Մոր և մանկան առողջության պահպանման գիտահետազոտական կենտրոն
Լուրեր | Դաշտանային ցիկլի խանգարումները. հարցազրույց մանկաբարձ-գինեկոլոգ Մարիամ Հակոբյանի հետ

Դաշտանային ցիկլի խանգարումները. հարցազրույց մանկաբարձ-գինեկոլոգ Մարիամ Հակոբյանի հետ

2022 Փետ 25, Ուրբաթ

Դաշտանային ցիկլի խանգարումը վիճակ է, որի դեպքում փոփոխվում է վերարտադրողական համակարգի օրգանների աշխատանքը: Նման խանգարումներ տեղի են ունենում գրեթե բոլոր կանանց մոտ: Դաշտանի խանգարման հիմնական պատճառը կանանց հորմոնալ ֆոնի դիսֆունկցիան է: Պատճառները կարելի է բաժանել` ֆիզոլոգիական և ախտաբանական:

Որո՞նք են դաշտանային ցիկլի խանգարման պատճառները

Ֆիզիոլոգիական պատճառներ են կլիմայի փոփոխությունը, հաճախակի նյարդային գերլարումները, վատ սնուցումը, դաշտանադադարը և այլն:
Ախտաբանական պատճառներն են՝ գինեկոլոգիական հիվանդությունները, ներքին օրգանների և համակարգերի քրոնիկ ախտաբանությունները, որոնք բացասաբար են ազդում կոնքի օրգանների աշխատանքի վրա, որոշ դեղերի օգտագործումը՝ հորմոնալ հակաբեղմնավորիչներ, գլյուկոկորտիկոիդներ, հակամակարդիչներ, հակացնցումային միջոցներ և այլն:

Ցիկլի խանգարումները որքանո՞վ կապ ունեն կնոջ տարիքի հետ:

40 տարեկանից հետո կանանց դաշտանի խանգարումներն առավել հաճախ կապված են վերարտադրողական համակարգի տարիքային փոփոխությունների հետ: Այդ տարիքում ձվարանների ֆոլիկուլային պաշարը սպառվում է, ավելանում է առանց ձվազատման ցիկլերի հաճախականությունը: Կանանց օրգանիզմում նման փոփոխությունները սկսում են անկանոն դաշտաններով, արգանդի դիսֆունկցիոնալ արյունահոսությամբ և ավարտվում դաշտանադադարով:

Երիտասարդ աղջիկների մոտ դաշտանի խանգարումները հաճախ կապված են հիպոթալո-հիպոֆիզային և ձվարանների համակարգի անհավասար հասունացման հետ:

Ավելի քիչ դեր ունեն բնածին կամ ձեռքբերովի պատճառները՝ քրոմոսոմային հիվանդությունները կամ վերարտադրողական համակարգի անոմալիաները:

Ի՞նչ ախտանշաններով են ի հայտ գալիս:

Կախված էթիոլոգիական գործոնից, դաշտանային ցիկլի խանգարումները կարող են դրսևորվել տարբեր կերպ. ալգոմենորեա, որն ուղեկցվում է որովայնի ստորին հատվածում ձգվող ցավերով, սրտխառնոցով, գլխացավով, դաշտանի խանգարմամբ, դիսմենորեա, երբ անկանոն ցիկլն արտահայտվում է կտրուկ` առանց ուղեկցող ախտանշանների, հիպերմենորեա՝ նորմալ տևողությամբ դաշտանի առատ արտահոսք, մենորագիա՝ առատ արյունահոսությամբ ընթացող ցիկլը տևում է մինչև 12 օր, հիպոմենորեա՝սակավ արյունային արտադրություն, պոլիմենորեա՝ դաշտանի միջև ընդմիջումը ոչ ավելի է, քան 21 օրը, օլիգոմենորեա՝ 1-2 օր տևողությամբ կարճ ժամանակահատվածներ, օպսոմենորեա՝ 3 ամիս ընդմիջումով մեկանգամյա արյունային արտադրություն:

Բացի հիմնական կլինիկական նշաններից, կարող են լինել նաև այլ ախտանշաններ՝ հոգնածություն, դյուրագրգռություն, մարմնի քաշի ավելացում կամ նվազում, տարբեր ինտենսիվության ցավ` գոտկատեղի կամ որովայնի ստորին հատվածում, սրտխառնոց, հաճախակի գլխացավեր, միգրեն:

Ինչպե՞ս են ախտորոշվում դաշտանային խանգարումները

Նախքան դաշտանի խանգարումը բուժելը պետք է կատարել մի շարք հետազոտություններ, որոնց արդյունքները կօգնեն բժշկին գտնել հիմնական պատճառը և նշանակել անհրաժեշտ բուժում:

Դաշտանային ցիկլի խանգարման դեպքում կատարվում են հետևյալ հետազոտությունները՝ ուլտրաձայնային հետազոտություն, հյուսվածքաբանական քննություն, կոլպոսկոպիա, ՊԱՊ թեստ, արյան, մեզի քննություն, վարակների առկայության հանդեպ հետազոտություն:

Բուժման ի՞նչ տարբերակներ են կիրառվում:

Դաշտանային խանգարումների բուժումն ուղղակիորեն կապված է նրա հիմնական պատճառից: Եվ, անկախ պատճառից, այն պետք է իրականացվի գինեկոլոգի կողմից:

Եթե, օրինակ, պատճառը վարակային գործոնն է, նշանակվում են հակաբակտերալ դեղեր, ուրոսեպտիկներ, հորմոնալ դեղեր, ֆիզիոթերապիա:
Բոլոր դեպքերում, պետք է վերահսկել սննդակարգը, հանգիստը, խուսափել ֆիզիկական և հոգեբանական սթրեսից:



+374 10 53 06 41

Վերջին թարմացումներ

Կարդալ ավելին»
2024 Մար 13, Չորեքշաբթի | Լուրեր

Կայացավ «Սուր փուլի պատասխան» թեմայով դասախոսությունը

Մարտի 5-ին Մոր և մանկան առողջության պահպանման ԳՀԿ-ում (ՄՄԱՊԳՀԿ) տեղի ունեցավ «Սուր փուլի պատասխան» թեմայով դասախոսությունը, որի շրջանակում ելույթով հանդես եկավ Երևանի Մ․ Հերացու անվան պետական բժշկական համալսարանի...

Կարդալ ավելին»
Կարդալ ավելին»
2024 Մար 07, Հինգշաբթի | Պացիենտների համար

Հետաձգված մայրություն․ ձվաբջջի սառեցում 35-ն անց կանանց մոտ

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը հետ է զարգանում, և ծննդյան պահին հասնում մինչև 1,5-2 միլիոնի...

Կարդալ ավելին»
Կարդալ ավելին»
2024 Փետ 16, Ուրբաթ | Մասնագետների համար

Կլինիկական դեպք․ արգանդի սպիի շրջանում հայտնաբերված հեմատոմայի հեռացում

Բուժառու Ս.Ս., 30 տարեկան, ՄՄԱՊԳՀԿ է դիմել՝ գանգատվելով 1,5-2 ամիս սեռական ուղիներից չդադարող...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը