՛ ուլտրաձայնային, և՛ դոպլերոգրաֆիկ հետազոտություն: Նախապատրաստում չի պահանջվում:

Անհրաժե՞շտ  է կատարել դոպլերոգրաֆիա անմիջապես ծննդաբերությունից առաջ:

Ծննդաբերությունից առաջ դոպյերոգրաֆիա կամ սոնոգրաֆիա կարելի է, եթե գինեկոլոգը պտղի դիրքը, պորտալարի փաթաթման առկայությունը և այլ խնդիրներ պարզելու կարիք ունի: Հինականում դրանց կարիքը չի զգացվում:

 

+374 10 53 06 41

Վերջին թարմացումներ

Կարդալ ավելին»
2024 Մար 13, Չորեքշաբթի | Լուրեր

Կայացավ «Սուր փուլի պատասխան» թեմայով դասախոսությունը

Մարտի 5-ին Մոր և մանկան առողջության պահպանման ԳՀԿ-ում (ՄՄԱՊԳՀԿ) տեղի ունեցավ «Սուր փուլի պատասխան» թեմայով դասախոսությունը, որի շրջանակում ելույթով հանդես եկավ Երևանի Մ․ Հերացու անվան պետական բժշկական համալսարանի...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Փետ 16, Ուրբաթ | Մասնագետների համար

Կլինիկական դեպք․ արգանդի սպիի շրջանում հայտնաբերված հեմատոմայի հեռացում

Բուժառու Ս.Ս., 30 տարեկան, ՄՄԱՊԳՀԿ է դիմել՝ գանգատվելով 1,5-2 ամիս սեռական ուղիներից չդադարող...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը