Խմորիչային վարակները, ինչպես հեշտոցի այլ վարակներ, հղիության ընթացքում հաճախակի են հանդիպում: Հղի կինը շատ զգայուն է վարակների նկատմամբ: Հորմոնալ փոփոխությունները, իմունիտետի ընդհանուր անկումը վարակի զարգացման հիմնական պատճառ են:

Հեշտոցային վարակներ

Շատ հղիների մոտ դիտվում է կաթնախտ /молочница/, որի հարուցիչները Candida միկրոսկոպիկ սնկերն են: Այս խնդիրը հիմնականում առաջանում է երկրորդ և երրորդ եռամսյակում:

Հիմնական ախտանշաններն են.

• Քոր արտաքին սեռական օրգանների շրջանում
• Սպիտակավուն արտադրություն սեռական ուղիներից
• Միզարձակության ժամանակ ցավ կամ տհաճ զգացողություն
• Այրոց և ցավ սեռական ակտի ժամանակ

Անհրաժեշտ է դիմել գինեկոլոգի և ժամանակին ստանալ անհրաժեշտ բուժումը:

Բակտերիալ վագինոզ

Այս վարակը այժմ հեշտ բուժելի է: Հիմնական ախտանշաններն են.

• Քոր, ցավ, այրոց սեռական օրգանների շրջանում
• Առատ արտադրություն
• Տհաճ հոտ

Եթե բակտերիալ վագինոզը ժամանակին չի բուժվում, այն կարող է վաղաժամ ծննդաբերության պատճառ դառնալ:

Բ խմբի ստրեպտոկոկ

Այս բակտերիաները հաճախ հանդիպում են ուղիղ աղում և հեշտոցում: Նրանք կարող են որևէ ախտանշան չառաջացնել, սակայն վտանգը նրանում է, որ մայրը դրանք կարող է փոխանցել երեխային, իսկ դա հղի է խնդրահարույց հետևանքներով՝ կարող է անգամ վտանգել փոքրիկի կյանքը:

Արգանդի վարակներ

Այս վարակներն անմիջական ազդեցություն կարող են ունենալ ընկերքի վրա: Հնարավոր է՝ վաղաժամ ծննդաբերության պատճառ դառնան, կամ ազդեն պտղի զարգացման վրա:

Անհրաժեշտ է կանխել վարակի անցումը հեշտոցից արգանդ: Այդ նպատակով պարտադիր պետք է իրականացնել անհրաժեշտ բուժում:

Հնարավոր է՝ անհրաժեշտ լինի հոսպիտալիզացիա: Բայց հաճախ բուժումն իրականացվում է հիվանդանոցային պայմաններում. նշանակվում են հակաբորբոքիչներ, միկրոֆլորան վերականգնող դեղեր և այլն: