Մոր և մանկան առողջության պահպանման գիտահետազոտական կենտրոն
Ախտորոշում | Ռենտգենաբանության և դենսիտոմետրիայի լաբորատորիա

Ռենտգենաբանության և դենսիտոմետրիայի լաբորատորիա

Իրականացվում է հիվանդայցելուների հետազոտում ամբուլատոր պայմաններում:

Կատարվում են հետևյալ հետազոտությունները.

1. Հիստերոսալպինգոգրաֆիա (արգանդափողագրություն) ("Siemens Siremobil compact L - М44-2" սարք). Թույլ է տալիս գնահատել արգանդի մարմնի, պարանոցի և ֆալոպյան փողերի (արգանդափողերի) վիճակը: Իրականացվում է արգանդի խոռոչ յոդ-կոնտրաստային պատրաստուկի (70% ուրոգրաֆին) ներմուծմամբ: Հատուկ համակարգչային ծրագիրը թույլ է տալիս գրանցել նկարը նյութի ներարկման պահից մինչև վերջ, ինչը մեծացնում է ախտորոշման ճշգրտությունը: Հասցվել է նվազագույնի ինչպես հիվանդների, այնպես էլ բուժանձնակազմի ճառագայթահարումը: Կա նաև հնարավորություն գրանցել կատարվող հետազոտությունը խտասկավառակի վրա:

2. R-դենսիտոմետրիա ("HOLOGIC QDR 4500" սարք)՝ սա օստեոպորոզի (ոսկրանյութի հանքային խտության պակաս) ախտորոշման և հիվանդայցելուների մոտ կոտրվածքների ռիսկի գնահատման հիմնական մեթոդն է: Կատարվում է հետդաշտանադադարային տարիքի կանանց և 60 տարեկանից բարձր տղամարդկանց մոտ: Ավելի երիտասարդ տարիքում դենսիտոմետրիան կատարվում է հատուկ ցուցումների դեպքում: Համապատասխան բուժման մշտադիտարկման համար կարելի է կատարել այս հետազոտությունը մեկ տարի անց: Նկարվում է ողնաշարի գոտկային, ազդրի պրոքսիմալ (մոտակա) և դոմինանտ (գերակշռող) ձեռքի նախաբազկային հատվածը:

Ռենտգենաբանության և դենսիտոմետրիայի լաբորատորիա Ռենտգենաբանության և դենսիտոմետրիայի լաբորատորիա

Ոսկրային դենսիտոմետրիայի անցկացումը անհրաժեշտ է.

  • Ռիսկի գործոնով հիվանդայցելուների կոտրվածքների կանխարգելման համար
  • Օստոպորոզի ախտանունը հաստատելու համար
  • Բուժման արդյունավետությունը գնահատելու համար
  • Նախկինում կոտրվածքներ ունեցող տղամարդկանց և կանանց մոտ
  • Տևական ժամանակ գլյուկոկորտիկոիդներ և իմունաընկճիչ (իմունաուպրեսիվ) պատրաստուկներ
  • ընդունած անձանց՝ ցանկացած տարիքի
  • 65 տարեկանից բարձր կանանց և 70 տարեկանից բարձր տղամարդկանց
  • Ռիսկի գործոն ունեցող, մինչև 65 տարեկան կանանց և տղամարդկանց
  • Էնդոկրին համակարգի ախտաբանության դեպքում (1 և 2 տիպի շաքարային դիաբետ, վահանաձև գեղձի հիվանդություններ, ձվարանների պոլիկիստոզ համախտանիշ, հիպոֆիզի ադենոմա, Կուշինգի հիվանդություն)
  • Աղե-ստամոքսային համակարգի հիվանդությունների դեպքում
  • Միելոմային հիվանդության դեպքում
  • Թերսնուցման, կալցիումի և վիտամին D-ի թերընդունման դեպքում
  • Դաշտանային ցիկլի խանգարումներով կանանց, դաշտանի երկարատև բացակայության դեպքում:

3. Մամոգրաֆիա (ստինքագրություն) ("Siemens mammomat" սարք)՝ հանդիսանում է կրծքագեղձերի հիվանդությունների ախտորոշման մեթոդ: Կատարվում է 4 դիրքերում: Անհրաժեշտության դեպքում հնարավոր է նաև իրականացնել նկարահանում լրացուցիչ պրոեկցիաներով (ուրվագծերով) (կոմպրեսիայով (սեղմումով) և առանց դրա:

Մամոգրաֆիան ցուցված է.

  • 35 տարեկանից բարձր կանանց, որպես կրծքագեղձերի ախտաբանության ախտորոշման  սկրինինգային (ընտրույթային) մեթոդ:
  • Ցանկացած տարիքի կանանց՝ կրծքագեղձերում հանգույցային գոյացությունների, կոշտուկների, մաշկի,  պտուկների փոփոխությունների և պտուկներից արտադրության դեպքում
  • Գինեկոլոգիական խրոնիկ հիվանդություններով կանանց Կանայք 35-ից մինչև 50 տարեկանը մամոգրաֆիա պետք է անցնեն երկու տարին մեկ անգամ, իսկ
  • 50 տարեկանից հետո՝ ամեն տարի:

Բաժնի բժիշկներ

Հելենե Պարգևի Չոլոյան

բժիշկ-ռադիոլոգ

+374 10 53 13 42

Վերջին թարմացումներ

Կարդալ ավելին»
2020 Հուն 23, Երեքշաբթի | Լուրեր

Հղիության 38-րդ շաբաթ

Որքան արագ է թռչում ժամանակը: Թվում է, դեռ երեկ էր, երբ Դուք տեսաք թեստի 2 գծիկը, իսկ այժմ հղիությունն արդեն մոտենում է իր ավարտին:  38-րդ շաբաթում ապագա շատ մայրերի մոտ բացվում է երկրորդ շնչառությունը...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը