Կենտրոնի տնօրեն Գեորգի Օկոև․ «Զոհված զինծառայողի ծնողները դիմելով արտամարմնային բեղմնավորման օգնությանը ունեցան տղա, որը, ես կարծում եմ, ամբողջությամբ չի կարողանա փոխարինել, բայց կնպաստի ընտանիքի լիարժեք կյանքով ապրելուն: Ծնվեց Հայաստանի ապագա ևս մեկ երիտասարդ, միգուցե ապագա զինվորը, ապագա գիտնականը, բժիշկը․․․մեր երկրի ապագան»։

Մանկաբարձ-գինեկոլոգ Մարիամ Հակոբյան․ «Մարգարիտան կենտրոն է դիմել 2021 թվականի ամռանը, որից  հետո  որոշվեց իրականացնել արտամարմնային բեղմնավորում։ Եվ այս խորհրդանշանական օրը,  կեսարյան հատման ճանապարհով, 38 շաբաթական հղիության ժամկետում լույս աշխարհ եկավ  մեր երկար սպասված բալիկը։ Նորածինը ծնվել է 3050 գրամ քաշով, 50 սմ հասակով։

Մեր ամբողջ անձնակազմի անունից շնորհավորում ենք Մերումյանների ընտանիքին այս երջանիկ օրվա համար, այս երջանիկ պահերը միասին աապրելու համար, ցանկանում ենք առողջություն, երկար տարիների կյանք մեր նոր ծնված տղային»։