«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Տերատոզոոսպերմիայի ախտորոշումը

Տերատոզոոսպերմիայի ախտորոշումը

2021 Սեպ 17, Ուրբաթ

Տերատոզոոսպերմիան սպերմատոզոիդների ձևի փոփոխությունն է, որը հայտնաբերվում է սերմնահեղուկի հետազոտության ժամանակ: Այն հաճախ զուգակցվում է այլ անբարենպաստ համախտանիշների հետ և կարող է անպտղության պատճառ դառնալ:

Ախտորոշումը

Ախտորոշումն սկսվում է սպերմագրամայից:  Դա սերմնահեղուկի հետազոտությունն է, որի օգնությամբ հնարավոր է պարզել վերարտադրողական առողջությունը: Որպեսզի արդյունքները ճշգրիտ ստացվեն, անհրաժեշտ է 4-5 օր բացառել սեռական կյանքը, չօգտագործել ալկոհոլ և չհաճախել սաունա:

Սպերմատոզոիդների ձևը որոշելու համար պատրաստվում է քսուք, նեկվում և ուսումնասիրվում մանրադիտակով: Սպերմատոզոիդը կազմված է գլխիկից, միջին հատվածից և պոչից: Գլխիկում տեղակայված է ակրոսոմա, որը պարունակում է ձվաբջջի թաղանթը լուծող ֆերմենտ:

Նորմայում սպերմատոզոիդի գլխիկը ձվաձև է՝ 5-6 մկմ երկարությամբ և 2,5-3,5 մկմ լայնությամբ: Նրա ակրոսոման պետք է ունենա համաչափ եզրեր և ծածկի գլխիկի 2/3-ը:  Պոչի երկարությունը մոտավորապես 50 մկմ է: Այս ցուցիչներից ցանկացած շեղում գնահատվում է որպես ախտաբանություն:

  • Գլխիկի դեֆեկտներ. գլխիկը կարող է լինել մեծ կամ փոքր, կոնաձև, տանձաձև, կլոր, անձև, երկատված:
  • Պարանոցի և միջին հատվածի դեֆեկտներ. դա միջին մասի ոչ համաչափ ամրացումն է գլխիկին, ինչպես նաև սպերմատոզոիդի հաստ կամ ոչ ճիշտ ձևերով, ծայրահեղ ծռված պարանոցը:
  • Պոչի դեֆեկտներ. պոչը կարող է լինել կարճ, մեկից ավելի, կոտրված, ծռված՝ արտահայտված անկյունով կամ փաթաթված:

Հետազոտության արդյունքը գնահատելիս, բժիշկը հաշվի է առնում նաև սպերմատոզոիդների քանակը, շարժունակությունը, փորձանյութի տվյալները՝ ծավալ, pH, մածուցիկություն, լորձի և այլ բջիջների առկայություն:

Տերատոզոոսպերմիան հաճախ զուգակցվում է սպերմատոզոիդների շարժունակության և քանակի իջեցման հետ:

Պատճառները

Տերատոզոոսպերմիան կարող է ի հայտ գալ տղամարդու մոտ, որը բուժվում էԿրոնի կամ ոչ սպեցիֆիկ խոցային կոլիտ հիվանդությունների դեմ: Բուժվող ռիսկի խմբում են նաև ցելիակիայով հիվանդները (անընկալություն ձավարեղենային սպիտակուցի նկատմամբ):

Նպաստող գործոններն են՝ ծխելը, նստակյաց կյանքը, ոչ առողջ և անկանոն սնունդը, սեռական վարակները:

Լրացուցիչ հետազոտություններ և բուժում

Սպերմագրամայի արդյունքներից կախված, կարող են նշանակվել լրացուցիչ հետազոտություններ՝ սեռավարակների հետազոտություն, շագանակագեղձի ուլտրաձայնային հետազոտություն: Կարող է նշանակվել գենետիկ քննություն: Օրինակ, եթե կասկածվում է գլոբոզոոսպերմիա. հիվանդություն, որի ժամանակ սպերմատոզոիդների մի մասը կամ բոլորը գնդաձև գլխիկներով են, իսկ ակրոսոմները դեֆորմացված են կամ բացակայում են: Իսկ առանց ակրոսոմի սպերմատոզոիդը չի կարող թափանցել ձվաբջիջ և բեղմնավորել այն: Այս դեպքում հաճախ անհրաժեշտ են լինում լրացուցիչ վերարտադրողական տեխնոլոգիաներ:

Բուժումը  

Որոշ դեպքերում պատճառն անհայտ է մնում, և բժիշկը նշանակում է սերմնահեղուկի որակը լավացնող ընդհանուր միջոցներ:

Բուժման համար կարևոր է ո՛չ միայն նշանակված դեղորայքը, այլ նաև կյանքի որակի փոփոխությունը՝ բացառել ծխելը, ավելորդ քաշը, սնվել ճիշտ:


+374 10 53 06 41

Վերջին թարմացումներ

Կարդալ ավելին»
2025 Հուլ 12, Շաբաթ | Լուրեր

Արգանդափողերի կպումներ. լապարոսկոպիան՝ լավագույն լուծում. հարցազրույց Լիլիթ Սարգսյանի հետ

Կնոջ օրգանիզմում բազմաթիվ պրոցեսներ են տեղի ունենում, որոնք հանգեցնում են հիվանդությունների զարգացման՝ իրենց տարատեսակ հետևանքներով......

Կարդալ ավելին»
Կարդալ ավելին»
2024 Նոյ 22, Ուրբաթ | Պացիենտների համար

ՈՒՁՀ հղիության ընթացքում. առավել հաճախ տրվող հարցեր

Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը