«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հղիությունը և տարիքը

Հղիությունը և տարիքը

2021 Դեկ 09, Հինգշաբթի

Կարծիք կա, որ որքան վաղ հղիանա կինը, ֆիզիոլոգիական առումով այնքան լավ է: Սակայն դա այդպես չէ: Շատ վաղ հղիությունը հղի է լուրջ բարդություններով, օրգանիզմի հյուծումով և տրավմատիկ ծննդաբերությամբ: Պատճառն այն է, որ դեռատի օրգանիզմը դեռ բավարար չափով ձևավորված չէ և պատրաստ չէ նման ծանրաբեռնվածության: Վաղ հղիությունը և՛ պտղի, և՛ մոր համար փորձություն է:

18-25 տարեկանն ամենակատարյալ տարիքն է հղիության և ծննդաբերության համար, քանի որ երիտասարդ և ուժեղ օրգանիզմը ձվաբջիջների մեծ պաշար ունի և հիմնականում դեռևս զերծ է քրոնիկ հիվանդություններից:

Չնայած այս դեպքում էլ անհատական մոտեցում է պետք: Երբեմն հասուն կանայք ավելի առողջ և ուժեղ են, քան 18-25 տարեկան երիտասարդ աղջիկները:
Այստեղ մեծ դեր ունեն գենետիկան, անհատական յուրահատկությունները և կյանքի բնույթը: Սակայն, ըստ վիճակագրության, մինչև 25 տարեկանը պտղի մոտ գենետիկ խնդիրների վտանգն ամենանվազագույնն է, իսկ մոր մոտ նվազագույն են հղիության բարդությունները:

25-35 տարեկան կանայք: Անցել են այն ժամանակները, երբ 25 տարեկանից հետո հղիացող կանայք համարվում էին ուշ ծննդաբերողներ: Ներկայում 30 տաեկանն անց կանայք ավելի հաճախ են առաջին անգամ ծննդաբերում: Եթե կինն իրեն լավ է զգում, առողջ ապրելակերպ է վարում, ապա առողջ երեխա ունենալու հավանականությունն ավելի մեծ է, քան մինչև 25 տարեկանը:  Իհարկե, 30-ից հետո հղիությունն ավելի դժվար է ընթանում. կարող են դիտվել բարձր զարկերակային ճնշում, այտուց:

35-40 տարեկանում պտղաբերությունը նվազում է և ինքնուրույն հղիանալը դժվարանում է: Հղիության ընթացքի վրա կարող է ազդել ապրած կյանքի որակը  (վնասակար սովորություններ, սթրեսներ, ավելորդ քաշ), առկա հիվանդությունները՝ զարկերակային գերճնշում, շաքարային դիաբետ:

60 և ավելի տարիքում հղիությունն բարդ է, բայց` հնարավոր: Բարդությունը կայանում է նրանում, որ օրգանիզմի պաշարները սպառվում են և տարիների ընթացքում վերարտադրողական օրգանների տարած հիվանդությունները (վարակներ), հղիություններն իրենց ազդեցությունը կարող են ունենալ:

Բացի այդ, այդ օրգաններում տարիքային փոփոխություններ են ընթանում, իսկ մկանները կորցնում են իրենց առաձգականությունը, որի արդյունքում ծննդաբերությունը բնական ճանապարհով կարող է բարդ և տրավմատիկ ընթացք ունենալ:
40 տարեկանից հետո Դաունի համախտանիշով ծնվող երեխաները 106-ից մեկն են, իսկ 45-ից հետո՝ 30-ից մեկը:

Այնպես որ, հղիության պլանավորմանը պետք է շատ լուրջ վերաբերվել` ցանկացած տարիքում:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը