Ի՞նչ կարևոր կանոնների պետք է հետևի հղի կինը:

Հղիության սահուն ընթացքի համար անհրաժեշտ է մի քանի պարզ պայման՝ ճիշտ ռեժիմ, բավարար հանգիստ, առողջ սնունդ, զբոսանք մաքուր օդում, թեթև ֆիզիկական ակտիվություն, դրական վերաբերմունք հարազատների և գործընկերների կողմից, վատ սովորություններից հրաժարում (հատկապես ծխախոտի և ալկոհոլի օգտագործումից), կանոնավոր այցելություններ բժշկին և նրա խորհուրդների կատարում։

Ի՞նչ ազդեցություն կարող են թողնել արտաքին վնասակար գործոնները հղիության ընթացքում:

Բացի ծխախոտը և ալկոհոլը, կան բազմաթիվ այլ գործոններ, որոնք վտանգավոր են զարգացող պտղի համար: Համակարգիչն ու բջջային հեռախոսը դարձել են մեր առօրյայի անբաժան մասը։ Հղիություն պլանավորող զույգերին խորհուրդ է տրվում կտրուկ կրճատել համակարգչի հետ աշխատանքը` բեղմնավորումից առաջ: Հղիության ընթացքում ևս խորհուրդ է տրվում հնարավորին զերծ մնալ ավելորդ ճառագայթումից:  Որքան էլ զարմանալի է հնչում, բայց համակարգչի մոտ շատ ժամանակ անցկացրած կանանց մոտ արձանագրվում են հաճախակի վիժումներ, վաղաժամ ծննդաբերություն, կամ երեխան ծնվում է արատով:

Ի՞նչ ազդեցություն կարող են թողնել դեղորայքի օգտագործումը:

Հղիության ընթացքում պետք է զերծ մնալ ցանկացած տեսակի դեղորայքի օգտագործումից: Դեղորայք պետք է օգտագործել միայն խիստ ցուցումների դեպքում, այն էլ՝ միմիայն բժշկի հետ խորհրդակցելուց հետո:

Հոգեբանական ազդակներն ի՞նչ ազդեցություն կունենան:

Ցանկացած բացասական հույզ կարող է ազդեցություն ունենալ հղիության ընթացքի և երեխայի զարգացման վրա: Պետք է չնեղվել մանրուքներից, անհրաժեշտ է ավելի հաճախ հանգստանալ, զբոսնել մաքուր օդում, ավելի շատ նայել գեղեցիկ առարկաների կամ մարդկանց, լսել դասական երաժշտություն, շատ ժամանակ տրամադրել սիրելի գործերին և գտնել ուրախության պատճառներ:  Եվ, ամենակարևորը, չվախենալ ոչնչից և մտածել, որ ամեն ինչ լավ կլինի: