«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Բազմապտուղ հղիություն

Բազմապտուղ հղիություն

2021 Հուն 23, Չորեքշաբթի

Կինը լիարժեք կամ նվազագույն բարդություններով հղիություն կարող է կրել մեկ պտղի դեպքում: Այդ պատճառով զույգերով հղիությունը համարվում է ոչ նորմալ:

Պատճառները

Առայսօր բազմապտղության կոնկրետ պատճառներ պարզված չեն: Միաբջիջ զույգերը զարգանում են մեկ բեղմնավորված ձվաբջջից, սակայն դրա պատճառն անհայտ է: Իսկ ոչ միաբջջայինները`  2 տարբեր, մի քանի օր տարբերությամբ բեղմնավորված ձվաբջիջներից են զարգանում, այդ պատճառով միմյանցից տարբեր են և կարող են տարբեր սեռ ունենալ:

Վերջին ժամանակաշրջանում ավելացել են բազմապտուղ հղիությունները, և դրա պատճառներն են.

•    ժառանգականությունը, որը հիմնականում փոխանցվում է մայրական կողմից, իսկ հայրը փոխանցում է դուստրերին,
•    հակաբեղմնավորիչների երկարաժամկետ օգտագործման դադարեցումը. օրգանիզմը կարծես փորձում է կոմպենսացնել իր հարկադրական «պարապուրդը»,
•     կլիմաքսից առաջ կնոջ մոտ հորմոնների գործունեության ուժեղացումը,
•    անպտղության բուժման համար ձվարանների գործունեության դրդումը,
•    ԱՄԲ, երբ մի քանի ձվաբջիջ է ներդրվում կնոջ արգանդում,
•    կարճ դաշտանային ցիկլը՝ 20-21 օր. առկա է օրինաչափություն այդպիսի կանանց և բազմապտղության միջև:

Բազմապտուղ հղիության նշանները

Պտուղների քանակը հայտբնաբերվում է 10 շաբաթականից, երբ հնարավոր է լավ լսել սրտի զարկերը:

Իսկ մինչև այդ միայն հնարավոր է ենթադրել ինչ-որ նշաններով.

•    շատ վաղ են սկսում տոքսիկոզի երևույթները, ընթանում են ծանր, արտահայտվում է ուժեղ թուլություն,
•    հղիության թեստի գծիկները հայտնվում են ժամկետից շուտ և ցայտուն են. պատճառը խորիոնային հոնադոտրոպինի կրկնապատկված աշխատանքն է,
•    որովայնը ստկսում է մեծանալ արդեն առաջին շաբաթներից և արագորեն մեծ չափեր է ընդունում:

Ուլտրաձայնային հետազոտությունը (ՈՒՁՀ) վաղ շրջանում չի կարող հստակ ցույց տալ պտուղների թիվը. պետք է համբերել մինչև 10 շաբաթականը, և նոր միայն հետազոտության արդյունքը վստահելի կլինի:

Հղիության զարգացումը զույգերի դեպքում

ՈՒՁ հետազոտությամբ կարևոր է պարզել ընկերքների քանակը:  Եթե յուրաքանչյուր պտուղ ունի իր ընկերքը, ստանում է լիարժեք սնունդ և թթվածին՝ հղիությունն ընթանում է նվազագույն խնդիրներով: Մեկ ընդհանուր ընկերքի դեպքում պտուղների զարգացումն անհամաչափ է ընթանում: Հաճախ նրանցից մեկն անբավարար սնունդ է ստանում և ունենում է թթվածքնային քաղց: Այդ փոքրիկը ծնվում է թույլ և փոքր քաշով:

Մեկ պլացենտայի դեպքում ծննդաբերության ժամանակ այդ պտուղը կարող է մահանալ` սուր հիպօքսիայի պատճառով: Նման դեպքերում պետք է իրականացնել կեսարյան հատում:

Զույգերի դեպքում հղիի օրգանիզմի ծանրաբեռնվածությունը շատ մեծ է. երկրորդ եռամսյակում արյան ծավալը մեծանում է կրկնակի, որը կարող է երկաթդեֆիցիտային սակավարյունության պատճառ դառնալ:

Արգանդի շատ մեծ չափերը բերում են դիաֆրագմայի շեղման, դժվարանում է թոքերի և սրտի աշխատանքը, հղիի մոտ առաջանում է երիկամների վարիկոզ. հղին շուտ է հոգնում, քայլել անգամ դժվարանում է:

Երրորդ եռամսյակում, արգանդի խիստ ձգվածության հետևանքով, ի հայտ է գալիս վաղաժամ ծննդաբերության վտանգ:

Եթե արգանդի վրա առկա է սպի, 30 շաբաթականում արդեն բժիշկները արհեստականորեն ծննդաբերություն են դրդում՝ խուսափելու արգանդի պատռումից և այլ բարդություններից:

Միզապարկի վրա արգանդի ճնշման արդյունքում կարող է խանգարվել միզարձակումը, որը միզուղիների վարակների պատճառ կարող է լինել:

Բազմապտուղ հղիությունների ժամանակ 5-6 անգամ ավելի հաճախ է զարգանում պրեէկլամպսիա:  Միաժամանակ, շատ հղիներ թեթև են տանում և չեն զգում որևէ տարբերություն մեկ և զույգ պտուղներով հղիությունների միջև:

Ծննդաբերությունը

60 տոկոս դեպքում բազմապտուղ հղիությունն ավարտվում է վաղաժամ ծննդաբերությամբ: 35 շաբաթական հղիությունից սկսած կինը պետք է պատրաստ լինի դրան: Բժիշկները 2-3 շաբաթ ավելի շուտ հղիին ուղղորդում են ստացիոնար՝ մասնագետների հսկողության տակ գտնվելու համար:

Զույգերով հղիությունը կեսարյան հատման պարտադիր ցուցում չէ, որովհետև, բարենպաստ պայմանների դեպքում, կինը կարող է ինքնուրույն ծննդաբերել:

Նման ծննդաբերության վարումը պետք է շատ ուշադիր իրականացնել, քանի որ առկա է հետևյալ խնդիրների վտանգը.

•    պորտալարի արտանկում և սեղմում,
•    պտղի թաթիկի և տոտիկի դուրս գալը` ծննդաբերական ուղիներից,
•    երկրորդ պտղի հիպօքսիա՝ ընդհանուր ընկերքի դեպքում,
•    ծննդաբերական գործընթացի թուլություն՝ արգանդի մկանների ձգվածության հետևանքով, որը երկու պտղի մոտ կարող է հանգեցնել հիպօքսիայի զարգացման:

Բոլոր դեպքերում, պահանջվում են անհատական մոտեցումներ, շտապ կողմնորոշում և վճիռներ:

Կեսարյան հատում կատարվում է այն դեպքերում, երբ ծննդաբերությունը կարող է ընթանալ բարդություններով:

Կեսարյան հատման ցուցումներն են.

•    հղիի քրոնիկ հիվանդությունները,
•    էկլամպսիան (հեստոզը),
•    պտուղների մեծ չափերը,
•    պտղաջրերի մեծ քանակը,
•    հիպօքսիան,
•    առաջին պտղի միջաձիգ կամ հետույքային դիրքը,
•    արգանդի վրա առկա վիրահատական սպին,
•    պլացենտայի առաջադրությունը կամ ցածր դիրքը:

Նորածինները կարող են ծնվել փոքր քաշով, սակայն նրանց մոտ բարձր են հարմարողականության հնարավորությունները և շատ արագ վերականգնում են իրենց քաշերը:

+374 10 53 06 41

Վերջին թարմացումներ

Կարդալ ավելին»
2025 Հուլ 12, Շաբաթ | Լուրեր

Արգանդափողերի կպումներ. լապարոսկոպիան՝ լավագույն լուծում. հարցազրույց Լիլիթ Սարգսյանի հետ

Կնոջ օրգանիզմում բազմաթիվ պրոցեսներ են տեղի ունենում, որոնք հանգեցնում են հիվանդությունների զարգացման՝ իրենց տարատեսակ հետևանքներով......

Կարդալ ավելին»
Կարդալ ավելին»
2024 Նոյ 22, Ուրբաթ | Պացիենտների համար

ՈՒՁՀ հղիության ընթացքում. առավել հաճախ տրվող հարցեր

Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը