«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Լուրեր | Անքնությունը հղիության ժամանակ. հարցազրույց Գայանե Գոմցյանի հետ

Անքնությունը հղիության ժամանակ. հարցազրույց Գայանե Գոմցյանի հետ

2022 Հուլ 25, Երկուշաբթի

Հղիության ո՞ր ժամկետներին է բնորոշ անքնությունը

Հղիության ժամանակ անքնությունը երբեմն կարող է լինել ապագա մոր օրգանիզմում տեղի ունեցող գործընթացների հետևանք: Առաջին եռամսյակում քնի խանգարումները հաճախադեպ են, ինչը պայմանավորված է հորմոնալ փոփոխություններով: Այնուամենայնիվ, յուրաքանչյուր հաջորդ շաբաթվա ընթացքում հղիների մոտ քնի խանգարման ավելի ու ավելի շատ պատճառներ են հայտնվում:

Երկրորդ եռամսյակում հղի կանանց անքնությունը պայմանավորված է մեծացող որովայնով, որ յուրաքանչյուր շարժման համար ավելի շատ ջանք է անհրաժեշտ: Դժվարանում է  նաև քնելու հարմարավետ դիրք գտնելը:

Որո՞նք են անքնության պատճառները:

Ֆիզիոլոգիական պատճառներն են՝ շնչարգելությունը, ցավը` ոտքերի և գոտկատեղի շրջանում, այրոցը, հաճախակի միզելու ցանկությունը, քանի որ չափերով մեծացած արգանդը ճնշում է միզապարկին:

Հոգեբանական պատճառներն են՝ նյարդային գերլարումը, մղձավանջները, քրոնիկ հոգնածությունը:

Ինչպե՞ս պայքարել անքնության դեմ:

Անհրաժեշտ է հրաժարվել ցերեկը քնելու սովորությունից: Ցանկալի է, որ հարազատներից որևէ մեկին (ամուսին, քույր, մեծ երեխա) հղին պատմի իր գիշերային մղձավանջների (երազներ, մտքեր) մասին: Դա կարող է հանգստացնել նրան:

Պետք է խուսափել գերլարումից, օրվա ընթացքում կուտակված հոգնածությունը կարող է խանգարել գիշերային հանգիստ քնին: Քնելուց առաջ պետք է չօգտագործել դժվարամարս սնունդ, երեկոյան պակասեցնել հեղուկի օգտագործումը: Օգնում է նաև քնելուց առաջ տաք ցնցուղ կամ լոգանք ընդունելը: Պետք է ստեղծել քնելու սովորություն. պառկել միշտ նույն ժամին, ցանկալի է մինչև երեկոյան ժամը 23:00-ը:

Ապագա մայրերի համար նախատեսված պարապմունքների հաճախող հղիներն ավելի քիչ են տառապում անքնությամբ: Այդ պատճառով խորհուրդ է տրվում հաճախել հղիների համար նախատեսված ապագա մայրերի դպրոց, ֆիթնես ծրագրերի, հատուկ մարզումների:

Քնելուց առաջ լավ հանգստացնում է մեկժամյա զբոսանքը: Այլընտրանք է սենյակի օդափոխումը: Ծննդաբերությանը մոտ ժամանակահատվածում խորհուրդ չի տրվում քնել մեջքի վրա, քանի որ այդ դիրքում արգանդը ճնշում է ստորին երակին, որը վատացնում է սրտի, գլխուղեղի արյան շրջանառությունը: Հղի կնոջ մոտ դա կարող է առաջացնել գլխապտույտ, անգամ ուշաթափություն և պտղի հիպօքսիա:

Անքնությունից հղին դառնում է դյուրագրգիռ, ավելանում է սթրեսի գործոնը, ինչն իր հերթին խանգարում նորմալ քնին: Խորհուրդ է տրվում անկողնում շատացնել բարձերը, հարմար դիրք ընդունել:

Քաշի ավելացումը նույնպես կարող է անհանգստություն առաջացնել, ուստի պետք է հետևել հղիի քաշին:

Կարելի՞ է քնաբերներ օգտագործել հղիության ընթացքում:

Նույնիսկ այն դեպքում, երբ հղիության ընթացքում անքնությունն անհանգստություն է պատճառում, չի կարելի քնաբեր հաբեր օգտագործել: Եթե քնի և արթնության ռիթմն այնքան է խանգարվել, որ գիշերային քունը տևում է ընդամենը 4-5 ժամ, և դա շարունակվում է մեկ շաբաթից ավելի, անհապաղ պետք է խորհրդակցել մասնագետի հետ:  Գինեկոլոգը պետք է պարզի ֆիզիոլոգիական պատճառները, թերապևտը՝ առողջական վիճակը, իսկ հոգեբանը կարող է խորհուրդ տալ հոգեբանական վիճակը լավացնող միջոցներ:

Երեխայի ծննդին նախապատրաստվելն աշխատանք է, որը պահանջում է զգալի ջանքեր, և այդ ծախսված ուժերը պետք է վերականգնվեն: Հմուտ մասնագետների կողմից համալիր միջոցառումներ կազմակերպելու դեպքում այդ ամենը հնարավոր է կարգավորել:

+374 10 53 06 41

Վերջին թարմացումներ

Կարդալ ավելին»
2025 Հուլ 12, Շաբաթ | Լուրեր

Արգանդափողերի կպումներ. լապարոսկոպիան՝ լավագույն լուծում. հարցազրույց Լիլիթ Սարգսյանի հետ

Կնոջ օրգանիզմում բազմաթիվ պրոցեսներ են տեղի ունենում, որոնք հանգեցնում են հիվանդությունների զարգացման՝ իրենց տարատեսակ հետևանքներով......

Կարդալ ավելին»
Կարդալ ավելին»
2024 Նոյ 22, Ուրբաթ | Պացիենտների համար

ՈՒՁՀ հղիության ընթացքում. առավել հաճախ տրվող հարցեր

Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը