Մոր և մանկան առողջության պահպանման գիտահետազոտական կենտրոն
Լուրեր | Վնասակար սովորությունների վտանգավորությունը հղիության ընթացքում. հարցազրույց Սոնա Աբելյանի հետ

Վնասակար սովորությունների վտանգավորությունը հղիության ընթացքում. հարցազրույց Սոնա Աբելյանի հետ

2022 Հուն 10, Երկուշաբթի

Վնասակար սովորություններից՝ հատկապես ծխախոտի և ալկոհոլի օգտագործումից, ամբողջությամբ պետք է հրաժարվեն և՛ ապագա մայրը, և՛ ապագա հայրը: Վատ սովորությունները չծնված երեխայի համար կարող են ամենալուրջ վտանգների պատճառ դառնալ։  

Հղիության ընթացքում նույնիսկ փոքր քանակությամբ ալկոհոլային խմիչքների, ծխախոտի համակարգված օգտագործման պարագայում կարող են ի հայտ գալ խնդիրներ, որոնք կհանգեցնեն զարգացման բազմաթիվ շեղումների, ինչպես նաև, ապագայում կարող են առաջացնել երեխայի ֆիզիկական և մտավոր զարգացման խանգարումներ:

Հղիության համար ի՞նչ վնասակար նյութեր է պարունակում ծխախոտը:

Ծխախոտի ծուխը պարունակում է ավելի քան 4000 վնասակար նյութեր, այդ թվում՝ նիկոտին և ածխածնի մոնօքսիդ (CO), որոնք խանգարում են օրգանիզմում թթվածնի տեղափոխմանը և կարող են առաջացնել նյարդային համակարգի դիսֆունկցիա։

Նիկոտինը չափազանց թունավոր նյութ է, որը, մտնելով հղի կնոջ արյան մեջ, կարող է թունավորել կամ, նույնիսկ, «խեղդել» դեռևս չծնված երեխային, քանի որ սաղմը` հատկապես առաջին 2-3 ամսում, շատ զգայուն է թթվածնի պակասի նկատմամբ։

Ինչպե՞ս են ծխախոտի տոքսիններն ազդում հղիության ընթացքի և պտղի վրա:

Ծխելը բարձրացնում է ընկերքի շերտազատման վտանգը և նրա ոչ ճիշտ դիրքի դեպքում արգանդային արյունահոսությունների հաճախականությունը:

Ծխախոտի ծխի տոքսինների ազդեցությունը բարձրանում է հղիության ընդհատման վտանգը:

Ծխախոտի ծխում առկա ածխածնի մոնօքսիդը կապում է հեմոգլոբինը (որի օգնությամբ թթվածինը տեղափոխվում և հասնում է հյուսվածքներին): Դրա արդյունքում պակասում է պտղին հասնող թթվածնի քանակը և զարգանում է պտղի քրոնիկ թթվածնային քաղց:

Պասիվ ծխելը նույնպես էական ազդեցություն ունի պտղի զարգացման վրա։ Ծխի մշտական ազդեցությունը կարող է հանգեցնել պտղի աճի դանդաղման։  

Ծխելը ապագա մոր և երեխայի մոտ առաջացնում է վահանագեղձի գործունեության խանգարում:

Ինչպիսի՞ն է նիկոտինի ազդեցությունը պտղի զարգացման վրա:

Նիկոտինը պլացենտայում և արգանդում առաջացնում է արյան շրջանառության խանգարում, որի հետևանքով պտուղը ստանում է ավելի քիչ թթվածին և սննդարար նյութեր: Նիկոտինն առաջացնում է նաև արգանդի ու պլացենտայի զարկերակների սպազմ, ինչը ևս նվազեցնում է շրջանառվող ու պտղին հասնող արյան քանակը, դրանով իսկ խորացնում փոքրիկի թթվածնային անբավարարությունը:

Ի՞նչ հնարավոր բարդություններ կարող են լինել:

Ներարգանդային զարգացման ընթացքում պտղի թթվածնային քաղցը բարջրացնում է երեխաների կրկնակի անգամ ավելի հաճախ 2500 գրամից պակաս քաշով ծնվելու հավանականությունը:

Բացի այդ, նորածնային մահացության վտանգը բարձրանում է 20-35 տոկոսով, մեծանում է երեխայի մտավոր ունակությունների նվազման վտանգը:

Ծխող կանանց մոտ մեծ է նաև պոլիդակտիլիայով (ձեռքերի և ոտքերի ավելորդ մատերով) երեխաների ծնունդը:

Ծխելն ազդո՞ւմ է կաթնարտադրության և կաթի որակի վրա:

Նիկոտինը դանդաղեցնում է պրոլակտին հորմոնի արտադրությունը, որը դրդում է կրծքի կաթի արտադրումը: Ծխի ազդեցությամբ կրծքի կաթում նվազում է հորմոնների, վիտամինների և հակամարմինների քանակը: Ընդ որում, կրծքի կաթի մեջ նիկոտինի պարունակությունը երեք անգամ գերազանցում է մոր արյան մեջ առկա քանակը:



+374 10 53 06 41

Վերջին թարմացումներ

Կարդալ ավելին»
2024 Մար 27, Չորեքշաբթի | Լուրեր

Էքստրեմալ անհասությամբ ծնված փոքրիկը վերադարձավ հայրենիք՝ Նիդերլանդներ

Նա եկել էր Հայաստանի  ֆուտբոլային ակումբներից մեկում խաղացող ֆուտբոլիստ ամուսնուն տեսակցության՝ 24-շաբաթական հղիության ժամկետում։ Նա չէր էլ կարող պակերացնել, որ վաղաժամ ծննդաբերությունը կստիպի, ինչպես ինքն է գրում...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Մար 21, Հինգշաբթի | Մասնագետների համար

Կլինիկական դեպք․ գիգանտ միոմայի բարեհաջող հեռացում

Մոր և մանկան առողջության պահպանման ԳՀԿ էր դիմել  29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը