«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Գինեկոլոգիական հետազոտություններ

Գինեկոլոգիական հետազոտություններ

2023 Մար 06, Երկուշաբթի

Հետազոտությունների ցանկը կախված է ցուցումներից:

Գինեկոլոգը կարող է նշանակել հետևյալ հետազոտությունները.

  • Քսուք. իրականացվում է գինեկոլոգի մոտ այցի շրջանակում` վարակի կասկածի դեպքում, վիրահատական միջամտությունից առաջ և այլն:
  • Արյան հետազոտություն. նշանակվում է ըստ ցուցման: Իրականացվում է արյան ընդհանուր և կենսաքիմիական քննություն, հեպատիտի, ՁԻԱՎ-ի, սիֆիլիսի հայտնաերման հետազոտություններ և այլն:
  • ՊՇՌ (պոլիմերազային շղթայական ռեակցիա) մեթոդով հետազոտություն. թույլ է տալիս հայտնաբերել թաքնված սեռավարակները (ուրեապլազմոզ, խլամիդիոզ և այլն):

Ախտորոշումը ճշտելու համար կարող են նշանակվել լրացուցիչ սպեցիֆիկ հետազոտություններ.

  • արյան հետազոտություն` օնկոմարկերների կապակցությամբ,
  • հորմոնների մակարդակի որոշում,
  • քսուք` բջջաբանական հետազոտության համար,
  • գենետիկ հետազոտություններ և այլն:

Քսուքների տեսակները

  • Քսուք` հեշտոցի միկրոֆլորայի հայտնաբերման համար (կատարվում է յուրաքանչյուր գինեկոլոգիական այցի ժամանակ),
  • քսուք` հեշտոցում մաքրության աստիճանը որոշելու համար (որոշվում է նորմալ, ախտածին և պայմանական ախտածին միկրոօրգանիզմների քանակը),
  • քսուք բիոպսիայի համար.  թույլ է տալիս հայտնաբերել ախտածին միկրոօրգանիզմները, նրանց զգայունությունը անտիբիոտիկների նկատմամբ,
  • քսուք օնկոցիտոլոգիայի համար (նշանակվում է էպիթելի ախտաբանական փոփոխությունները հայտնաբերելու նպատակով):

Անհրաժեշտ է պահպանել հետևյալ կանոնները.

  • Հրաժարվել բժշկի այցից` կրիտիկական օրերին, եթե իրավիճակն անհետաձգելի չէ,
  • քսուքը հանձնելու նախորդ օրը բացառել սեռական հարաբերությունը,
  • բժշկի ցուցումով հրաժարվել վագինալ մոմիկներից` հետազոտությունից մեկ օր առաջ,
  • ներլվացումներ չկատարել,
  • բացառել միզամուղների ընդունումը:

Հետազոտման օրն անհրաժեշտ է.

  • Ցնցուղ ընդունել, հագնել մաքուր սպիտակեղեն,
  • վերցնել մինչև այդ կատարված հետազոտությունների արդյունքները,
  • գրել վերջին շրջանում առկա գանգատները:


Եթե հետազոտությունների ընթացքում անհրաժեշտ է նաև արյան քննություն կատարել, պետք է հաշվի առնել, որ.

  • ցուցանիշները կարող են փոխվել օրվա ընթացքում, այդ պատճառով այն պետք է հանձնել առավոտյան` սոված վիճակում,
  • հորմոնների հետազոտության համար արյուն հանձնելիս պետք է հաշվի առնել, որ տարբեր հորմոնները որոշվում են դաշտանային ցիկլի տարբեր օրերին,
  • հետազոտություններից 1-2 օր առաջ անհրաժեշտ է հրաժարվել ճարպոտ, տապակած սննդից, ծխելուց, ալկոհոլից,
  • հետազոտությունների նախորդ օրը ձեռնպահ մնալ ծանր ֆիզիկական ակտիվությունից:

Գինեկոլոգը ըստ ցուցման կարող է նշանակել նաև էնդոկրինոլոգի, ուրոլոգի կամ այլ մասնագետի կողմից խորհրդատվություններ, կոնքի օրգանների ՈՒՁՀ, լապարոսկոպիա, կոլպոսկոպիա, բիոպսիա և այլն:

Գինեկոլոգիական հետազոտությունների դիմելու ցուցումները.

  • որովայնի ստորին հատվածում` ցավ,
  • դաշտանային ցիկլի խանգարում,
  • սեռական օրգանների շրջանում քոր, այրոց,
  • հղիության պլանավորում,
  • անպտղության կասկած,
  • վիահատական միջամտության նախապատրաստում,
  • պլանային դիսպանսերիզացիա,
  • բուժումից հետո բուժառուի վիճակի գնահատում:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը